ശബരിമല സ്വര്ണക്കൊള്ള കേസില് ജയിലില് കഴിയുന്ന തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് എന് വാസുവും പുറത്തേക്ക്. എന് വാസുവിന് സ്വാഭാവിക ജാമ്യം അനുവദിച്ച് കൊല്ലം വിജിലന്സ് കോടതി. കട്ടിളപ്പാളി കേസിലെ മൂന്നാം പ്രതിയാണ് എന് വാസു.ഉപാധികളോടെയാണ് ജാമ്യം അനുവദിച്ചത്.
റിമാന്ഡ് കാലാവധി 90 ദിവസം പിന്നിട്ടതോടെയാണ് ജാമ്യം തേടിയത്. എസ്ഐടി കുറ്റപത്രം സമര്പ്പിക്കാത്തത് കൂടി ചൂണ്ടിക്കാട്ടിയാണ് ജാമ്യ നീക്കം. വിവേചനം കാണിക്കാന് പറ്റില്ലെന്നും ജാമ്യ ഹര്ജിയില് ഇന്ന് വിധി പറയുമെന്നുമാണ് ഇന്നലെ ഹര്ജി പരിഗണിച്ച കോടതി വ്യക്തമാക്കിയത്.
ഇതുവരെ നാലു പ്രതികള് ജാമ്യം നേടി പുറത്തിറങ്ങി. ഒന്നാം പ്രതി ഉണ്ണികൃഷ്ണന് പോറ്റി ഉള്പ്പടെ മൂന്ന് പ്രതികള്ക്ക് സ്വാഭാവിക ജാമ്യമാണ് ലഭിച്ചത്. അതേസമയം കേസില് പ്രതികളായ പങ്കജ് ഭണ്ഡാരി, ഗോവര്ദ്ധന്, കെ എസ് ബൈജു എന്നിവരുടെ റിമാന്ഡ് 14 ദിവസത്തേയ്ക്ക് കൂടെ നീട്ടി.
