ഉളിയില്‍: നരയമ്പാറ കല്ലേരിക്കലില്‍ സ്വകാര്യ വ്യക്തിയുടെ സ്ഥലത്തെ റബ്ബര്‍ മരം പൊട്ടി വീണ് വീടിന് കേടുപാട് സംഭവിച്ചു. കല്ലേരിക്കല്‍ തോട്ടത്തില്‍ ഹൗസില്‍ പി.കെ.ആബുവിന്റെ വീടിനാണ് കേടുപാട് സംഭവിച്ചത്.
മരം വീണ് വീടിന് കേടുപാട് സംഭവിച്ചു Read More »
പന്തീരാങ്കാവില്‍ നിന്ന് മാവോയിസ്റ്റ് നേതാവിനെ പിടികൂടി. ജാര്‍ഖണ്ഡ് സ്വദേശി അജയ് ആണ് പിടിയിലായത്. ഇതര സംസ്ഥാന തൊഴിലാളി ക്യാമ്പില്‍ ഒന്നരമാസമായി കഴിയുകയായിരുന്നു. കേരള പോലീസിന്റെ സഹായത്തോടെയാണ് പ്രത്യേക അന്വേഷണ സംഘം ഇയാളെ പിടികൂടിയത്.
മാവോയിസ്റ്റ് നേതാവ് ഇതര സംസ്ഥാന തൊഴിലാളികളുടെ ക്യാമ്പില്‍ നിന്ന് പിടിയില്‍ Read More »
എടത്തൊട്ടി: നവോജ്യോതി ഇംഗ്ലീഷ് മീഡിയം സ്‌കൂളിന് സമീപത്തെ വളവില്‍ കാറും ചരക്ക് ലോറിയും കൂട്ടിയിടിച്ച് അപകടം. തിങ്കളാഴ്ച രാത്രി പത്തരയോടെയാണ് അപകടമുണ്ടായത്. ഇരിട്ടി ഭാഗത്ത് നിന്ന് പേരാവൂര്‍ ഭാഗത്തേക്ക് വരികയായിരുന്ന കാറും എതിര്‍ ദിശയില്‍ വരികയായിരുന്ന ചരക്ക് ലോറിയും തമ്മിലാണ് കൂട്ടിയിടിച്ചത്. അപകടത്തില്‍ ആര്‍ക്കും പരിക്കില്ല.
എടത്തൊട്ടിയില്‍ കാറും ലോറിയും കൂട്ടിയിടിച്ച് അപകടം Read More »
കൊച്ചിയില്‍ നവജാത ശിശുവിന് നല്‍കിയ പ്രതിരോധ കുത്തിവെയ്പ്പില്‍ ഇടപ്പള്ളി പ്രാഥമിക ആരോഗ്യ കേന്ദ്രത്തിലെ ജീവനക്കാര്‍ക്ക് വീഴ്ച്ച സംഭവിച്ചെന്ന് അന്വേഷണ റിപ്പോര്‍ട്ട്.
ജില്ലാ മെഡിക്കല്‍ ഓഫീസര്‍ ആരോഗ്യ വകുപ്പ് ഡയറക്ടര്‍ സമര്‍പ്പിച്ച റിപ്പോര്‍ട്ടിലാണ് കണ്ടെത്തല്‍. ആദ്യ ഡോസ് നല്‍കിയതിന് പകരം കുട്ടിക്ക് നല്‍കിയത് രണ്ടാമത്തെ ഡോസാണെന്നും റിപ്പോര്‍ട്ടില്‍ പറയുന്നു. വീഴ്ച വരുത്തിയ ജീവനക്കാര്‍ക്കെതിരെ നടപടിക്ക് സാധ്യതയുണ്ടെന്നാണ് സൂചന. കുട്ടിയുടെ ആരോഗ്യത്തില്‍ ആശങ്കപ്പെടേണ്ട സാഹചര്യമില്ലെന്നും റിപ്പോര്‍ട്ടില്‍ പറയുന്നു.
