മുഴക്കുന്ന്: മൃദംഗശൈലേശ്വരി ക്ഷേത്രത്തില്‍ നിര്‍മ്മിച്ച പഴശി മ്യൂസിയം ദേവസ്വം വകുപ്പ് മന്ത്രി കെ രാധാകൃഷ്ണന്‍ സന്ദര്‍ശിച്ചു. എം.എല്‍.എ അഡ്വ. സണ്ണി ജോസഫ്, പത്മശ്രീ മട്ടന്നൂര്‍ ശങ്കരന്‍കുട്ടി മാരാര്‍, ഗോഗുലം ഗോപാലന്‍, മുഴക്കുന്ന് ഗ്രാമ പഞ്ചായത്ത് പ്രസിഡണ്ട് ടി ബിന്ദു, തില്ലങ്കേരി ഗ്രാമപഞ്ചായത്ത് പ്രസിഡണ്ട് പി ശ്രീമതി ഉള്‍പ്പെടെയുള്ളവരും അദ്ദേഹത്തോടൊപ്പം ഉണ്ടായിരുന്നു.
ഇരിട്ടി:ഉളിക്കൽ കരുമാങ്കയത്തെ പി.പി. റസിയ(32)യാണ് പ്രസവത്തെ തുടർന്നുള്ള രക്തസ്രാവത്തെ തുടർന്ന്
ഇന്നു പുലർച്ചെ മരണപ്പെട്ടത്.ഗർഭിണിയായ റസിയയെ പ്രസവത്തിനായി കഴിഞ്ഞ ദിവസം മട്ടന്നൂരിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നെങ്കിലും രക്തസ്രാവത്തെ തുടർന്ന് ശനിയാഴിച്ച വൈകീട്ട് കണ്ണൂരിലെ സ്വകാര്യ ആശുപത്രിയിലേക്ക് മാറ്റുകയായിരുന്നു.രാത്രി ഏഴു മണിയോടെ ആൺകുഞ്ഞിന് ജൻമം നൽകിയെങ്കിലും പ്രസവത്തെ തുടർന്ന് കുട്ടി മരണപ്പെടുകയും പിന്നാലെ ഇന്നു പുലർച്ചെ മാതാവ് റസിയയും മരണപ്പെടുകയായിരുന്നു.കരുമാങ്കയത്തെ പള്ളിപ്പാത്ത് എറമുവിൻ്റെയും കേളോത്ത് ഹലീമയുടെയും മകളാണ്.
ഉളിക്കൽ ടൗണിലെ ചുമട്ടു തൊഴിലാളി ( എസ്.ടി.യു)
വേലിക്കോത്ത് അബ്ദുൾ സത്താറിൻ്റെ ഭാര്യയാണ്.
മക്കൾ: റാസി, റസൽ സഹോദരങ്ങൾ: പി.പി.
മുനീർ,ഷംസുദ്ധീൻ,ശിഹാബ് ജമീല.കബറടക്കം: ഇന്ന് 12 മണിക്ക് കരുമാങ്കയം ജുമാ മസ്ജിദ് ഖബർസ്ഥാനിൽ.
പ്രസവത്തെ തുടർന്ന് അമ്മയും കുഞ്ഞും മരിച്ചു Read More »
മട്ടന്നൂർ :കീഴല്ലൂർ മുതൽ മട്ടന്നൂർ വരെ ഇരുചക്ര വാഹനത്തിൽ മദ്യ വില്പന നടത്തിയിരുന്ന കാരപേരൂർ സ്വദേശി സൗപർണികയിൽ നിഖിലാണ് (32) എക്സൈസ് വലയിലായത്.ഓണം സ്പെഷ്യൽ ഡ്രൈവിനോട നുബന്ധിച്ച് ഇരിട്ടി എക്സൈസ് സർക്കിൾ ഓഫീസിലെ അസിസ്റ്റൻറ് എക്സൈസ് ഇൻസ്പെക്ടർ പ്രജീഷ് കുന്നുമ്മലിന്റെ നേതൃത്വത്തിലുള്ള സംഘമാണ് മദ്യ വില്പന നടത്തവേ മട്ടന്നൂർ വായാന്തോടുവച്ച് ഇയാളെ അതി സാഹസികമായി പിടികൂടിയത്.
നിരവധി അബ്കാരി കേസുകളിൽ വാഹനം അടക്കം പ്രതിയായ ഇയാൾ മദ്യ വിൽപ്പന തുടരുകയായിരുന്നു.ഇയാളുടെ വാഹനത്തിൽ നിന്നും വിൽപ്പനക്കായി സൂക്ഷിച്ച 57 കുപ്പി 28.5 ലിറ്റർ മദ്യവും പിടികൂടി.
