രാജ്യത്തെ പ്രതിദിന കൊവിഡ് പോസിറ്റിവിറ്റി നിരക്ക് കൂടുന്നു. 8.40 ശതമാനമാണ് പ്രതിദിന പോസിറ്റിവിറ്റി നിരക്ക്. ഒരു ദിവസത്തിനിടെ കൊവിഡ് സ്ഥിരീകരിച്ചത് 9111 പേര്‍ക്കാണ്. തുടര്‍ച്ചയായി അഞ്ചാം ദിവസവും കൊവിഡ് കേസുകള്‍ കൂടുകയാണ്. ഇന്നലെ പ്രതിദിന രോഗികളുടെ എണ്ണം 10,093 ആയിരുന്നു. 5.61 ശതമാനം ആയിരുന്നു പോസിറ്റിവിറ്റി നിരക്ക്.
രാജ്യത്തെ പ്രതിദിന കൊവിഡ് പോസിറ്റിവിറ്റി നിരക്ക് കൂടുന്നു Read More »
കേരളത്തിലേക്ക് എത്തിയ വന്ദേ ഭാരത് എക്‌സ്പ്രസ് പരീക്ഷണ ഓട്ടം തുടങ്ങി. തിരുവനന്തപുരത്ത് നിന്ന് കണ്ണൂരിലേക്കാണ് പരീക്ഷണ ഓട്ടം നടക്കുന്നത്. ഇന്ന് രാവിലെ 5.10 ന് തിരുവനന്തപുരം സെന്‍ട്രല്‍ റെയില്‍വെ സ്റ്റേഷനിലെ രണ്ടാം നമ്പര്‍ പ്ലാറ്റ്‌ഫോമില്‍ നിന്നാണ് ട്രെയിന്‍ യാത്ര പുറപ്പെട്ടത്. ഏഴ് മണിക്കൂര്‍ കൊണ്ട് ട്രെയിന്‍ കണ്ണൂരിലെത്തുമെന്നാണ് പ്രതീക്ഷിക്കപ്പെടുന്നത്. 12.10 നാണ് കണ്ണൂരില്‍ എത്തേണ്ട സമയം.
ഉച്ചയ്യ് 12.20 ഓടെ കണ്ണൂരില്‍ നിന്ന് തിരിച്ച് തിരുവനന്തപുരത്തേക്ക് പുറപ്പെടുന്ന ട്രെയിന്‍ ഏഴ് മണിക്കൂറിന് ശേഷം തിരുവനന്തപുരത്ത് എത്തുമെന്നാണ് കരുതുന്നത്. അതേസമയം ട്രെയിനിന്റെ ഷെഡ്യൂളും റെയില്‍വെ ഔദ്യോഗികമായി ഇന്ന് പ്രഖ്യാപിക്കുമെന്നാണ് കരുതുന്നത്. തിരുവനന്തപുരത്ത് നിന്ന് ട്രെയിന്‍ പുറപ്പെടുന്ന സമയം, സ്റ്റോപ്പുകള്‍, നിരക്കുകള്‍ എന്നിവയുടെ ഔദ്യോഗിക പ്രഖ്യാപനം ഈ അറിയിപ്പിലുണ്ടാകും. ഈ മാസം 25നാണ് പ്രധാനമന്ത്രി ഔദ്യോഗികമായി കേരളത്തിന്റെ വന്ദേ ഭാരത് എക്‌സ്പ്രസ് ഫ്‌ലാഗ് ഓഫ് ചെയ്യുന്നത്.