കഴിഞ്ഞ ശനിയാഴ്ചയാണ് കൊച്ചിയില്‍ നവജാത ശിശുവിന് നല്‍കിയ പ്രതിരോധ കുത്തിവയ്പ്പില്‍ വീഴ്ച്ചയുണ്ടായത്. പാലാരിവട്ടം സ്വദേശികളായ ദമ്പത്തികളുടെ കുഞ്ഞിന് നല്‍കിയ പ്രതിരോധ കുത്തിവെയ്പ്പിലാണ് വീഴ്ച സംഭവിച്ചത്. ഒന്നാം ഡോസിന് പകരം എടുത്തത് ഒന്നര മാസം കഴിഞ്ഞു നല്‍കേണ്ട രണ്ടാമാത്തെ കുത്തിവെയ്പ്പായിരുന്നു.തുടര്‍ന്ന് വിഷയത്തില്‍ അടിയന്തിര അന്വേഷണം നടത്തി നടപടി സ്വീകരിക്കാന്‍ ആരോഗ്യ ഡയറക്ടര്‍ക്ക് മന്ത്രി വീണ ജോര്‍ജ് നിര്‍ദേശം നല്‍കിയിരുന്നു.
എലത്തൂര്‍ ട്രെയിന്‍ തീ വയ്പ്പ് കേസിലെ പ്രതി ഷാറൂഖ് സെയ്ഫിയുടെ പൊലീസ് കസ്റ്റഡി ഇന്ന് അവസാനിക്കും. കസ്റ്റഡി കാലാവധി നീട്ടാന്‍ അന്വേഷണ സംഘം അപക്ഷേ നല്‍കിയേക്കില്ല. ഇന്ന് രാവിലെ വൈദ്യ പരിശോധനയ്ക്ക് ശേഷം ഇയാളെ കോടതിയില്‍ ഹാജരാക്കും. ഷാറൂഖ് സെയ്ഫിക്ക് വേണ്ടി ലീഗല്‍ എയ്ഡ് ഡിഫന്‍സ് കൗണ്‍സില്‍ പി പീതാംബരന്‍ കോടതിയില്‍ ഹാജരാകും. ഷാറൂഖിനായി ജാമ്യാപേക്ഷയും നല്‍കിയിരുന്നു. പ്രതിക്കെതിരെ യുഎപിഎ ചുമത്തിയതിനാല്‍ ജാമ്യാപേക്ഷ ഇന്ന് പരിഗണിച്ചേക്കില്ല. ഷാറൂഖിനെ ട്രെയിന്‍ ബോഗികളുള്ള കണ്ണൂരിലും പെട്രോള്‍ വാങ്ങിയ ഷൊര്‍ണ്ണൂരിലുമെത്തിച്ച് തെളിവെടുപ്പ് നടത്തിയിരുന്നു.
ഷാറൂഖ് സെയ്ഫിയുടെ പൊലീസ് കസ്റ്റഡി കാലാവധി ഇന്ന് അവസാനിക്കും Read More »
സംസ്ഥാനത്ത് ഉയര്‍ന്ന താപനില തുടരുന്നു.സാധാരണയെക്കാള്‍ ഉയര്‍ന്ന ചൂട് ഈ ദിവസങ്ങളില്‍ അനുഭവപ്പെടാനാണ് സാധ്യത. ഓട്ടോമാറ്റിക് വെതര്‍ സ്റ്റേഷന്‍ കണക്ക് പ്രകാരം ഏറ്റവും കൂടിയ താപനില രേഖപ്പെടുത്തിയത് പാലക്കാട് എരിമയൂരാണ്. 43.5 ഡിഗ്രി സെല്‍ഷ്യസ്. 6 ജില്ലകളില്‍ വേനല്‍ ചൂട് കനക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പുണ്ട്. പാലക്കാട്, കോഴിക്കോട്, കണ്ണൂര്‍, തൃശ്ശൂര്‍, കോട്ടയം, ആലപ്പുഴ ജില്ലകളിലാണ് താപനില ഉയരുക. രാവിലെ 11 മുതല്‍ ഉച്ചയ്ക്ക് മൂന്ന് വരെയുള്ള സമയത്ത് തുടര്‍ച്ചയായി സൂര്യപ്രകാശം ഏല്‍ക്കുന്നത് ഒഴിവാക്കണമെന്നാണ് ദുരന്ത നിവാരണ അതോറിറ്റി മുന്നറിയിപ്പ്. ഒറ്റപ്പെട്ട ഇടങ്ങളില്‍ മഴ പെയ്യാനും സാധ്യതയുണ്ട്. വ്യാഴ്ചയോടെ മഴ മെച്ചപ്പെട്ടേക്കും.
