പേരാവൂര്‍: കേരള കാര്‍ഷിക വികസന കര്‍ഷക ക്ഷേമ വകുപ്പ്, ആത്മ കണ്ണൂര്‍ പേരാവൂര്‍ ബ്ലോക്ക്, കൃഷി ഭവന്‍ എന്നിവയുടെ സംയുക്താഭിമുഖ്യത്തില്‍ പ്രാപ്തി വികസന പരിശീലന പരിപാടി ലീഡ്‌സ് 2022-23 സംഘടിപ്പിച്ചു. പേരാവൂര്‍ ബ്ലോക്ക് പഞ്ചായത്ത് ഹാളില്‍ നടത്തിയ പരിശീലന പരിപാടി പേരാവൂര്‍ കൃഷി ഓഫീസര്‍ ഇന്‍ ചാര്‍ജ് പി.ജെ വിനോദിന്റെ അധ്യക്ഷതയില്‍ കൃഷി അസിസ്റ്റന്റ് ഡയറക്ടര്‍ പി.രാജശ്രീ ഉദ്ഘാടനം ചെയ്തു. കൃഷി ഓഫീസര്‍മാരായ കെ.ജെ ജോര്‍ജ്, കെ.ജെ സുനില്‍, കൃഷി അസിസ്റ്റന്റുമായ അനീഷ് പി.എസ്, പി.എം രഘു, ബി.ടി.എം കാവ്യ തുടങ്ങിയവര്‍ സംസാരിച്ചു. പരിശീലന പരിപാടിയില്‍ കുരുമുളകിലെ ഗ്രാഫ്റ്റിംങ്ങ് രീതികള്‍ എന്ന വിഷയത്തില്‍ മാട്ടീല്‍ അലവി ക്ലാസ്സുകള്‍ക്ക് നേതൃത്വം നല്‍കി.
