കൊളക്കാട് സാന്തോം ഹയര്‍ സെക്കന്‍ഡറി സ്‌കൂള്‍ 1990 എസ്.എസ്.എല്‍.സി ബാച്ചിന്റെ പൂര്‍വ്വ വിദ്യാര്‍ത്ഥി സംഗമം
കൊളക്കാട്: സാന്തോം ഹയര്‍ സെക്കന്‍ഡറി സ്‌കൂളിലെ 1990 എസ്എസ്എല്‍സി ബാച്ചിന്റെ പൂര്‍വ വിദ്യാര്‍ത്ഥി സംഗമം കൊളക്കാട് സാന്തോം ഹയര്‍ സെക്കന്‍ഡറി സ്‌കൂള്‍ ഓഡിറ്റോറിയത്തില്‍ നടന്നു. സ്‌നേഹക്കൂട് 90 എന്ന് പേരിട്ടിരിക്കുന്ന കൂട്ടായ്മ ഉത്സാഹ് 2022 എന്ന പേരിലാണ് പരിപാടി സംഘടിപ്പിച്ചത്. കൂട്ടായ്മയുടെ രക്ഷാധികാരി ഫാദര്‍ ജോഷി തോമസ് അധ്യക്ഷത വഹിച്ചു. സ്‌കൂള്‍ മാനേജര്‍ ഫാദര്‍ പോള്‍ വള്ളോപ്പിള്ളി അനുഗ്രഹ പ്രഭാഷണം നടത്തി. പുല്ലാംകുഴല്‍ കലാകാരന്‍ അഭിലാഷ് കൊളക്കാട് ചടങ്ങില്‍ മുഖ്യാതിഥിയായിരുന്നു. വാര്‍ഡ് മെമ്പര്‍ സുരുവി റിജോ, ഫാദര്‍ ബിനു ജോസഫ്, സ്‌കൂള്‍ ഹെഡ്മിസ്ട്രസ് സോളി തോമസ്, കോഡിനേറ്റര്‍ നിബു ജോര്‍ജ്, ദീപ ജോണ്‍, ജോസ് സ്റ്റീഫന്‍, ജോഫി ജോസ് തുടങ്ങിയവര്‍ സംബന്ധിച്ചു.
