Kerala news

മുന്നാക്ക വിഭാഗങ്ങളിലെ പിന്നാക്കക്കാര്‍ക്ക് പത്ത് ശതമാനം സാമ്പത്തിക സംവരണം ഏര്‍പ്പെടുത്തിയ തീരുമാനം സുപ്രീംകോടതി ശരിവെച്ചു.മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നില്‍ക്കുന്നവര്‍ക്ക് സംവരണം നല്‍കുന്നതിന് കൊണ്ടുവന്ന ഭരണഘടന ഭേദഗതിക്കെതിരായ ഹര്‍ജികളിലാണ് സുപ്രീം കോടതി ഭരണഘടനാ ബെഞ്ചിന്റെ നിര്‍ണായക വിധി.

അഞ്ചില്‍ നാല് ജഡ്ജിമാരും മുന്നാക്ക സംവരണം ശരിവച്ചു. ചീഫ് ജസ്റ്റിസ് ഉള്‍പ്പടെ നാല് ജഡ്ജിമാരാണ് സാമ്പത്തിക സംവരണത്തെ അനുകൂലിച്ചത്. ജസ്റ്റിസ് രവീന്ദ്ര ഭട്ട് മാത്രമാണ് വിയോജിപ്പ് പ്രകടിപ്പിച്ചത്. സാമ്പത്തിക സംവരണത്തിനോട് വിയോജിപ്പില്ല, എന്നാല്‍ ചിലരെ പരിധിയില്‍ നിന്ന് ഒഴിവാക്കിയത് അംഗീകരിക്കുന്നില്ലെന്ന് ജസ്റ്റിസ് ഭട്ട് അദ്ദേഹത്തിന്റെ വിധിയില്‍ പറഞ്ഞു. സാമ്പത്തിക പിന്നാക്ക അവസ്ഥ മറികടക്കാനുള്ള അവസരം തുല്യമായി നല്‍കണമെന്നും ജസ്റ്റിസ് ഭട്ട് കൂട്ടിച്ചേര്‍ത്തു.

വിളക്കോട്: ഹാജിറോഡില്‍ ഗ്രെയ്സ് സ്പോര്‍ട്സ് സെന്റര്‍ എന്ന കൂട്ടായ്മ ആരംഭിച്ചു. പ്രശസ്ത ബോക്സിംഗ് താരം ഗ്രീറ്റ സജി ഉദ്ഘാടനം ചെയ്തു. മുഴക്കുന്ന് എസ്.ഐ ഷിബു എസ് പോള്‍, എം.സി കുട്ട്യച്ചന്‍, പഞ്ചയാത്ത് അംഗങ്ങളായ വി.വി വിനോദ്, കെ.വി ബിന്ദു, കെ.വി റഷീദ്, ബി മിനി, വിനോദ് മാസ്റ്റര്‍, മജീദ് ഊവാപ്പള്ളി, സുനില്‍കുമാര്‍ മാറോളി, കെ.പി സന്തോഷ് എന്നിവര്‍ ചടങ്ങില്‍ സംബന്ധിച്ചു.

കെഎസ്ആര്‍ടിസി ബസിന്റെ പറക്കുംതളിക മോഡല്‍ കല്യാണ ഓട്ടത്തില്‍ മോട്ടോര്‍ വാഹനവകുപ്പ് കേസെടുത്തു. മുന്‍വശത്തെ കാഴ്ച മറയ്ക്കും രീതിയില്‍ വഴി കാണാത്ത വിധം അലങ്കാരം നടത്തി ബസ് നിരത്തിലിറക്കിയതിനാണ് കേസ്. കെഎസ്ആര്‍ടിസി ബസ് ഓടിച്ച ഡ്രൈവര്‍ക്കെതിരെ കേസെടുത്തു.

സംഭവം വിവാദമായതിന് പിന്നാലെ വിവാഹ ഓട്ടത്തിന് ശേഷം മടങ്ങി എത്തിയ ബസ് വീണ്ടും സര്‍വീസിന് അയക്കരുതെന്ന് കെഎസ്ആര്‍ടിസി കോതമംഗലം ഡിപ്പോ അധികൃതരോട് എംവിഡി ഇന്നലെ ആവശ്യപ്പെട്ടിരുന്നു. ബസ് പരിശോധിക്കേണ്ടതുണ്ടെന്ന് വ്യക്തമാക്കിയാണ് വീണ്ടും സര്‍വീസ് നടത്തുന്നത് എംവിഡി തടഞ്ഞത്. ഡ്രൈവറോട് ഇന്ന് രാവിലെ 11 മണിക്ക് ഹാജരാകാന്‍ ജോയിന്റ് അര്‍ടിഒ നിര്‍ദേശവും നല്‍കിയിരുന്നു. കെഎസ്ആര്‍ടിസി ഡ്രൈവറുടെ ലൈസന്‍സ് താല്‍ക്കാലിമായി സസ്‌പെന്‍ഡ് ചെയ്യും.