സംസ്ഥാനത്ത് ഉയര്‍ന്ന താപനില തുടരുന്നു Read More »
വളയങ്ങാട്: എന്‍.ആര്‍.ഇ.ജി വര്‍ക്കേഴ്‌സ് യൂണിയന്‍ പേരാവൂര്‍ ഏരിയ തല മോഡല്‍ വാര്‍ഡ് തല സമ്മേളനം പേരാവൂര്‍ വളയങ്ങാടില്‍ ജില്ലാ സെക്രട്ടറി എ.ചന്ദ്രന്‍ ഉദ്ഘാടനം ചെയ്തു. നജുമത്ത് അധ്യക്ഷയായി. ഏരിയ സെക്രട്ടറി ഷാജു, പ്രസിഡന്റ് ജഗതി ബിജു, മണത്തണ ലോക്കല്‍ സെക്രട്ടറി ടി.വിജയന്‍, ഷൈനി മനോജ്, എന്നിവര്‍ സംസാരിച്ചു. നൂറ് തൊഴില്‍ ദിനം തൊഴില്‍ പൂര്‍ത്തിയാക്കിവരെ ആദരിച്ചു.
എന്‍.ആര്‍.ഇ.ജി വര്‍ക്കേഴ്‌സ് യൂണിയന്‍ പേരാവൂര്‍ ഏരിയ തല മോഡല്‍ വാര്‍ഡ് തല സമ്മേളനം Read More »
പിഡിപി ചെയര്‍മാന്‍ അബ്ദുള്‍ നാസര്‍ മഅദനിക്ക് കേരളത്തിലേക്ക് വരാന്‍ അനുമതി നല്‍കി സുപ്രീംകോടതി. പിതാവിനെ കാണാന്‍ വരാനാണ് സുപ്രീംകോടതി അനുമതി നല്‍കിയത്. ജൂലൈ 10 വരെ മഅദനിക്ക് കേരളത്തില്‍ തുടരാം.
രോഗബാധിതനായ പിതാനിനെ കാണാന്‍ ജാമ്യവ്യവസ്ഥയില്‍ ഇളവ് തേടി മഅദി സുപ്രീംകോടതിയെ സമീപിച്ചിരുന്നു. കര്‍ശനമായ ജാമ്യവ്യവസ്ഥകള്‍ പാലിക്കണം. കര്‍ണാടക പൊലീസിന്റെ സാന്നിധ്യത്തിലായിരിക്കണം മഅദനി കേരളത്തിലേക്ക് വരേണ്ടത്.
വിചാരണ പൂര്‍ത്തിയായെങ്കില്‍ മഅദനിയെ കേരളത്തിലേക്ക് പോകാന്‍ അനുവദിച്ചുകൂടേ എന്ന് സുപ്രീംകോടതി നേരത്തെ ചോദിച്ചിരുന്നു. ബെംഗളൂരു സ്ഫോടന കേസിന്റെ വിചാരണയില്‍ അന്തിമവാദം പൂര്‍ത്തിയായ സാഹചര്യത്തില്‍ മഅദനി ബെംഗളൂരുവില്‍ തന്നെ തുടരേണ്ടതുണ്ടോ എന്നായിരുന്നു കോടതിയുടെ ചോദ്യം. നേരത്തെ മഅദനിക്ക് ജാമ്യം ലഭിച്ചപ്പോള്‍ ഒരു കാരണവശാലും ബംഗളൂരു വിട്ടുപോകരുതെന്ന് സുപ്രീം കോടതി നിര്‍ദേശിച്ചിരുന്നു.
