ശബരിമല മണ്ഡലകാല മുന്നൊരുക്കം നേരിട്ട് അറിയിക്കാന് ദേവസ്വം മന്ത്രി കെ മുരളീധരനുമായി കൂടിക്കാഴ് നടത്തി തിരുവിതാംകൂര് ദേവസ്വം ബോര്ഡ് പ്രസിഡന്റ് കെ ജയകുമാര്. വിവാദങ്ങള്ക്കിടെ ആദ്യമായാണ് ഇരുവരും തമ്മില് കൂടിക്കാഴ്ച നടത്തിയത്. ദേവസ്വം ബോര്ഡും സര്ക്കാരും സഹകരിച്ച് പ്രവര്ത്തിക്കുമെന്ന് മന്ത്രി കെ മുരളീധരന് പറഞ്ഞു. ആശങ്കയും അസംതൃപ്തിയും മാറിയെന്നും എല്ലാം ശുഭം എന്ന് ദേവസ്വം പ്രസിഡന്റ് കെ ജയകുമാറും പറഞ്ഞു.
ഇത്തവണത്തെ മണ്ഡല മകരവിളക്ക് ദര്ശനം ഭംഗിയായി നടക്കുമെന്ന് കെ മുരളീധരന് പറഞ്ഞു. ദേവസ്വം ബോര്ഡ് പൂര്ണമായും സഹകരിക്കുമെന്ന് കെ ജയകുമാര് പറഞ്ഞിട്ടുണ്ട്. നല്ലൊരു ധാരണയിലേക്ക് എത്തിയിട്ടുണ്ട്. ബോര്ഡും ഗവണ്മെന്റും ഒരുമിച്ച് നിന്നുകൊണ്ടുതന്നെ ഈ വര്ഷത്തെ ദര്ശനം സുഗമമാക്കും എന്ന കാര്യത്തില് അദ്ദേഹം ഉറപ്പ് നല്കിയിട്ടുണ്ട്. അതുകൊണ്ട് തന്നെ ആശങ്കയ്ക്ക് അവകാശമില്ല. ഒരുമിച്ച് നീങ്ങും. മുഖ്യമന്ത്രി അദ്ദേഹവുമായി സംസാരിച്ചിരുന്നു. അതിന്റെ അടിസ്ഥാനത്തില് ബോര്ഡും ഗവണ്മെന്റും ഒരുമിച്ച് പ്രവര്ത്തിച്ചുകൊണ്ട് ഭക്തജനങ്ങള്ക്ക് ഒരു ബുദ്ധിമുട്ടുമില്ലാത്ത രീതിയില് ഇത്തവണ കാര്യങ്ങള് ഭംഗിയായി നടക്കും അദ്ദേഹം പറഞ്ഞു.
കണ്ണൂര്: കഴിഞ്ഞ ഒരു വര്ഷത്തിനിടെ അതീവ ഗുരുതരാവസ്ഥയില് ആശുപത്രിയില് പ്രവേശിപ്പിക്കപ്പെട്ട 13 രോഗികളില് 10 പേരെയും അത്യാധുനിക എക്മോ (ഇ.സി.എം.ഒ) ചികിത്സയിലൂടെ കണ്ണൂര് ആസ്റ്റര് മിംസ് ജീവിതത്തിലേക്ക് വിജയകരമായി തിരികെ എത്തിച്ചു. ദേശീയ-അന്താരാഷ്ട്ര ശരാശരിയേക്കാള് 77 ശതമാനം മികച്ച വിജയനിരക്ക് കൈവരിച്ചാണ് ആശുപത്രിയിലെ ക്രിട്ടിക്കല് കെയര് വിഭാഗം ഈ നേട്ടം സ്വന്തമാക്കിയത്. ആശുപത്രിയിലെ വിദഗ്ധരടങ്ങുന്ന അത്യാഹിത വിഭാഗം, കാര്ഡിയോളജി, പള്മണോളജി, നെഫ്രോളജി തുടങ്ങിയ വിഭാഗങ്ങളുടെ ഏകോപിച്ചുള്ള അടിയന്തര ഇടപെടലാണ് ഈ നൂതന ചികിത്സയില് നിര്ണായകമായത്.
