ഇരു വൃക്കകളും തകരാറിലായ യുവാവ് തുടര്‍ ചികിത്സയ്ക്ക് സഹായം തേടുന്നു
കോളയാട്: യുവാവ് ചികിത്സ സഹായം തേടുന്നു.കോളയാട് ഗ്രാമപഞ്ചായത്തിലെ പള്ളിപ്പാലത്ത് താമസിക്കുന്ന കോറോത്ത് ബിജുമാണ് സുമനസുകളുടെ സഹായം തേടുന്നത്. അടിയന്തിരമായി വൃക്ക മാറ്റിവച്ചാല്‍ മാത്രമേ ഇരു വൃക്കകളും തകരാറിലായ ബിജുവിന് ജീവന്‍ നലനിര്‍ത്താന്‍ സാധിക്കുകയുള്ളു.ഭാര്യയും രണ്ട് പിഞ്ചുകുട്ടികളും ഹൃദ്രോഗിയായ അച്ഛനും അമ്മയുമടങ്ങുന്ന കുടുംബത്തിന്റെ ഏക ആശ്രയമായിരുന്ന ബിജു ഹൃദയ സംബന്ധമായ പ്രശ്നങ്ങളെ തുടര്‍ന്ന് 2 തവണ ആന്‍ജിയോ പ്ലാസ്റ്റിക്ക് വിധേയനായിരുന്നു.മാതാവ് വൃക്ക നല്‍കാന്‍ തയ്യാറാണെങ്കിലും ചികിത്സ ചിലവിനായുള്ള 30 ലക്ഷത്തോളം രൂപ കണ്ടെത്താന്‍ കുടുംബത്തിന് സാധിക്കാത്ത സാഹചര്യത്തില്‍ ഗ്രാമ പഞ്ചയാത്ത് പ്രസിഡന്റ് എം റിജി ,കോളയാട് സെന്റ് കോര്‍ണേലിയൂസ് പള്ളി വികാരി ഫാ ബോണി,വിശുദ്ധ അല്‍ഫോന്‍സ പള്ളി വികാരി ഫാ. ഡോ. ജോബി കാരക്കാട്ട് എന്നിവര്‍ രക്ഷാധികാരികളായും വാര്‍ഡ് മെമ്പര്‍ ഉഷ മോഹന്‍ ചെയര്‍മാനായും ജോളി ഫിലിപ്പ് കണ്‍വീനറായും ചികിത്സ സഹായ കമ്മറ്റി രൂപീകരിച്ച് പ്രവര്‍ത്തനം ആരംഭിച്ചിട്ടുണ്ട്. ബിജുവിനെ സഹായിക്കാന്‍ താല്‍പര്യമുള്ള സുമനസുകള്‍ക്ക് സ്റ്റേബാങ്ക് ഓഫ് ഇന്ത്യയുടെ കോളയാട് ബ്രാഞ്ചില്‍ ആരംഭിച്ച A/C NO 41270106194 ,IFSC SBIN 0061415 എന്ന അക്കൗണ്ടിലേക്ക് പണം അയക്കാവുന്നതാണ്‌.