വന്ദേ ഭാരത് എക്‌സ്പ്രസ് പരീക്ഷണ ഓട്ടം തുടങ്ങി Read More »
രണ്ടാം പിണറായി സര്‍ക്കാറിന്റെ രണ്ടാം വാര്‍ഷികത്തിന്റെ ഭാഗമായി കണ്ണൂരില്‍ സംഘടിപ്പിച്ച ‘എന്റെ കേരളം’ മെഗാ എക്സിബിഷന് തിങ്കളാഴ്ച സമാപിക്കും. കണ്ണൂര്‍ പോലീസ് മൈതാനിയില്‍ ഏപ്രില്‍ 11ന് ആരംഭിച്ച എക്സിബിഷനും കലാ സാസ്‌കാരിക പരിപാടികളും കാണാന്‍ ഒഴുകിയെത്തിയത് ജനലക്ഷങ്ങളായിരുന്നു. വിവിധ വകുപ്പുകളുടെ ഇരുനൂറോളം പ്രദര്‍ശന-വിപണന-സേവന സ്റ്റാളുകളാണ് മേളയില്‍ സജ്ജീകരിച്ചത്. മികച്ച വിറ്റുവരവും ലഭിച്ചു. രുചി വൈവിധ്യങ്ങളുമായി കുടുംബശ്രീ ഒരുക്കിയ ഫുഡ്കോര്‍ട്ടും ശ്രദ്ധേയമായി. പൊതുജനങ്ങള്‍ക്ക് സര്‍ക്കാര്‍ ഓഫീസുകളില്‍ മാത്രം ലഭിച്ചിരുന്ന സേവനങ്ങള്‍ എക്സിബിഷന് സ്റ്റാളുകളില്‍ ലഭിച്ചു. യുവാക്കളുടെ ആശയങ്ങള്‍ പരിചയപ്പെടുത്താനും തൊഴില്‍, സാങ്കേതിക, വിദ്യാഭ്യാസ രംഗങ്ങളിലെ സാധ്യതകള്‍ വര്‍ധിപ്പിക്കുന്നതിനുമുള്ള അവസരങ്ങള്‍ തുറന്നിട്ട സംരംഭകര്‍ക്ക് ആശയ സംവാദത്തിനുള്ള ബി റ്റു ബി ഏരിയ, കായിക വിനോദങ്ങള്‍ക്കുള്ള സ്പോര്‍ട്സ് ഏരിയ തുടങ്ങിയവ ശ്രദ്ധേയമായി. എല്ലാ ദിവസങ്ങളിലും കരിയര്‍ ഗൈഡന്‍സ്, കരിയര്‍ കൗണ്‍സലിംഗ് ക്ലാസുകള്‍, ജോബ് ഫെയര്‍, ഡിജിറ്റല്‍ ബാങ്കിംഗ് ബോധവല്‍ക്കരണ ക്ലാസ് തുടങ്ങിയ ക്ലാസുകള്‍ എക്സിബിഷന്റെ ഭാഗമായി നടന്നു. യുവാക്കളുടെ ഹരമായി മാറിയ പ്രമുഖ സംഗീത-നൃത്ത സംഘങ്ങളുടെ ദൃശ്യ-സംഗീത വിരുന്ന് എക്സിബിഷന് രാവുകള്‍ക്ക് മിഴിവേകി.
സമാപന സമ്മേളനം നിയമസഭാ സ്പീക്കര്‍ അഡ്വ. എ എന്‍ ഷംസീര്‍ ഉദ്ഘാടനം ചെയ്യും. രാമചന്ദ്രന്‍ കടന്നപ്പള്ളി എംഎല്‍എ അധ്യക്ഷനാവും. ജില്ലാ പഞ്ചായത്ത് പ്രസിഡന്റ് പി പി ദിവ്യ, ജില്ലാ കലക്ടര്‍ എസ് ചന്ദ്രശേഖര്‍ എന്നിവര്‍ സംബന്ധിക്കും. ഏറ്റവും മികച്ച സ്റ്റാളുകള്‍ക്കുള്ള പുരസ്‌കാരം ചടങ്ങിവെച്ച് വിതരണം ചെയ്യും. തുടര്‍ന്ന് ദി ഇന്ത്യന്‍ ഫ്യൂഷന്‍ ബാന്‍ഡിന്റെ കെഎല്‍ 14 വടക്കന്‍ ടോക്സ് സംഗീത പരിപാടി, ആശ വര്‍ക്കര്‍മാരുടെ നാടന്‍പാട്ട്, സംഘനൃത്തം എന്നിവ അരങ്ങേറും.