അബ്ദുള്‍ നാസര്‍ മഅദനിക്ക് കേരളത്തിലേക്ക് വരാന്‍ അനുമതി നല്‍കി സുപ്രീംകോടതി Read More »
തലശ്ശേരി-കൊടുവള്ളി-മമ്പറം- അഞ്ചരക്കണ്ടി-മട്ടന്നൂര്‍ എയര്‍പോര്‍ട്ട് റോഡിന്റെ വളവുകളും കയറ്റിറക്കങ്ങളും ഒഴിവാക്കി വികസിപ്പിക്കുന്നതിനുള്ള ഡി പി ആര്‍ തയ്യാറായി. അലൈന്‍മെന്റ് ഉള്‍പ്പെടെ ഡി പി ആര്‍ തയ്യറാക്കുന്നതിന് ഐഡെക്ക് എന്ന സ്ഥാപനത്തെ നിയോഗിച്ചതായി കെആര്‍എഫ്ബി എക്‌സിക്യുട്ടീവ് എഞ്ചിനീയര്‍ അറിയിച്ചു. നാലുവരിപ്പാതയാക്കുന്നതിന് ഐഡെക്ക് തയ്യാറാക്കിയ ഡിപിആര്‍ പരിശോധനഘട്ടത്തിലാണ്.
സഹകരണ സംഘം(മൂന്നാം ഭേദഗതി) ബില്‍ കുറ്റമറ്റ നിയമം നിയമസഭയില്‍ അവതരിപ്പിക്കുമെന്ന് സെലക്ട് കമ്മറ്റി അധ്യക്ഷന്‍ മന്ത്രി വി എന്‍ വാസവന്‍ പറഞ്ഞു. 14 ജില്ലകളില്‍ നിന്നുള്ള പൊതുജനങ്ങള്‍, ജനപ്രതിനിധികള്‍, സഹകാരികള്‍, സഹകരണസംഘങ്ങളിലെ ജീവനക്കാര്‍, സഹകരണസംഘങ്ങളിലെ ബോര്‍ഡ് അംഗങ്ങള്‍ എന്നിവരുടെ അഭിപ്രായങ്ങളും നിര്‍ദേശങ്ങളും പരിശോധിച്ച് നല്ല നിര്‍ദേശങ്ങള്‍ പരിഗണിക്കുമെന്നും അദ്ദേഹം കൂട്ടിച്ചേര്‍ത്തു. ജില്ലാ പഞ്ചായത്ത് ഹാളില്‍ നടന്ന സെലക്ട് കമ്മറ്റി യോഗത്തില്‍ കണ്ണൂര്‍, കാസര്‍കോട് ജില്ലകളിലുള്ളവര്‍ പങ്കെടുത്തു. സെലക്ട് കമ്മറ്റിയിലെ എംഎല്‍എമാരായ കടകംപള്ളി സുരേന്ദ്രന്‍, സെബാസ്റ്റ്യന്‍ കുളത്തുങ്കല്‍, അഡ്വ.സണ്ണി ജോസഫ്, ടി ഐ മധുസൂദനന്‍, ഇ ചന്ദ്രശേഖരന്‍ എന്നിവരും രാമചന്ദ്രന്‍ കടന്നപ്പള്ളി എംഎല്‍എ സഹകരണസംഘം രജിസ്ട്രാര്‍ ടി വി സുഭാഷ്, നിയമസഭാ ഡെപ്യൂട്ടി സെക്രട്ടറി ഷീബ വര്‍ഗീസ,് ജില്ലാ കലക്ടര്‍ എസ് ചന്ദ്രശേഖര്‍ എന്നിവര്‍ പങ്കെടുത്തു. കണ്ണൂര്‍, കാസര്‍കോട് ജില്ലകളില്‍ നിന്നുള്ള ജനപ്രതിനിധികള്‍, സഹകാരികള്‍, സഹകരണസംഘങ്ങളിലെ ജീവനക്കാര്‍, സഹകരണസംഘങ്ങളിലെ ബോര്‍ഡ് അംഗങ്ങള്‍ തുടങ്ങിയവര്‍ പങ്കെടുത്തു