കഠിനമായ അണുബാധകള്, ഇന്ഫ്ലുവന്സ, ന്യൂമോണിയ, അക്യൂട്ട് റെസ്പിറേറ്ററി ഡിസ്ട്രസ് സിന്ഡ്രോം (എ.ആര്.ഡി.എസ്) തുടങ്ങിയ രോഗങ്ങള് മൂര്ച്ഛിച്ച് ഹൃദയത്തിന്റെയും ശ്വാസകോശത്തിന്റെയും പ്രവര്ത്തനം പൂര്ണമായി തകരാറിലാകുന്ന ഘട്ടത്തിലാണ് എക്മോ ചികിത്സ ജീവന്രക്ഷയായി മാറുന്നത്. ഗുരുതരാവസ്ഥയിലുള്ള രോഗികള്ക്ക് സാധാരണ വെന്റിലേറ്ററുകള് നല്കുമ്പോള് അത് ശ്വാസകോശത്തെ അമിതമായി സമ്മര്ദ്ദത്തിലാക്കുകയും, സങ്കീര്ണ്ണതകള്ക്ക് കാരണമാകുകയും ചെയ്യാം. എന്നാല് എക്മോ സാങ്കേതികവിദ്യ ഈ പ്രതിസന്ധിയെ വിജയകരമായി മറികടക്കുന്നു. ഈ ചികിത്സയില് ശരീരത്തിന് പുറത്തുള്ള യന്ത്രം കൃത്രിമ ഹൃദയമായും ശ്വാസകോശമായും പ്രവര്ത്തിച്ച് രക്തത്തിലേക്ക് നേരിട്ട് ഓക്സിജന് എത്തിക്കുകയും യഥാസമയം കാര്ബണ് ഡൈ ഓക്സൈഡ് പുറന്തള്ളുകയും ചെയ്യുന്നു. ഇതുവഴി കേടുപാടുകള് സംഭവിച്ച അവയവങ്ങള്ക്ക് പൂര്ണ്ണ വിശ്രമം ലഭിക്കുകയും ശരീരം സ്വയം സുഖപ്പെടാനുള്ള നിര്ണ്ണായക സമയം രോഗിക്ക് ലഭിക്കുകയും ചെയ്യുന്നു.
ആഗോള ശരാശരിയേക്കാള് മികച്ച വിജയനിരക്കിലൂടെ വടക്കന് മലബാറിലെ വൈദ്യശാസ്ത്ര രംഗത്ത് അത്യാധുനിക പരിചരണ മികവിന്റെയും കൃത്യതയുടെയും പുതിയ പ്രതീകമായി മാറുകയാണ് കണ്ണൂര് ആസ്റ്റര് മിംസ്.
ക്രിട്ടിക്കല് കെയര് വിഭാഗം ഡയറക്ടര് ഡോ. അമിത്ത് ശ്രീധരന്, ക്രിട്ടിക്കല് കെയര് വിഭാഗം മേധാവി ഡോ. റിനോയ് ചന്ദ്രന്, കാര്ഡിയോ തൊറാസിക് സര്ജറി വിഭാഗം ഡോ. പ്രസാദ് സുരേന്ദ്രന്, കാര്ഡിയോ തൊറാസിക് അനസ്തേഷ്യ ഡോ. ഗണേഷ് .എം, ഡോ. നിലഞ്ജന്, ജിനു (പെര്ഫ്യൂഷനിസ്റ്റ്), അഖില് (നഴ്സിംഗ് വിഭാഗം), റെസ്പിറേറ്ററി തെറാപ്പിസ്റ്റ് കൃഷ്ണന് , ഫിസിയോതെറാപ്പി വിഭാഗം മേധാവി വിശ്വനാഥന് തുടങ്ങിയവരുടെ നേതൃത്വത്തിലുള്ള മെഡിക്കല് സംഘമാണ് ചികിത്സ വിജയകരമായി പൂര്ത്തീകരിച്ചത്.
മരണമുഖത്തുനിന്നാണ് ഈ അത്യാധുനിക ചികിത്സയുടെ പിന്ബലത്തോടെ രോഗികളെ നമ്മള് ജീവിതത്തിലേക്ക് തിരികെ കൊണ്ടുവന്നതെന്ന് ഡോ. അമിത്ത് ശ്രീധരന് പ്രതികരിച്ചു. കൃത്യമായ സമയത്തുള്ള ഇടപെടലും പ്രത്യേക പരിശീലനം ലഭിച്ച മെഡിക്കല് സംഘത്തിന്റെ കൂട്ടായ പരിശ്രമവുമാണ് ഈ ചികിത്സയില് നിര്ണ്ണായകമാകുന്നതെന്ന് അദ്ദേഹം കൂട്ടിച്ചേര്ത്തു.