എന്റെ കേരളം മെഗാ എക്സിബിഷന് തിങ്കളാഴ്ച സമാപിക്കും Read More »
പൊതു ഇടങ്ങളെ പരമാവധി ജനങ്ങള്‍ക്ക് ഉപയോഗപ്പെടുത്താവുന്ന രീതിയില്‍ ആകര്‍ഷകമാക്കുന്നതിനും സൗന്ദര്യവത്കരിക്കുന്നതിനുമായി സംസ്ഥാനം മുഴുവന്‍ ഏകീകൃത സംവിധാനം നടപ്പിലാക്കുമെന്ന് പൊതുമരാമത്ത് വിനോദസഞ്ചാര വകുപ്പ് മന്ത്രി പി എ മുഹമ്മദ് റിയാസ് പറഞ്ഞു. കാടാച്ചിറ ടൗണ്‍ സൗന്ദര്യവത്കരണം, അനുബന്ധ പ്രവൃത്തികളായ ഓവുചാല്‍ നിര്‍മ്മാണം, ഫുട്പാത്ത് കൈവരി സ്ഥാപിക്കല്‍, ബസ് ഷെല്‍ട്ടര്‍ നിര്‍മ്മാണം എന്നിവ പൂര്‍ത്തീകരിച്ചതിന്റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി.
2020 ലാണ് കാടാച്ചിറ ടൗണ്‍ സൗന്ദര്യവത്കരണത്തിനായി സര്‍ക്കാര്‍ മൂന്ന് കോടി രൂപയുടെ ഭരണാനുമതി നല്‍കിയത്. ട്രാന്‍സ്ഫര്‍മേഷന്‍ ഓഫ് പബ്ലിക് സ്പേസസ് എന്ന ആശയത്തിലാണ് ഒന്നര കിലോമീറ്റര്‍ ദൈര്‍ഘ്യമുള്ള കാടാച്ചിറ റോഡിന്റെ ഇരുവശത്തും ഓവുചാല്‍ നിര്‍മ്മിക്കുകയും നടപ്പാതകള്‍ നിര്‍മ്മിക്കുകയും ചെയ്തത്. റോഡിന്റെ ഇരുവശമുള്ള ഷോള്‍ഡറുകള്‍ ബിറ്റുമിനസ് സര്‍ഫേസിംഗ് നടത്തി വാഹനങ്ങള്‍ക്ക് അടിയന്തരഘട്ടത്തില്‍ റോഡരികിലേക്ക് പാര്‍ക്ക് ചെയ്യാനുള്ള അവസരം നല്‍കി. ജനസാന്ദ്രതയുള്ള ഭാഗങ്ങളില്‍ കൈവരി, സൈക്കിള്‍ ട്രാക്ക് തുടങ്ങിയവ സ്ഥാപിച്ചു. ഇവ കൂടാതെ ചെറിയ യോഗങ്ങള്‍ നടത്തുന്നതിന് പൊതുവേദി, റോഡിന്റെ ഇരുവശത്തും അലങ്കാര തൂണുകള്‍, കാടാച്ചിറ എച്ച്എസ്എസ്, സബ് രജിസ്ട്രാര്‍ ഓഫീസ്, പോസ്റ്റ് ഓഫീസ് എന്നിവിടങ്ങളില്‍ ബസ് ഷെല്‍ട്ടറുകള്‍ എന്നിവയും സൗന്ദര്യവത്കരണത്തിന്റെ ഭാഗമായി സ്ഥാപിച്ചിട്ടുണ്ട്.