ഒരു മാസക്കാലത്തോളം ഉള്ള നിരന്തര നിരീക്ഷണത്തിനൊടുവിലാണ് നിഖിൽ വലയിലാവുന്നത്.എക്സൈസ് സംഘത്തിൽ പ്രിവന്റീവ് ഓഫീസർ ബഷീർ പിലാട്ട് ,സിവിൽ എക്സൈസ് ഓഫീസർമാരായ എം രമേശൻ ബെൻഹർ കോട്ടത്തുവളപ്പിൽ എ കെ റിജു,പി ജി അഖിൽ , ഡ്രൈവർ സീ യു അമീർ എന്നിവരും ഉണ്ടായിരുന്നു പ്രതിയെ മട്ടന്നൂർ കോടതിയിൽ ഹാജരാക്കി റിമാന്റ് ചെയ്തു.
57 കുപ്പി മദ്യവുമായി കാരപേരൂർ സ്വദേശിയെ എക്സൈസ് സംഘം പിടികൂടി Read More »
ഇരിട്ടി: കര്‍ഷക സംഘം ഇരിട്ടി ഏരിയ സമ്മേളനം വിളമനയില്‍ വച്ച് നടന്നു.സംസ്ഥാന കമ്മിറ്റി അംഗം ടി.എം ജോഷി ഉദ്ഘാടനം ചെയ്തു. വി സാവിത്രി അധ്യക്ഷയായി. ഉത്തമന്‍ കല്ലായി, കെ.എ ദാസന്‍, പി പ്രകാശന്‍, സി.വി മാലിനി, കമല ശ്രീധരന്‍, കെ ശ്രീധരന്‍, എന്‍ അശോകന്‍, എം.എസ് അമര്‍ജിത്ത് എന്നിവര്‍ സംസാരിച്ചു.
കര്‍ഷക സംഘം ഇരിട്ടി ഏരിയ സമ്മേളനം Read More »
ഇരിട്ടി: മൂലോത്തുംകുന്ന് കൈരാത കിരാത ക്ഷേത്രാങ്കണത്തില്‍ ദേശീയ പതാക ഉയര്‍ത്തി.
ക്ഷേത്ര പ്രസിഡണ്ട് പി കരുണാകരന്‍, പത്മനാഭന്‍, എന്‍.വി പ്രജിത്ത്, കുഞ്ഞിമാധവന്‍, ബാലകൃഷ്ണന്‍ നടുവനാട്, സുരേഷ് ചാത്തോത്ത് എന്നിവരുടെ നേതൃത്വത്തിലാണ് ദേശീയ പതാക ഉയര്‍ത്തിയത്.
ദേശീയ പതാക ഉയര്‍ത്തി Read More »
കരിക്കോട്ടക്കരി: സെന്റ് തോമസ് യു.പി സ്‌കൂളില്‍ സ്വാതന്ത്ര്യത്തിന്റെ 75-ാം വാര്‍ഷികത്തിന്റെ ഭാഗമായി ദേശീയ പതാക നിര്‍മ്മാണ ശില്പശാല നടത്തി. അയ്യങ്കുന്ന് ഗ്രാമപഞ്ചായത്ത് പ്രസിഡന്റ് കുര്യാച്ചന്‍ പൈമ്പള്ളിക്കുന്നേല്‍ ഉദ്ഘാടനം ചെയ്തു.
സ്‌കൂള്‍ അസി. മാനേജര്‍ റവ.ഫാ. റൂബിള്‍ മാര്‍ട്ടിന്‍ അധ്യക്ഷത വഹിച്ചു. സ്‌കൂള്‍ പ്രധാനാധ്യാപകന്‍ സോജന്‍ വര്‍ഗീസ്, പി.ടി.എ വൈസ് പ്രസിഡന്റ് ജെയ്‌സണ്‍ തോമസ്, ലിന്‍സ് തോമസ്, തുടങ്ങിയവര്‍ സംസാരിച്ചു. ഭാരതവും ദേശീയ പതാകയും എന്ന വിഷയത്തെക്കുറിച്ച് സിസ്റ്റര്‍ ലിവി ജോസഫ് കുട്ടികള്‍ക്കായി പഠന ക്ലാസ് എടുത്തു. ചടങ്ങില്‍ വിവിധ മത്സര വിജയികള്‍ക്ക് അയ്യങ്കുന്ന് ഗ്രാമപഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷ ബീന റോജസ് സമ്മാനങ്ങള്‍ വിതരണം ചെയ്തു. സ്വാതന്ത്ര്യ സമര നായകന്മാരുടെ ചിത്രങ്ങളും ഇന്ത്യയുടെ ചരിത്രവുമായി ബന്ധപ്പെട്ട പുസ്തകങ്ങളും ഉള്‍പ്പെടുത്തി പ്രദര്‍ശനവും സ്‌കൂളില്‍ ഒരുക്കി
ദേശീയ പതാക നിര്‍മ്മാണ ശില്പശാല Read More »
പേരാവൂര്‍: സീനിയര്‍ സിറ്റിസണ്‍ ഫോറം പേരാവൂര്‍ യൂണിറ്റിന്റെ നേതൃത്വത്തില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ അംഗങ്ങളുടെ കൊച്ചുമക്കളെ അനുമോദിച്ചു. വാര്‍ഡ് മെമ്പര്‍ എം ഷൈലജ ടീച്ചര്‍ ഉദ്ഘാടനം ചെയ്തു.