വിദേശ രാജ്യങ്ങളിലും മെട്രോ നഗരങ്ങളിലും മാത്രം ലഭ്യമായിരുന്ന അത്യാധുനിക ചികിത്സാസൗകര്യങ്ങള് മേഖലയില് ലഭ്യമാക്കാനും ഈ അപൂര്വ്വ നേട്ടത്തിലൂടെ കണ്ണൂരിന്റെ പേര് അന്താരാഷ്ട്ര തലത്തില് ശ്രദ്ധിക്കപ്പെടുന്ന നിലയിലേക്ക് ഉയര്ത്താനും സാധിച്ചു എന്ന് കണ്ണൂര് ആസ്റ്റര് മിംസ് ചീഫ് ഓപ്പറേറ്റിംഗ് ഓഫീസര് ഡോ. അനൂപ് നമ്പ്യാര് പറഞ്ഞു. പ്രദേശത്തിന്റെ ആരോഗ്യ മേഖലയില് ചരിത്രപരമായ ഒരു മാറ്റത്തിനാണ് ആശുപത്രി വഴിതുറന്നിരിക്കുന്നതെന്ന് അദ്ദേഹം കൂട്ടിച്ചേര്ത്തു. സങ്കീര്ണ്ണമായ സാങ്കേതികവിദ്യകളും വിദഗ്ധ ഡോക്ടര്മാരുടെ സേവനവും ലഭ്യമാക്കി നാടിന് അന്താരാഷ്ട്ര നിലവാരത്തിലുള്ള ചികിത്സ ഉറപ്പാക്കാന് ആശുപത്രി പ്രതിജ്ഞാബദ്ധമാണെന്നും പ്രാദേശിക തലത്തില് സാധാരണക്കാര്ക്ക് ഏറ്റവും മികച്ച പരിചരണം ഉറപ്പാക്കുന്നതിലും കണ്ണൂര് ആസ്റ്റര് മിംസ് ഒരു നിര്ണ്ണായക വഴിത്തിരിവായി മാറിയിരിക്കുകയാണെന്ന് ആശുപത്രി അധികൃതര് വ്യക്തമാക്കി.
മാസപ്പടിക്കേസില് സിഎംആര്എല് എംഡി ശശിധരന് കര്ത്തയുടെ ഡയറിയെക്കുറിച്ച് പ്രതികരണവുമായി മന്ത്രി കെ മുരളീധരന്. തെരഞ്ഞെടുപ്പിന് പണം വാങ്ങുന്നതും അഴിമതിപ്പണവും രണ്ടാണെന്ന് കെ മുരളീധരന് പറഞ്ഞു. തെരഞ്ഞെടുപ്പ് കാലത്ത് പണം വാങ്ങിയിട്ടുണ്ടാകും. ഏത് അന്വേഷണവും വരട്ടെ. ഈ ഡയറിയെക്കുറിച്ച് അന്വേഷിച്ചാലും കുഴപ്പമില്ലെന്നും അദ്ദേഹം പറഞ്ഞു. നിയമം നിയമത്തിന്റെ വഴിക്ക് പോകണം. ഇഡി പറഞ്ഞത് കണ്ണടച്ച് വിശ്വസിക്കുന്ന സര്ക്കാര് അല്ല കേരളത്തിലേത്. എന്നാല് ഇഡി ഔദ്യോഗികമായ ഒരു കാര്യം ആവശ്യപ്പെട്ടാല് നിര്വഹിച്ചേ പറ്റൂ എന്നും കെ മുരളീധരന് വ്യക്തമാക്കി.
ശശിധരന് കര്ത്തയുടെ ഡയറിയുടെ പേജ് പുറത്തുവിട്ട് ബിജെപി നേതാവ് ഷോണ് ജോര്ജ് രംഗത്തെത്തിയത് ചര്ച്ചയായതിനിടെ ആണ് കെ മുരളീധരന്റെ പ്രതികരണം.
