ഇരിട്ടി എം ജി കോളേജില്‍ നാലാം വര്‍ഷ ബിരുദ പാഠ്യ പദ്ധതി ചട്ടക്കൂട് മാറുന്ന പരിപ്രേക്ഷ്യം എന്ന വിഷയത്തില്‍ സെമിനാര്‍ സംഘടിപ്പിച്ചു
ഇരിട്ടി: ഇരിട്ടി മഹാത്മാഗാന്ധി കോളേജ് ഇന്‍ന്റേര്‍ണല്‍ ക്വാളിറ്റി അഷ്വറന്‍സ് സെല്ലും കേരള ഉന്നത വിദ്യാഭ്യാസ കൗണ്‍സിലും സംയുക്തമായി നാലാം വര്‍ഷ ബിരുദ പാഠ്യ പദ്ധതി ചട്ടക്കൂട് മാറുന്ന പരിപ്രേക്ഷ്യം എന്ന വിഷയത്തില്‍ സെമിനാര്‍ സംഘടിപ്പിച്ചു. ദേശീയ വിദ്യാഭ്യാസ നയത്തിന്റെ ഭാഗമായി അടുത്ത വര്‍ഷം മുതല്‍ കോളേജുകളിലും സര്‍വ്വകലാശാലകളിലും നാല് വര്‍ഷ ബിരുദ പ്രോഗ്രാമുകള്‍ ആരംഭിക്കുന്നതിന്റെ ഭാഗമായി കേരള ഉന്നത വിദ്യാഭ്യാസ കൗണ്‍സില്‍ തയ്യാറാക്കിയ കരട് പാഠ്യ പദ്ധതി രേഖ പരിചയപ്പെടുത്താന്‍ വേണ്ടിയായിരുന്നു സെമിനാര്‍ സംഘടിപ്പിച്ചത്.സെമിനാര്‍ കണ്ണൂര്‍ സര്‍വ്വകാലാശാല പ്രോ വൈസ് ചാന്‍സലര്‍ ഡോ.സാബു അബ്ദുള്‍ ഹമീദ് ഉദ്ഘാടനം ചെയ്തു.പ്രിന്‍സിപ്പാള്‍ ഡോ. സ്വരൂപ ആര്‍ അധ്യക്ഷയായി. കണ്ണൂര്‍ സര്‍വകലാശാല സിന്‍ഡിക്കേറ്റ് അംഗവും ഇന്‍ന്റേണല്‍ ക്വാളിറ്റി അഷ്വറന്‍സ് സെല്‍ കണ്‍വീനറുമായ പ്രമോദ് വെള്ളച്ചാല്‍, ഡോ. റജി പായിക്കാട്ട്, ഉന്നത വിദ്യാഭ്യാസ കൗണ്‍സില്‍ അംഗം എന്‍. സത്യാനന്ദന്‍ , അസോ. പ്രൊഫസര്‍ സന്ധ്യ. സി.വി എന്നിവര്‍ സംസാരിച്ചു.പുതിയ പാഠ്യപദ്ധതി നടപ്പില്‍ വരുത്തുന്നതിനായി രൂപീകരിച്ച ഇംപ്ലിമെന്റേഷന്‍ സെല്ലിന്റെ സ്‌പെഷ്യല്‍ ഓഫീസര്‍ ഡോ. ഷഫീക്ക് വി പാഠ്യ പദ്ധതി സമീപനത്തെ കുറിച്ച് ക്ലാസെടുത്തു.സമീപ കോളേജുകളില്‍ നിന്നുള്ള അധ്യാപകരടക്കം സെമിനാറില്‍ പങ്കെടുത്തു.
