കൊട്ടിയൂര്‍: എന്‍.എസ്.എസ്.കെ.യു.പി സ്‌കൂളില്‍ പോഷണ്‍ അഭിയാന്‍ മാസാചരണത്തിന്റെ ഭാഗമായി വിവിധ പരിപാടികള്‍ സംഘടിപ്പിച്ചു. പി.ടി.എയുടെ നേതൃത്വത്തില്‍ നടന്ന സ്‌കൂള്‍ പച്ചക്കറിത്തോട്ട നിര്‍മ്മാണം ഗ്രാമപഞ്ചായത്ത് അംഗം ജോണി ആമക്കാട് ഉദ്ഘാടനം ചെയ്തു. കുട്ടികള്‍ തയ്യാറാക്കി കൊണ്ടുവന്ന വിവിധ തരം ഇലകള്‍ കൊണ്ടുള്ള ഇലത്തോരന്‍ ഒരു പുതിയ അനുഭവമായിരുന്നു. പി.ടി.എ പ്രസിഡണ്ടിന്റെ നേതൃത്വത്തില്‍ പോഷണ്‍ അഭിയാന്‍ പ്രതിജ്ഞ എടുത്തു. പ്രധാനാധ്യാപിക സുമിത എസ്, ജിഷാ റാണി വി.എസ്, രജി ടി.ഡി, ശ്രീജ കെ.എസ്, പ്രീതി പി മാണി, ഷാജി കെ എന്നിവര്‍ പങ്കെടുത്തു.