കോളയാട്: പൊളളുന്ന വിലകയറ്റം ദുസ്സഹമായ ജനജീവിതം ദുരന്തമായി പിണറായി ഭരണം എന്ന മുദ്രാവാക്യം ഉയര്‍ത്തി യൂത്ത് കോണ്‍ഗ്രസ് കണ്ണൂര്‍ ജില്ലാ കമ്മിറ്റിയുടെ ആഹ്വാന പ്രകാരം യൂത്ത് കോണ്‍ഗ്രസ് കോളയാട് മണ്ഡലം കമ്മിറ്റിയുടെ നേതൃത്വത്തില്‍ കോളയാട് ടൗണില്‍ വിലകയറ്റത്തിനെതിരെ പ്രതിഷേധാഗ്നി അടുപ്പ് കൂട്ടി സമരം നടത്തി. മണ്ഡലം പ്രസിഡണ്ട് സുനീഷ് എ.പിയുടെ അധ്യക്ഷതയില്‍ ജില്ലാ പഞ്ചായത്ത് അംഗം ജൂബിലി ചാക്കോ ഉദ്ഘാടനം ചെയ്തു. എം.ജെ.പാപ്പച്ചന്‍ മാസ്റ്റര്‍, അഖില്‍ ജോര്‍ജ്ജ്, ശദീദ്, അലന്‍ ക്രിസ്റ്റി, മിശാല്‍ തുടങ്ങിയവര്‍ സംസാരിച്ചു.

സംസ്ഥാനത്ത് സ്വര്‍ണവില കുറഞ്ഞു. ശനിയാഴ്ച കുത്തനെ ഉയര്‍ന്ന സ്വര്‍ണവിലയാണ് ഇന്ന് കുറഞ്ഞത്. ഒരു പവന്‍ സ്വര്‍ണത്തിന് 80 രൂപ ഇടിഞ്ഞു.ഒരു പവന്‍ സ്വര്‍ണത്തിന്റെ നിലവിലെ വിപണി വില 37520 രൂപയാണ്.ഒരു ഗ്രാം 22 കാരറ്റ് സ്വര്‍ണത്തിന്റെ വില 80 രൂപയാണ് ഇന്ന് കുറഞ്ഞത്. ഇന്നത്തെ വിപണി വില 4690 രൂപയാണ്. ഒരു ഗ്രാം 18 കാരറ്റ് സ്വര്‍ണത്തിന്റെ വിലയും ഇന്ന് ഇടിഞ്ഞു. 10 രൂപയാണ് ഇന്ന് കുറഞ്ഞത്. ഒരു ഗ്രാം 18 കാരറ്റ് സ്വര്‍ണത്തിന്റെ വിപണി വില 3885 രൂപയാണ്.

ആറളം: പാന്‍ ഇന്ത്യ ക്യാമ്പയിന്റെ ഭാഗമായി ജില്ലാ ലീഗല്‍ സര്‍വീസസ് അതോറിറ്റിയുടെ നേതൃത്വത്തില്‍ ആറളം ഫാം പട്ടിക വര്‍ഗ്ഗ പ്രീമെട്രിക് ഹോസ്റ്റലിലെ പെണ്‍കുട്ടികള്‍ക്കായി ബോധവത്കരണ ക്ലാസ് സംഘടിപ്പിച്ചു. ഇരിട്ടി ബ്ലോക്ക് പഞ്ചായത്ത് പ്രസിഡണ്ട് കെ.വേലായുധന്‍ ഉദ്ഘാടനം ചെയ്തു. ലീഗല്‍ സര്‍വീസസ് അതോറിറ്റി സെക്രട്ടറിയും സബ് ജഡ്ജിയുമായ വിന്‍സി ആന്‍ പീറ്റര്‍ ജോസഫ് മുഖ്യാതിഥിയായി. വാര്‍ഡ് അംഗം മിനി ദിനേശന്‍ അധ്യക്ഷയായി. അഡ്വ. ലിസ്മരിയ ക്ലാസെടുത്തു. ബ്ലോക്ക് പഞ്ചായത്ത് മെമ്പര്‍ വി.ശോഭ,ആറളം എസ്.ഐ വി.ജെ.ജോസഫ്, ഡപ്യൂട്ടി റെയ്ഞ്ച് ഓഫീസര്‍ കെ.പ്രദീപന്‍,പാരാ ലീഗല്‍ വോളണ്ടിയര്‍മാരായ വാഴയില്‍ ഭാസ്‌ക്കരന്‍, പ്രദീപന്‍ തില്ലങ്കേരി, എസ്.ടി. പ്രൊമോട്ടര്‍ ജോയല്‍, വാര്‍ഡന്‍ എം.പി മുനീബ് എന്നിവര്‍ സംസാരിച്ചു.