സംസ്ഥാനത്ത് വൈദ്യുതി ഉപഭോഗം റെക്കോര്ഡിലേക്ക്. പീക്ക് സമയത്ത് നിയന്ത്രണം പാലിക്കണമെന്ന് കെഎസ്ഇബി നിര്ദ്ദേശം. ഊര്ജ്ജം ആവശ്യമുള്ള വ്യവസായ സ്ഥാപനങ്ങള് പ്രവര്ത്തനങ്ങള് പകല്സമയത്ത് ആക്കണമെന്ന് ആവശ്യപ്പെട്ട് സര്ക്കാര് ഉത്തരവ് ഇറക്കി. വാട്ടര് ഹീറ്റര് ഇന്ഡക്ഷന് കുക്കര് വാഷിംഗ് മെഷീന് പമ്പ് സെറ്റുകള് തുടങ്ങി കൂടുതല് വൈദ്യുതി ആവശ്യമുള്ള ഉപകരണങ്ങളുടെ ഉപയോഗം പരമാവധി സോളാര് സമയങ്ങളിലേക്ക് മാറ്റണമെന്നും നിര്ദേശം.
സര്ക്കാര് ഓഫീസുകളില് വൈദ്യുതി ഉപഭോഗം കുറയ്ക്കണമെന്ന് നിര്ദേശം നല്കി. എസിയുടെ താപനില 25 ഡിഗ്രി സെല്ഷ്യസിന് മുകളിലായിരിക്കണം. അനാവശ്യ ദീപാലങ്കാരങ്ങളും പ്രകാശ സംവിധാനവും ഒഴിവാക്കണമെന്നും നിര്ദ്ദേശം. അതോറിറ്റിയുടെ പമ്പിങ് പ്രവര്ത്തനങ്ങള് പകല് സമയത്ത് മാത്രമേ നടത്താവൂവെന്നു സര്ക്കാര് ഉത്തരവില് പറയുന്നു. ഇന്നലെ രാത്രി കേരളത്തിന് ആവശ്യമായ വൈദ്യുതി ലഭിച്ചതിനാല് വൈദ്യുതി നിയന്ത്രണം രാത്രി 9 മണിക്ക് ശേഷം ഉണ്ടായില്ല.
വേ ഗ്ലോബല് ഇന്ത്യ പ്രൈവറ്റ് ലിമിറ്റഡ് കമ്പനിയില് നിന്ന് ഇന്നുമുതല് 200 മെഗാ വാട്ട് വൈദ്യുതി കൂടി ലഭിച്ചു തുടങ്ങും. വൈകിട്ട് ആറുമണി മുതല് രാത്രി 12 മണി വരെയുള്ള പീക്ക് സമയങ്ങളില് ആയിരിക്കും വൈദ്യുതി ലഭ്യമാകുക. അടുത്തമാസം 31 വരെ വൈദ്യുതി ലഭ്യമാകുന്ന രീതിയിലാണ് കരാര്. ഒരു യൂണിറ്റിന് 11 രൂപ നിരക്കിലാണ് വൈദ്യുതി ലഭിക്കുക. അന്തരീക്ഷ താപനില കുറഞ്ഞതും മഴ പെയ്തതും വൈദ്യുതി ഉപഭോഗത്തില് നേരിയ കുറവ് വരുത്തി. അതേസമയം ഇന്നും വൈദ്യുതി നിയന്ത്രണം ഉണ്ടായേക്കാം എന്നും കെഎസ്ഇബി അറിയിച്ചിട്ടുണ്ട്.
