ഏലപ്പിടിക അനുഗ്രഹ ആർട്സ് & സ്പോർട്സ് ക്ലബ്ബ് വായനശാല & ഗ്രന്ഥാലയത്തിൻ്റെ ആഭിമുഖ്യത്തിൽ ലഹരി വിരുദ്ധ ബോധവൽക്കരണസെമിനാറും, പ്രതിജ്ഞയും നടന്നു. കണിച്ചാർ ഗ്രാമപഞ്ചായത്ത് പ്രസിഡൻ്റ് ആൻ്റണി സെബാസ്റ്റ്യൻ ഉദ്ഘാടനം ചെയ്തു.വായനശാല പ്രസിഡണ്ട് ജോബ്.ഒ.എ.അദ്ധ്യക്ഷത വഹിച്ചു.വാർഡ് മെമ്പർ .ജിമ്മി അബ്രാഹം ലഹരിവിരുദ്ധ പ്രതിജ്ഞ ചൊല്ലിക്കൊടുത്തു.സംസ്ഥാന ലൈബ്രറി കൗൺസിൽ അംഗം .കെ.എ. ബഷീർ ലഹരി വിരുദ്ധ സന്ദേശം നൽകി. ഇരിട്ടി എൽ.എ.തഹസിൽദാർ ലക്ഷമണൻ സെമിനാറിൽ മുഖ്യാതിഥിയായിരുന്നു. ജോൺസൺ,ജിബിൻ വർഗ്ഗീസ് എന്നിവർ

കണ്ണൂര്‍ കോര്‍പ്പറേഷന്റെ ചേലോറ ട്രഞ്ചിംഗ് ഗ്രൗണ്ടിലെ മാലിന്യങ്ങള്‍ നീക്കുന്ന പ്രവൃത്തി ആരംഭിച്ചു. മേയര്‍ അഡ്വ. ടി ഒ മോഹന്‍ ഉദ്ഘാടനം ചെയ്തു.
60 വര്‍ഷത്തിലധികമായി നിക്ഷേപിക്കപ്പെട്ട മാലിന്യ കൂമ്പാരമാണ് ബയോ മൈനിംങ് സാങ്കേതികവിദ്യ ഉപയോഗിച്ച് നീക്കം ചെയ്യുന്നത്. ഇതിലൂടെ സ്ഥലം വീണ്ടെടുക്കുകയാണ് ലക്ഷ്യം. 10 കോടി രൂപ ചെലവില്‍ 1.5 ക്യുബിക് മീറ്റര്‍ മാലിന്യമാണ് നീക്കം ചെയ്യുക. ആറുമാസത്തിനകം പ്രവൃത്തി പൂര്‍ത്തിയാക്കാനാണ് ലക്ഷ്യം. ചടങ്ങില്‍ രാമചന്ദ്രന്‍ കടന്നപ്പള്ളി എം എല്‍ എ അധ്യക്ഷത വഹിച്ചു. ജില്ലാ കലക്ടര്‍ എസ് ചന്ദ്രശേഖര്‍ മുഖ്യാതിഥിയായി. സൂപ്രണ്ടിംഗ് എഞ്ചിനീയര്‍ ഇന്‍ചാര്‍ജ് പി രാഗേഷ് റിപ്പോര്‍ട്ട് അവതരിപ്പിച്ചു. കോര്‍പ്പറേഷന്‍ സ്ഥിരം സമിതി അധ്യക്ഷന്‍മാരായ എം പി രാജേഷ്, ഷമീമ ടീച്ചര്‍ ,അഡ്വ.പി ഇന്ദിര, സിയാദ് തങ്ങള്‍, ഷാഹിന മൊയ്തീന്‍, സുരേഷ് ബാബു എളയാവൂര്‍, കൗണ്‍സിലര്‍മാരായ വി കെ ശ്രീലത, മുസ്‌ളിഹ് മഠത്തില്‍, കെ പ്രദീപന്‍, കോര്‍പ്പറേഷന്‍ സെക്രട്ടറി വിനു സി കുഞ്ഞപ്പന്‍, വിവിധ രാഷ്ട്രീയ പാര്‍ട്ടി പ്രതിനിധികള്‍ എന്നിവര്‍ പങ്കെടുത്തു.