കാടാച്ചിറ എല്‍ പി സ്‌കൂളില്‍ നടന്ന പരിപാടിയില്‍ ഡോ. വി ശിവദാസന്‍ എം പി അധ്യക്ഷത വഹിച്ചു. പൊതുമരാമത്ത് വകുപ്പ് അസിസ്റ്റന്റ് എക്സിക്യൂട്ടീവ് എഞ്ചിനീയര്‍ പി രാംകിഷോര്‍ റിപ്പോര്‍ട്ട് അവതരിപ്പിച്ചു. കടമ്പൂര്‍ ഗ്രാമപഞ്ചായത്ത് പ്രസിഡണ്ട് പി വി പ്രേമവല്ലി, മുഖ്യമന്ത്രിയുടെ മണ്ഡലം പ്രതിനിധി പി ബാലന്‍ എന്നിവര്‍ മുഖ്യാതിഥികളായി. മശൂദ് ചത്തോത്ത്, വി കെ റസാക്ക്, കെ വി ജയരാജന്‍, എം പി ഹാരിഫ്, ശ്രീജ ഡി കെ, കെ ഗിരീശന്‍, ഷാഹുല്‍ഹമീദ്, നാവത്ത് ചന്ദ്രന്‍, വി സി വാമന്‍ തുടങ്ങിയവര്‍ സംസാരിച്ചു. പൊതുമരാമത്ത് വകുപ്പ് നിരത്തുകള്‍ വിഭാഗം എക്സിക്യൂട്ടീവ് എന്‍ജിനീയര്‍ എം ജഗദീഷ് സ്വാഗതവും എം സവിത നന്ദിയും പറഞ്ഞു.
വിഷുത്തലേന്ന് കുനിത്തലയില്‍ പടക്ക വില്‍പന ശാലക്ക് സമീപമുണ്ടായ മര്‍ദ്ദനവുമായി ബന്ധപ്പെട്ട് നാലുപേര്‍ക്കെതിരെ പോലീസ് കേസെടുത്തു.കുനിത്തലമുക്ക് സ്വദേശി കെ പി പ്രണവിനെ മര്‍ദ്ദിച്ച കേസില്‍ കുനിത്തല സ്വദേശികളായ ദിബിന്‍,അഖിലേഷ്,അഭിനേഷ്,കെ ജിഷ്ണു എന്നിവര്‍ക്കെതിരെയാണ് വിവിധ വകുപ്പുകള്‍ ചുമത്തി പേരാവൂര്‍ പോലീസ് കേസെടുത്തത്. പടക്കം വാങ്ങാനെത്തിയ പ്രണവിനെ മുന്‍ വൈരാഗ്യം വെച്ച് പ്രതികള്‍ മര്‍ദ്ദിച്ചുവെന്നാണ് പരാതി.വെള്ളിയാഴ്ച രാത്രി 11.30 യോടെ ആണ് സംഭവം.
കനത്ത ചൂടില്‍ കേരളം വെന്തുരുകുന്നു. കാറ്റിന്റെ ഗതിയിലുണ്ടാകുന്ന മാറ്റവും, ഒറ്റപ്പെട്ട മഴയും കാരണം, ഇനിയുള്ള ദിവസങ്ങളില്‍ ചൂടിന് അല്‍പം ശമനമുണ്ടാകും.വേനല്‍മഴയില്‍ ഇതുവരെ രേഖപ്പെടുത്തിയത് 38 ശതമാനത്തിന്റെ കുറവാണ്. വടക്കന്‍ ജില്ലകളിലാണ് മഴക്കുറവ് ഏറെയും കൂടുതല്‍ അനുഭവപ്പെട്ടത്.
മാര്‍ച്ച് ഒന്നിന് തുടങ്ങിയ വേനല്‍ക്കാലം, ഒന്നരമാസം പിന്നിടുമ്പോള്‍ കേരളത്തിന് 38 ശതമാനം മഴയുടെ കുറവാണ് രേഖപ്പെടുത്തിയത്. വേനല്‍ക്കാലത്ത് തീരെ മഴ കിട്ടാതിരുന്നത് കണ്ണൂരിലാണ്. 100 ശതമാനം മഴ കുറവാണ് കണ്ണൂരില്‍ രേഖപ്പെടുത്തിയത്. മലപ്പുറത്ത് 95 ശതമാനം മഴ കുറവും കാസര്‍കോട്, കണ്ണൂര്‍ ജില്ലകളില്‍ 94 ശതമാനം കുറവുമാണ് രേഖപ്പെടുത്തിയത്. തൃശ്ശൂരില്‍ 82 ശതമാനം മഴ കുറവും രേഖപ്പെടുത്തിയിട്ടുണ്ട്. സാധാരണയേക്കാള്‍ കൂടുതല്‍ മഴ കിട്ടിയത് പത്തനംതിട്ടയില്‍ മാത്രമാണ്. 27 ശതമാനം അധികം മഴയാണ് പത്തനംതിട്ടയില്‍ കിട്ടിയത്. ഇടുക്കി, കോട്ടയം, വയനാട് ജില്ലകളില്‍ സാധാരണ മഴ കിട്ടി.