മാസപ്പടി കേസില് മുഖ്യമന്ത്രി വി ഡി സതീശന്റെയും പ്രതിപക്ഷ നേതാവ് പിണറായി വിജയന്റെയുമടക്കം നിരവധി പ്രമുഖരുടെ പേരുമുണ്ടെന്ന് ബി ജെ പി നേതാവ് ഷോണ് ജോര്ജ്. എന്ഫോഴ്സ്മെന്റ് ഏജന്സിയായ എസ് എഫ് ഐ ഒ കോടതിയില് സമര്പ്പിച്ച രേഖകള് പുറത്തുവിട്ടാണ് ബി ജെ പി നേതാവ് രംഗത്തെത്തിയിരിക്കുന്നത്. സി എം ആര് എല് മാനേജിംഗ് ഡയറക്ടര് ശശിധരന് കര്ത്തായില് നിന്ന് പിടിച്ചെടുത്ത ഡയറിയിലെ സുപ്രധാന എന്ട്രികള് അടങ്ങിയ പേജാണ് ഷോണ് ജോര്ജ് പങ്കുവെച്ചത്. എല് ഡി എഫ്, യു ഡി എഫ് പ്രമുഖ നേതാക്കളുടെ പേരുകള് വ്യക്തമായി കുറിച്ചിട്ടുള്ള പേജില് മുഖ്യമന്ത്രി വി ഡി സതീശനും ഉള്പ്പെട്ടത് ചൂണ്ടിക്കാട്ടിയ ഷോണ്, മാസപ്പടി കേസില് ഇ ഡിയുടെ കത്തില് സംസ്ഥാന സര്ക്കാര് പിണറായിക്കെതിരെ വിജിലന്സ് അന്വേഷണം പ്രഖ്യാപിക്കാത്തതിന്റെ കാരണം ഇതാണെന്നാണ് പറഞ്ഞുവച്ചിരിക്കുന്നത്. പിണറായി വിജയന്റെ പേര് ‘പി വി’ എന്നല്ല, ‘പിണറായി’ എന്ന് തന്നെയാണ് ഡയറിയില് രേഖപ്പെടുത്തിയിരിക്കുന്നതെന്നും വ്യക്തമായിട്ടുണ്ട്.
ശബരിമലയില് നിന്ന് നഷ്ടപ്പെട്ടെന്ന് കരുതിയ സ്വര്ണക്കിരീടം സുരക്ഷിതമായുണ്ടെന്ന് ദേവസ്വം ബോര്ഡ്. വിഷയത്തില് തിരുവാഭരണം കമ്മീഷണര് ബോര്ഡിന് വിശദീകരണം നല്കി. മറ്റു ചില വസ്തുക്കളുമായി ബന്ധപ്പെട്ട സംശയം ഇപ്പോഴും നിലനില്ക്കുന്നുണ്ടെന്നും അതില് പരിശോധന തുടരും എന്നുമാണ് വിവരം. തമിഴ്നാട്ടില് നിന്നുള്ള ഭക്തര് 2012 ല് സമര്പ്പിച്ച 55. 72 പവന് തൂക്കമുള്ള സ്വര്ണക്കിരീടം കാണാതായി എന്നായിരുന്നു പുറത്തുവന്ന വിവരം. നിലവില് കിരീടം നഷ്ടമായിട്ടില്ല എന്ന് വ്യക്തമായിട്ടുണ്ട്.
ദേവസ്വം രജിസ്റ്ററില് സ്വര്ണ്ണകിരീടത്തിന്റെ കണക്കുണ്ടെങ്കിലും ആറന്മുളയിലെ സ്ട്രോങ്ങ് റൂമില് ഉള്ളത് മുക്കുപണ്ടമാണോ എന്നായിരുന്നു സംശയം. സ്വര്ണ്ണകൊള്ളയുടെ പശ്ചാത്തലത്തില് ഹൈക്കോടതി നിയോഗിച്ച അമിക്കസ് ക്യുരിയുടെ കണക്കെടുപ്പ് തുടരുകയാണ്. അന്തിമ പരിശോധനാ റിപ്പോര്ട്ട് ഉടന് ഹൈക്കോടതിയില് സമര്പ്പിക്കും. ശബരിമലയില് ഭക്തര് സമര്പ്പിക്കുന്ന വിലപിടിപ്പുള്ള വസ്തുക്കള് അവിടുത്തെ സ്ട്രോങ്ങ് റൂമില് സൂക്ഷിക്കാതെ ആറന്മുളയിലെ സുരക്ഷിതമായ സ്ട്രോങ്ങ് റൂമിലേക്ക് മാറ്റണമെന്നാണ് ചട്ടം.