കണ്ണൂര്‍:ഉപ്പും മുളകും മാത്രമല്ല വീട്ടാവശ്യത്തിനുള്ള സകല സാധനങ്ങളും ഒരു കുടക്കീഴിലാക്കി കുടുംബശ്രീ ബസാര്‍. കുടുംബശ്രീ മിഷന്റെ നേതൃത്വത്തില്‍ ജില്ലയിലെ ആദ്യത്തെ കുടുംബശ്രീ ബസാര്‍ കല്യാശേരി ഇരിണാവ് റോഡില്‍ പ്രവര്‍ത്തനം തുടങ്ങി.
പലചരക്കും പച്ചക്കറികളും മാത്രമല്ല, വസ്ത്രങ്ങളും ആഭരണങ്ങളും അലങ്കാര വസ്തുക്കളുമെല്ലാം ഇവിടെ ലഭിക്കും. തേന്‍, സ്‌ക്വാഷ്, പലഹാരങ്ങള്‍, കറിപ്പൊടികള്‍, നാടന്‍ പച്ചക്കറികള്‍, ചവിട്ടികള്‍, ബാഗുകള്‍, തുടങ്ങി മുന്നൂറിലധികം വൈവിധ്യങ്ങളായ ഉല്‍പ്പന്നങ്ങള്‍ ഇവിടെയുണ്ട്. ഇതില്‍ എണ്‍പത് ശതമാനവും കുടുംബശ്രീയുടെ തനത് ഉല്‍പ്പന്നങ്ങളാണ്. കുടുംബശ്രീ മിഷന്റെ 20 ലക്ഷം രൂപ ചെലവിലാണ് ബസാര്‍ പ്രവര്‍ത്തനം തുടങ്ങിയത്. 200 ഓളം കുടുംബശ്രീ സംരംഭകരെ ഉള്‍പ്പെടുത്തി ജില്ലാതലത്തില്‍ കണ്‍സോര്‍ഷ്യം രൂപീകരിച്ചാണ് ബസാര്‍ എന്ന ആശയം യാഥാര്‍ഥ്യമാക്കിയത്. ഇവരുടെ ഉല്‍പ്പന്നങ്ങള്‍ക്കൊപ്പം ജില്ലയിലെ മറ്റ് കുടുംബശ്രീകളുടെയും, പാലക്കാട്, കോഴിക്കോട്, വയനാട്, കാസര്‍കോട് ജില്ലകളില്‍ നിന്നുള്ള കുടുംബശ്രീ ഉല്‍പ്പന്നങ്ങളും ബസാറില്‍ കിട്ടും. കല്യാശ്ശേരി ബ്ലോക്ക് പഞ്ചായത്തിന്റെ വനിത സംരംഭകത്വ കേന്ദ്രത്തിന്റെ കെട്ടിടത്തിലാണ് ബസാര്‍ പ്രവര്‍ത്തിക്കുന്നത്. ബ്ലോക്ക് പഞ്ചായത്ത് അമ്പത് ശതമാനം വാടകക്കിഴിവും നല്‍കി.
കുടുംബശ്രീ ജില്ലാ മിഷന്‍ നിയോഗിക്കുന്ന മൂന്നംഗ സമിതിയാണ് ബസാറിന്റെ പ്രവര്‍ത്തനങ്ങള്‍ക്ക് ചുക്കാന്‍ പിടിക്കുക. എല്ലാ ദിവസവും രാവിലെ ഒമ്പത് മണി മുതല്‍ വൈകീട്ട് ഏഴ് മണി വരെ പ്രവര്‍ത്തിക്കും. ഹോം ഡെലിവറിയും ഒരുക്കും. ആദ്യഘട്ടത്തില്‍ പ്രതിമാസം പത്ത് ലക്ഷം രൂപയുടെ കച്ചവടമാണ് പ്രതീക്ഷിക്കുന്നതെന്ന് കുടുംബശ്രീ ജില്ലാ മിഷന്‍ കോ-ഓഡിനേറ്റര്‍ ഡോ. എം സുര്‍ജിത്ത് പറഞ്ഞു. മൂന്ന് സെയില്‍സ് ഔട്ട്ലെറ്റുകള്‍ തുടങ്ങാനും ആലോചനയുണ്ട്. വിപണി വിലയിലും കുറഞ്ഞ നിരക്കില്‍ ഗുണമേന്മയുള്ള ഉല്‍പ്പന്നങ്ങള്‍ ബസാറില്‍ ലഭിക്കും.
എം വിജിന്‍ എം എല്‍ എ ബസാറിന്റെ ഉദ്ഘാടനം നിര്‍വഹിച്ചു. കല്യാശേരി ബ്ലോക്ക് പഞ്ചായത്ത് പ്രസിഡണ്ട് പി പി ഷാജിര്‍ അധ്യക്ഷത വഹിച്ചു. കുടുംബശ്രീ ജില്ലാ മിഷന്‍ കോ-ഓഡിനേറ്റര്‍ ഡോ.എം സുര്‍ജിത്ത് റിപ്പോര്‍ട്ട് അവതരിപ്പിച്ചു. കല്യാശ്ശേരി ബ്ലോക്ക് പഞ്ചായത്ത് വൈസ് പ്രസിഡണ്ട് ഡി വിമല, കല്യാശേരി പഞ്ചായത്ത് പ്രസിഡണ്ട് ടി ടി ബാലകൃഷ്ണന്‍, വൈസ് പ്രസിഡണ്ട് സി നിഷ, ബ്ലോക്ക് പഞ്ചായത്തംഗം കെ പ്രീത, വാര്‍ഡ് മെമ്പര്‍ സി പി പ്രകാശന്‍ മാസ്റ്റര്‍, സി ഡി എസ് ചെയര്‍പേഴ്സണ്‍ കെ സി രേണുക തുടങ്ങിയവര്‍ പങ്കെടുത്തു.

