ഇരിട്ടി:മട്ടന്നൂര്‍ എക്‌സ്സൈസ് ഇന്‍സ്പെക്ടര്‍ ലോതര്‍ എല്‍ പെരേരയ്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ ചാവശ്ശേരി മുഖപ്പറമ്പ് ഭാഗത്തെ രണ്ട് വീടുകളിലായി നടത്തിയ പരിശോധനയില്‍ വിപഞ്ചിക ഹൗസില്‍ ഷൈജുവിന്റെ വീട്ടില്‍ നിന്നും 25 ലിറ്റര്‍ വാഷും ഒരു ലിറ്റര്‍ ചാരായവും കണ്ടെടുത്തു പ്രതിയെ അറസ്റ്റ് ചെയ്തു.
മറ്റൊരു പൂട്ടികിടന്ന വീട്ടില്‍ നിന്ന് 125 ലിറ്റര്‍ വാഷും ഒരു ലിറ്റര്‍ ചാരായവും വാറ്റ് ഉപകരണങ്ങളും കണ്ടെടുത്തു. കെട്ടിട ഉടമയായ കല്ലിലാംതോട്ടില്‍ ബിജേഷിനെതിരെ കേസ് എടുത്തു. ബിജേഷ് ഒളിവിലാണ് .
റെയിഡില്‍ എക്‌സ്സൈസ് ഇന്‍സ്പെക്ടര്‍ ലോതര്‍ എല്‍ പെരേര, അസിസ്റ്റന്റ് എക്‌സൈസ് ഇന്‍സ്പെക്ടര്‍ കെ ഉത്തമന്‍, പ്രിവന്റീവ് ഓഫീസര്‍ പി.വി സുലൈമാന്‍ , കെ.കെ സാജന്‍, സിവില്‍ എക്‌സൈസ് ഓഫീസര്‍ മാരായ റിനീഷ് ഓര്‍ക്കാട്ടേരി, എ കെ റിജു , സി.വി റിജുന്‍ , ജി .ദൃശ്യ എന്നിവരും ഉണ്ടായിരുന്നു