ഏപ്രില്‍ ആറ് മുതല്‍ 12 വരെയുള്ള ദിവസങ്ങളില്‍ 60 ശതമാനം മഴക്കുറവാണ് കേരളത്തിലുണ്ടായത്. കഴിഞ്ഞ ദിവസങ്ങളിലൊന്നും സംസ്ഥാനത്ത് കാര്യമായ മഴ കിട്ടിയതുമില്ല. മഴ കുറഞ്ഞതും ഉത്തരേന്ത്യയില്‍ നിന്നുള്ള ചൂട് കാറ്റും , കാറ്റിന്റെ ഗതിയിലുണ്ടായ മാറ്റവുമാണ്
കഴിഞ്ഞയാഴ്ച കേരളത്തില്‍ വന്‍ ചൂട് അനുഭവപ്പെടാന്‍ ഇടയാക്കിയത്. ഈര്‍പ്പമേറിയ കാറ്റ് കടന്നുവരാനുള്ള അന്തരീക്ഷം
ഒരുങ്ങിയതോടെ ഈ ദിവസങ്ങളില്‍ ചൂടിന് നേരിയ ശമനമുണ്ടാകും. ഇന്നലെ ഓട്ടോമാറ്റിക് വെതര്‍ സ്റ്റേഷനുകളിലെവിടെയും നാല്പത് ഡിഗ്രി സെല്‍ഷ്യസിന് മുകളില്‍ താപനില രേഖപ്പെടുത്തിയിരുന്നില്ല. മാനുവല്‍ സ്റ്റേഷന്‍ കണക്ക് പ്രകാരം ഇന്നലെ പാലക്കാടാണ് ഉയര്‍ന്ന ചൂട് രേഖപ്പെടുത്തിയത്. 38. 2 ഡിഗ്രി സെല്‍ഷ്യസ്. ഇനി ഒറ്റപ്പെട്ട മഴ കിട്ടി തുടങ്ങും. അടുത്തയാഴ്ചയോടെ മഴ മെച്ചപ്പെടാനാണ് സാധ്യത. മെയ് മാസം നല്ല മഴ കിട്ടുമെന്നാണ് പ്രതീക്ഷ.
സംസ്ഥാനത്ത് വേനല്‍മഴയില്‍ 38 ശതമാനത്തിന്റെ കുറവ് Read More »
മകനെ ജാമ്യത്തിലെടുക്കാന്‍ പൊലീസ് സ്റ്റേഷനിലെത്തിയ അമ്മയ്‌ക്കെതിരെ അസഭ്യ വര്‍ഷം നടത്തിയ ധര്‍മ്മടം എസ്എച്ച്ഒയെ സസ്‌പെന്‍ഡ് ചെയ്തു. വയോധിക എത്തിയ കാറിന്റെ ഗ്ലാസ് അടിച്ചു തകര്‍ക്കുകയും മര്‍ദ്ദിക്കുകയും ചെയ്തുവെന്ന പരാതിയിലാണ് കെ വി സ്മിതേഷിനെ സസ്‌പെന്‍ഡ് ചെയ്തത്. എസ്എച്ച്ഒ മദ്യലഹരിയിലായിരുന്നുവെന്ന് പ്രാഥമിക പരിശോധനയില്‍ ബോധ്യപ്പെട്ടതായി കണ്ണൂര്‍ സിറ്റി പൊലീസ് കമ്മീഷണര്‍, അജിത്ത് കുമാര്‍ പറഞ്ഞു.