കണ്ണൂര്‍:ജില്ലാ ശിശുക്ഷേമ സമിതിയുടെ നേതൃത്വത്തില്‍ ദുരാചാരങ്ങള്‍ക്കെതിരെ ശാസ്ത്രബോധം എന്ന വിഷയത്തില്‍ ജില്ലാതല സെമിനാര്‍ സംഘടിപ്പിച്ചു. മുണ്ടേരി ഹയര്‍ സെക്കന്‍ഡറി സ്‌കൂളില്‍ നടന്ന ചടങ്ങ് എ.ഡി.എം കെ കെ ദിവാകരന്‍ ഉദ്ഘാടനം ചെയ്തു. മുണ്ടേരി ഗ്രാമപഞ്ചായത്ത് പ്രസിഡന്റ് എ അനിഷ അധ്യക്ഷയായി. സാഹിത്യകാരന്‍ എം.കെ മനോഹരന്‍ വിഷയാവതരണം നടത്തി. ജില്ലാ ശിശുക്ഷേമ സമിതി സെക്രട്ടറി സുമേശന്‍ മാസ്റ്റര്‍ ജില്ലാ ട്രഷറര്‍ കെ എം രസില്‍ രാജ്, ശിശുക്ഷേമ സമിതി സംസ്ഥാന വൈസ് ചെയര്‍മാന്‍ അഴീക്കോടന്‍ ചന്ദ്രന്‍, ഹരീന്ദ്രന്‍ മാസ്റ്റര്‍, മനോജ് മാസ്റ്റര്‍, പി സി ആസിഫ്, ടി വി രഞ്ജിത്ത്, പ്രവീണ്‍ രുഗ്മ എന്നിവര്‍ സംസാരിച്ചു.തുടര്‍ന്ന് ബാലചന്ദ്രന്‍ കീച്ചേരി അവതരിപ്പിച്ച മാജിക് ഷോയും അരങ്ങേറി.

വളയംചാൽ സാംസ്കാരിക നിലയത്തിൽ നടന്ന പരിപാടി കർഷക സംഘം സംസ്ഥാന വൈസ് പ്രസിഡൻ്റ് കെ.ജെ ജോസഫ് ഉദ്ഘാടനം ചെയ്തു.
റെഡ് സ്റ്റാർ കൾച്ചറൽ ഫോറം പ്രസിഡൻ്റ് കെ.കെ റിനീഷ് അധ്യക്ഷത വഹിച്ചു.എസ്.ടി രാജേന്ദ്രൻ മാസ്റ്റർ, വാർഡ് മെമ്പർ പ്രീത ഗംഗാധരൻ, പി.പുരുഷോത്തമൻ എന്നിവർ സംസാരിച്ചു.

ചുങ്കക്കുന്നില്‍ കാര്‍ അപകടത്തില്‍പ്പെട്ടു.കര്‍ണാടക സ്വദേശികള്‍ സഞ്ചരിച്ച കാറാണ് അപകടത്തില്‍പ്പെട്ടത്. ആര്‍ക്കും പരിക്കില്ല.ഞായറാഴ്ച രണ്ട് മണിയോടെയാണ് അപകടം. കേളകം ഭാഗത്തേക്ക് വരികയായിരുന്ന കാര്‍ നിയന്ത്രണം വിട്ട് റോഡരികിലെ ടെലിഫോണ്‍ തൂണിലിടിച്ചാണ് അപകടം