സംസ്ഥാനത്ത് സര്ക്കാര് ആശുപത്രികളില് മരുന്ന് പ്രതിസന്ധി രൂക്ഷം. പേവിഷ പ്രതിരോധ മരുന്നടക്കം പ്രധാന മരുന്നുകള് പോലും സ്റ്റോക്കില്ല. താഴെ തട്ടിലുള്ള ആശുപത്രികള് കൂടുതല് ബുദ്ധിമുട്ടിലാണെന്നാണ് വിവരം. മരുന്നുകള്ക്കും ഉപകരണങ്ങള്ക്കുമുള്ള പര്ച്ചൈസ് ഓര്ഡറുകളും വൈകിയിട്ടുണ്ട്. കുടിശ്ശിക പ്രതിസന്ധിയും രൂക്ഷമാണ്. പ്രധാന മരുന്നുകള്പോലും സ്റ്റോക്കില്ലാത്ത അവസ്ഥയാണ് നിലവില്. ഈ സാമ്പത്തിക വര്ഷത്തെ 209 ഇനം മരുന്നുകളുടെയും ഉപകരണങ്ങളുടെയും സ്റ്റോക്ക് എത്തിയിട്ടില്ല.
ഇതുകൂടാതെ, ആശുപത്രികളില് മുഴുവന് സമയവും സ്പെഷ്യലിസ്റ്റ് സേവനം ഉറപ്പാക്കുന്നപദ്ധതി തുടക്കത്തിലെ പാളി. മിക്കയിടത്തും ആവശ്യത്തിന് ഡോക്ടര്മാരെ നിയമിക്കാനായില്ല. പദ്ധതി തുടങ്ങിയ പുനലൂരില് പോലും പദ്ധതി പൂര്ണ സജ്ജമായില്ല. മലപ്പുറത്ത് പദ്ധതി തുടങ്ങാന്പോലും ഇതുവരെ ആയില്ല
സംസ്ഥാനത്തെ വൈദ്യുതി പ്രതിസന്ധിക്ക് പരിഹാരം കാണാന് മുഖ്യമന്ത്രി വിളിച്ച നിര്ണായകമായ വിശാല യോഗം ഇന്ന് നടക്കും. ഒക്ടോബര് മാസം മുതല് പ്രതിസന്ധിയും നിയന്ത്രണവും ഒഴിവാക്കാനാനുള്ള മാര്ഗങ്ങളെക്കുറിച്ചാണ് യോഗം പ്രധാനമായും ചര്ച്ച ചെയ്യുക. ദീര്ഘകാല കരാറുകള് വേണമോയെന്നടക്കം ആലോചിക്കും. അതേ സമയം ഈ മാസത്തെ പ്രതിസന്ധി കടക്കാന് സ്വകാര്യ കമ്പനിയില് നിന്ന് 200 മെഗാവാട്ട് വാങ്ങാന് യൂണിറ്റിന് 11 രൂപയ്ക്ക് വാങ്ങാന് സര്ക്കാര് അനുമതി നല്കിയിരുന്നു. പ്രത്യേക സാഹചര്യത്തിലാണ് കമ്മീഷന്റെ അനുമതിക്ക് മുമ്പേ വൈദ്യുതി വാങ്ങാനുള്ള ശ്രമം.
സംസ്ഥാനത്തെ സ്വര്ണവിലയില് വീണ്ടും ഇടിവ്. ഇന്ന് ഒരു പവന് സ്വര്ണത്തിന് 1120 രൂപയാണ് കുറഞ്ഞിരിക്കുന്നത്. കഴിഞ്ഞ കുറച്ച് ദിവസങ്ങളായി സ്വര്ണവിലയില് വലിയ രീതിയിലുള്ള ചാഞ്ചാട്ടങ്ങളാണ് പ്രകടമാകുന്നത്. ഒരു ദിവസം തന്നെ സ്വര്ണവിലയില് പല തവണ മാറ്റം വന്ന ആഴ്ചയാണ് ഇത്.
ഇന്ന് സ്വര്ണം ഗ്രാമിന് 140 രൂപയാണ് കുറഞ്ഞിരിക്കുന്നത്. പവന് 1120 രൂപയും കുറഞ്ഞു. ഇതോടെ സംസ്ഥാനത്ത് ഒരു പവന് സ്വര്ണത്തിന് 1,11,960 രൂപയായി. ഒരു ഗ്രാം സ്വര്ണത്തിന് 13,995 രൂപ എന്ന നിരക്കിലാണ് ഇന്നത്തെ സ്വര്ണവ്യാപാരം പുരോഗമിക്കുന്നത്.