സീനിയര്‍ സിറ്റിസണ്‍ ഫോറം ജില്ലാ ജോയിന്റ് സെക്രട്ടറി ജോസഫ് കോക്കാട്ട് അധ്യക്ഷനായി. എം അനന്ദന്‍ മാസ്റ്റര്‍ കുട്ടികളെ പരിചയപ്പെടുത്തി. ഡോക്ടര്‍ വി. രാമചന്ദ്രന്‍, ഇന്ദിര ഭാസ്‌കരന്‍, കെ.രാജന്‍ മാസ്റ്റര്‍, ഭാസ്‌കരന്‍ മൂഴിക്കല്‍, കെ.എം രാധാമണി, കൂട്ട ഭാസ്‌കരന്‍, പി.വി നാരയണന്‍ മാസ്റ്റര്‍, സെക്രട്ടറി സി. നാരയണന്‍ തുടങ്ങിയവര്‍ സംബന്ധിച്ചു. ഹര്‍ ഘര്‍ തിരംഗിന്റെ ഭാഗമായി മുന്‍ പ്രസിഡണ്ട് പി നാണു ദേശീയ പതാക ഉയര്‍ത്തി.
ഉന്നത വിജയികളെ അനുമോദിച്ചു Read More »
പേരാവൂര്‍ : സെന്റ് ജോസഫ് ഹയര്‍ സെക്കന്ററി സ്‌കൂള്‍ എന്‍.എസ്.എസ് യൂണിറ്റ് സ്വാതന്ത്ര്യാമൃതം 2022 സഹവാസ ക്യാമ്പ് സ്‌കൂള്‍ മാനേജര്‍ ഫാ. ഡോ. തോമസ് കൊച്ചുകരോട്ടിന്റെ അധ്യക്ഷതയില്‍ പേരാവൂര്‍ ഗ്രാമപഞ്ചായത്ത് പ്രസിഡണ്ട് പി.പി വേണു ഗോപാലന്‍ ഉദ്ഘാടനം ചെയ്തു. കെ.വി സെബാസ്റ്റ്യന്‍, സന്തോഷ് കോക്കാട്ട്, കെ.പി കത്രീന, ജാക്‌സിന്‍ ടി ജോസ്, വന്ദന പ്രദീപ്, നിര്‍മ്മല ജോസഫ് തുടങ്ങിയവര്‍ സംസാരിച്ചു. സഹവാസ ക്യാമ്പ് 18-ന് സമാപിക്കും.
സ്വാതന്ത്ര്യാമൃതം 2022 സഹവാസ ക്യാമ്പ് ഉദ്ഘാടനം Read More »
പേരാവൂര്‍: ആസാദി കാ അമൃത് മഹോത്സവിന്റെ ഭാഗമായി ബി.ജെ.പി പേരാവൂര്‍ പഞ്ചായത്ത് കമ്മിറ്റിയുടെ നേതൃത്വത്തില്‍ ഹര്‍ ഘര്‍ തിരംഗിന്റെ ഭാഗമായി പേരാവൂര്‍ ടൗണില്‍ ദേശീയ പതാക ഉയര്‍ത്തി. വിമുക്ത ഭടന്‍ സദാനന്ദന്‍ തിരുവോണപുറം പതാക ഉയര്‍ത്തി. ബി.ജെ.പി സംസ്ഥാന കൗണ്‍സില്‍ മെമ്പര്‍ കൂട്ട ജയപ്രകാശ്, സുബ്രഹ്മണ്യന്‍ കയ്യന്തല, ഷിബു മണത്തണ, പ്രമോദ് ചെറിയാണ്ടി, മുരളീധരന്‍ മേപ്പാട്, ജസ ആനന്ദന്‍, സുരേഷ് ബാബു അണിയേരി, ജിജേഷ് തുടങ്ങിയവര്‍ പങ്കെടുത്തു.
ദേശീയ പതാക ഉയര്‍ത്തി Read More »
പേരാവൂര്‍: ഹര്‍ ഘര്‍ തിരംഗിന്റെ ഭാഗമായി പേരാവൂര്‍ പഞ്ചായത്ത് ഓഫിസിന് മുന്നില്‍ പഞ്ചായത്ത് പ്രസിഡണ്ട് പി.പി വേണുഗോപാലന്‍ പതാക ഉയര്‍ത്തി.
സെക്രട്ടറി ഹനീഫ്, പഞ്ചായത്ത് അംഗങ്ങളും പഞ്ചായത്ത് സ്റ്റാഫും എന്നിവര്‍ പങ്കെടുത്തു.
