ആലപ്പുഴ കലവൂര്‍ സുഭദ്ര കൊലപാതകത്തില്‍ പ്രതികള്‍ പിടിയില്‍. കര്‍ണാടകയിലെ മണിപ്പാലില്‍ നിന്നാണ് നിധിന്‍ മാത്യൂസും ശര്‍മിളയും പിടിയിലായത്. രണ്ടുദിവസം മുന്‍പ് വരെ പ്രതികള്‍ ഉടുപ്പിയില്‍ ഉണ്ടായിരുന്നു എന്ന് പൊലീസിന് വിവരം ലഭിച്ചിരുന്നു. ആഗസ്റ്റ് 10 ന് നാടുവിട്ട പ്രതികള്‍ വീണ്ടും അതെ മാസം 24 ന് മടങ്ങിയെത്തിയിരുന്നു. എന്നാല്‍ ഇവരെ കണ്ടെത്താന്‍ അന്വേഷണ സംഘത്തിന് ആയില്ല. പ്രതികളെ നാളെ വെളുപ്പിനെയോടെ മണ്ണഞ്ചേരി പൊലീസ് സ്റ്റേഷനില്‍ എത്തിക്കും.