മുഴക്കുന്ന്: യുവശക്തി വായനശാല ആന്‍ഡ് ഗ്രന്ഥാലയത്തിന്റെ നേതൃത്വത്തില്‍ ലഹരി ബോധവത്കരണത്തിന്റെ പ്രചാരണാര്‍ത്ഥം അണ്ടര്‍ 17 ഫുട്ബോള്‍ ടൂര്‍ണമെന്റ് സങ്കടിപ്പിച്ചു. ഇരിട്ടി താലൂക്ക് ലൈബ്രറി കൗണ്‍സില്‍ സെക്രട്ടറി രഞ്ജിത്ത് കമല്‍ ഉദ്ഘാടനം ചെയ്തു. പി.വി ബൈജു ആധ്യക്ഷനായി.എട്ട് ടീമുകള്‍ മത്സരിച്ച ടൂര്‍ണമെന്റില്‍ ഒന്നാം സ്ഥാനം തളിപ്പൊയിലും രണ്ടാം സ്ഥാനം നല്ലൂരും കരസ്ഥമാക്കി.മികച്ച പ്ലെയര്‍ ആയി റിഷികേശും,മികച്ച ഗോളിയായി കണ്ണനും തിരഞ്ഞെടുക്കപ്പെട്ടു. പി.വി ബൈജു, സുബിന്‍ സുധാകരന്‍, സന്തോഷ് മമ്മാലി,എ സനേഷ്, വി.കെ ജിജേഷ് , ധനജയ് എന്നിവര്‍ ചേര്‍ന്ന് വിജയികള്‍ക്കുള്ള ഉപഹാരം വിതരണം ചെയ്തു.

തൊണ്ടിയില്‍: ആയുഷ്മാന്‍ ഭവ കണ്ണൂര്‍ ഹോമിയോപ്പതി വകുപ്പ്, പേരാവൂര്‍ വൈസ് മെന്‍സ് ക്ലബ്ബ്, പാസ് പേരാവൂര്‍ എന്നിവയുടെ സംയുക്താഭിമുഖ്യത്തില്‍ സൗജന്യ ജീവിത ശൈലി രോഗ നിര്‍ണ്ണയ ക്യാമ്പും ബോധവത്കരണ ക്ലാസും തൊണ്ടിയില്‍ നടന്നു. പേരാവൂര്‍ ഗ്രാമ പഞ്ചായത്ത് പ്രസിഡണ്ട് പി.പി വേണുഗോപാലന്‍ ഉദ്ഘാടനം ചെയ്തു. പാസ് പ്രസിഡണ്ട് ഒ മാത്യു അധ്യക്ഷത വഹിച്ചു. പ്രദീപന്‍ പുത്തലത്ത്,രാജു ജോസഫ്, ഡോ. സി.എം ദിനേശ്, എം.ടി രാമചന്ദ്രന്‍, റിജി രാമചന്ദ്രന്‍, ഡോ. ജസീറ, സി രാമചന്ദ്രന്‍ എന്നിവര്‍ സംസാരിച്ചു.

കോളയാട്: അയ്യങ്കാളി സ്വാശ്രയ സംഘം വാര്‍ഷികാഘോഷവും എസ് എസ് എല്‍ സി പരീക്ഷയില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയവര്‍ക്കുള്ള അനുമോദനവും വയോധികരെ ആദരിക്കലും മേനച്ചോടിയില്‍ വച്ച് നടന്നു. കോളയാട് പഞ്ചായത്ത് പ്രസിഡന്റ് എം റിജി ഉദ്ഘാടനം ചെയ്തു. പി.പി സത്യനാഥന്‍ അധ്യക്ഷത വഹിച്ചു. പി സുരേഷ്, വി.സി സുരേഷ്, കെ രമേശന്‍, കെ.വി ഭാസ്‌കരന്‍ എന്നിവര്‍ സംസാരിച്ചു.

കോളയാട്: നവംബര്‍ 25 കൂത്തുപറമ്പ് രക്തസാക്ഷി ദിനാചരണത്തോടനുബന്ധിച്ച് ഡി.വൈ.എഫ്.ഐ കണ്ണംമ്പളളി വെസ്റ്റ് യൂണിറ്റിന്റെയും നൂര്‍ മലബാര്‍ ഐ ഹോസ്പിറ്റലിന്റെയും സംയുക്താഭിമുഖ്യത്തില്‍ സൗജന്യ നേത്ര പരിശോധന തിമിര നിര്‍ണ്ണയ ക്യാമ്പ് കണ്ണംമ്പളളി ഇ. എം.എസ് സ്മാരക വായനശാലയില്‍ നടന്നു. കോളയാട് ഗ്രാമ പഞ്ചായത്ത് ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ ടി ജയരാജന്‍ മാസ്റ്റര്‍ ഉദ്ഘാടനം ചെയ്തു. ഡി.വൈ.എഫ്.ഐ കണ്ണമ്പള്ളി വെസ്റ്റ് യൂണിറ്റ് സെക്രട്ടറി സനോജ് എം.പി അധ്യക്ഷത വഹിച്ചു. ഗ്രാമ പഞ്ചായത്ത് അംഗം പി സുരേഷ്, സി.പി.ഐ.എം കണ്ണമ്പള്ളി ബ്രാഞ്ച് സെക്രട്ടറി സി.എം സനൂപ്, നിതിന്‍, ചന്ദ്രന്‍ എന്നിവര്‍ സംസാരിച്ചു.