രാജ്യത്ത് കുതിച്ചുയര്‍ന്ന് കൊവിഡ് കേസുകള്‍. തുടര്‍ച്ചയായി നാലാം ദിവസവും കൊവിഡ് പ്രതിദിന രോഗികളുടെ എണ്ണം പതിനായിരത്തിനു മുകളില്‍ കടന്നിരിക്കുകയാണ്. പ്രതിദിന രോഗികളുടെ എണ്ണം 10,093 ആണ്. 5.61 ശതമാനം ആണ് പോസിറ്റിവിറ്റി നിരക്ക്.
രാജ്യത്ത് കുതിച്ചുയര്‍ന്ന് കൊവിഡ് കേസുകള്‍ Read More »
ഇത്തവണത്തെ ഫെമിന മിസ് ഇന്ത്യ വേള്‍ഡ് 2023 കിരീടം രാജസ്ഥാന്റെ നന്ദിനി ഗുപ്തയ്ക്ക്. ഡല്‍ഹിയുടെ ശ്രേയ പൂഞ്ചയാണ് ആദ്യ റണ്ണറപ്പ്. മണിപ്പൂരിലെ തൗനോജം സ്ത്രെല ലുവാങ്ങിനാണ് സെക്കന്‍ഡ് റണ്ണറപ്പ് കിരീടം. . 19കാരിയായ നന്ദി രാജസ്ഥാനിലെ കോട്ട സ്വദേശിയാണ്. ഈ വര്‍ഷ നടക്കുന്ന മിസ് വേള്‍ഡ് മത്സരത്തില്‍ ഇന്ത്യയെ പ്രതിനിധീകരിക്കുന്നത് നന്ദിനി ഗുപ്തയായിരിക്കും.
30 മത്സരാത്ഥികളാണ് ഫെമിന മിസ് ഇന്ത്യ മത്സരത്തില്‍ പങ്കെടുത്തത്. ഡല്‍ഹി ഉള്‍പ്പടെയുള്ള 29 സംസ്ഥാനങ്ങളേയും പ്രതിനിധീകരിച്ച് മത്സരാര്‍ത്ഥികള്‍ പങ്കെടുത്തു. കൂടാതെ കേന്ദ്ര ഭരണപ്രദേശങ്ങളില്‍ നിന്നുള്ള ഒരു പ്രതിനിധിയും രാജ്യന്തര സൗന്ദര്യ മത്സരത്തിന്റെ ഭാഗമായി. ഫാഷന്‍ രംഗത്തെ പ്രമുഖരായ കാര്‍ത്തിക്ക് ആര്യന്‍, അനന്യ പാണ്ഡെ, മുന്‍ മിസ് ഫെമിന കിരീടം ചൂടിയ സിനി ഷെട്ടി തുടങ്ങിയവര്‍ പരിപാടിയുടെ ഭാഗമായി.
മിസ് ഇന്ത്യ 2023 കിരീടം ചൂടി രാജസ്ഥാന്‍ സ്വദേശിനി നന്ദിനി ഗുപ്ത Read More »
സംസ്ഥാനത്ത് താപനില മുന്നറിയിപ്പ് തുടരുന്നു. ഏഴ് ജില്ലകളില്‍ കാലാവസ്ഥ നിരീക്ഷണ കേന്ദ്രം മുന്നറിയിപ്പ് പുറപ്പെടുവിച്ചിട്ടുണ്ട്. പാലക്കാട്, കണ്ണൂര്‍, കോഴിക്കോട്,തൃശ്ശൂര്‍, കോട്ടയം, ആലപ്പുഴ, കൊല്ലം ജില്ലകളിലാണ് മുന്നറിയിപ്പ്. സാധാരണയെക്കാള്‍ 38 ശതമാനം കുറവ് വേനല്‍ മഴയാണ് ഇതുവരെ സംസ്ഥാനത്ത് രേഖപ്പെടുത്തിയത്.
സംസ്ഥാനത്ത് താപനില മുന്നറിയിപ്പ് തുടരുന്നു; ഏഴ് ജില്ലകളില്‍ ജാഗ്രത നിര്‍ദ്ദേശം Read More »
