പാനൂരില് ബോംബ് നിര്മാണത്തിനിടെ യുവാവ് കൊല്ലപ്പെട്ട സംഭവത്തില് നാല് പേര് കസ്റ്റഡിയില്. അരുണ്, അതുല്, ഷിബിന് ലാല്,സായൂജ് എന്നിവരെയാണ് പൊലീസ് കസ്റ്റഡിയിലെടുത്തത്. സ്ഫോടനം നടക്കുമ്പോള് സ്ഥലത്ത് ഉണ്ടായിരുന്നവരാണ് നാല് പേരും. കോയമ്പത്തൂരിലേക്ക് രക്ഷപ്പെടാന് ശ്രമിച്ച സായൂജിനെ പാലക്കാട് നിന്നാണ് പിടികൂടിയത്. ബോംബ് നിര്മാണത്തില് ഉള്പ്പെട്ട എട്ട് പേരെ ഇതുവരെ തിരിച്ചറിഞ്ഞതായാണ് പൊലീസ് അറിയിച്ചത്.