കൂത്തുപറമ്പ്:നിര്മ്മലഗിരി റാണിജെയ് ഹയര് സെക്കന്ഡറി സ്കൂള് അലുമിനി അസോസിയേഷന് സംഘടിപ്പിക്കുന്ന മെഗാ സ്റ്റേജ് ഷോ ആര് ജെ നൈറ്റിന്റെ ആദ്യ ടിക്കറ്റ് സ്കൂള് അലൂമിനീയും സിനിമാനടനും സംവിധായകനുമായ വിനീത് ശ്രീനിവാസന് അലൂമിനി അസോസിയേഷന് ഭാരവാഹികളായ ഷിനോജ് കെ നമ്പ്യാര്, പ്രിയ ജയദീപ്, ജോവിന് ജോര്ജ്ജ് എന്നിവരില് നിന്ന് ഏറ്റുവാങ്ങി. ആഗസ്ത് 12 ന് വൈകുന്നേരം 6 മണിക്ക് സ്ക്കൂള് അങ്കണത്തിലാണ് പരിപാടി.ടിക്കറ്റുകള് rjnite.com എന്ന വെബ് സൈറ്റില് ലഭ്യമാണ് . കൂടുതല് വിവരങ്ങള്ക്ക് വിളിക്കേണ്ട നമ്പര്: 8943617457
സംസ്ഥാനത്ത് ആശങ്കയായി അഞ്ചാംപനി.കുട്ടികള്ക്കിടയില് രോഗം പടരുന്നതായി റിപ്പോര്ട്ട്. ഒരാഴ്ചക്കിടെ മലപ്പുറത്ത് രണ്ടു കുട്ടികള് അഞ്ചാംപനി ബാധിച്ച് മരിച്ചു. ഈ വര്ഷം ഇതുവരെ നാല് അഞ്ചാംപനി മരണങ്ങള് റിപ്പോര്ട്ട് ചെയ്തു.
2362 കുട്ടികള്ക്ക് രോഗം ബാധിച്ചു. 1702 കുട്ടികള് സമാന ലക്ഷണങ്ങളുമായും 660 പേര് രോഗം സ്ഥിരീകരിച്ചും ചികിത്സ തേടി. മലപ്പുറത്ത് മരിച്ച രണ്ടു കുട്ടികളും പ്രതിരോധ വാക്സിന് എടുത്തിരുന്നില്ലെന്ന് ആരോഗ്യവകുപ്പ് വ്യക്തമാക്കി.
സംസ്ഥാനത്ത് ഊര്ജ്ജിതമായ കാര്ഷിക, വിപണന സംവിധാനം ഒരുക്കുന്നതിന് 2013ലെ കമ്പനി നിയമ പ്രകാരം കേരള അഗ്രോ ബിസിനസ് കമ്പനി (കാബ്കോ) രൂപീകരിക്കുന്നതിന് മന്ത്രിസഭായോഗം തീരുമാനിച്ചു. പ്രശസ്ത സിനിമാ സംവിധായകരായ കെ. ജി ജോര്ജ്ജ്, എം. മോഹന് എന്നിവര്ക്ക് മുഖ്യമന്ത്രിയുടെ ദുരിതാശ്വാസ നിധിയില് നിന്ന് അഞ്ച് ലക്ഷം രൂപ വീതം ചികിത്സാ സഹായം അനുവദിക്കും.
2023-ലെ സ്വാതന്ത്ര്യ ദിനാഘോഷത്തോടനുബന്ധിച്ച് വിവിധ സേനാ വിഭാഗങ്ങള് നടത്തുന്ന പരേഡുകളില് തിരുവനന്തപുരത്തെ സംസ്ഥാനതല ചടങ്ങില് മുഖ്യമന്ത്രി പിണറായി വിജയന് അഭിവാദ്യം സ്വീകരിക്കും. മലപ്പുറം ജില്ലയില് കൊണ്ടോട്ടി താലൂക്കിലെ പള്ളിക്കല്, നെടിയിരുപ്പ് എന്നീ വില്ലേജുകളിലെ 14.5 ഏക്കര് ഭൂമി കോഴിക്കോട് അന്താരാഷ്ട്ര വിമാനത്താവളത്തിന്റെ ഇരുവശത്തും നിര്മ്മാണത്തിന് ഏറ്റെടുക്കുന്നതുമായി ബന്ധപ്പെട്ട് കുടിയൊഴിപ്പിക്കപ്പെടുന്ന 64 കുടുംബങ്ങള്ക്ക് പുനരധിവാസ പാക്കേജ് അനുവദിച്ചു.
മാലിന്യ സംസ്കരണ പ്ലാന്റുകള് സ്ഥാപിക്കുന്നതിന് മാത്രമായി സര്ക്കാര് പുറമ്പോക്ക് ഭൂമി തദ്ദേശ സ്വയം ഭരണ വകുപ്പിന് കൈമാറുന്നതിന് ജില്ലാ കളക്ടര്മാര്ക്കു അനുമതി നല്കും. കേരള സര്ക്കാര് വകുപ്പുകള്, തദ്ദേശ സ്വയംഭരണസ്ഥാപനങ്ങള്, സംസ്ഥാന പൊതുമേഖലാ സ്ഥാപനങ്ങള്, കമ്മീഷനുകള്, കേരള സര്ക്കാര് നിയമിച്ച വിവിധ കമ്മിറ്റികള് എന്നിവയിലെ പൊതുരേഖകളുടെ സംഭരണം, വര്ഗ്ഗീകരണം, സംരക്ഷണം, ഭരണ നിര്വ്വഹണം, നിയന്ത്രണം എന്നിവ നിര്വ്വഹിക്കുന്നത് സംബന്ധിച്ച് വ്യവസ്ഥ ചെയ്തുകൊണ്ടുള്ള കേരള സംസ്ഥാന പൊതുരേഖാ സംരക്ഷണ നിയന്ത്രണ ബില് 2023ന്റെ കരടിന് അംഗീകാരം നല്കി.
വാര്ത്ത കണ്ട് തിരിച്ചറിഞ്ഞ ഒരാളാണ് ഷസിന്റെ ബന്ധുക്കളെ വിവരമറിയിച്ചത്. ഇപ്പോള് ഒരു ബന്ധുവിനൊപ്പം ഷസിന് ബംഗളൂരുവിലുണ്ട്. ഇന്ന് തന്നെ കണ്ണൂരിലേക്ക് വരും. മറ്റ് വിവരങ്ങള് ഇവിടെ എത്തിയതിന് ശേഷം മാത്രമേ അറിയാന് സാധിക്കൂ എന്നാണ് ബന്ധുക്കള് പറഞ്ഞിരിക്കുന്നത്. കക്കാട് നിന്ന് കാണാതായ മുഹമ്മദ് ഷെസിനെ കണ്ടെത്തിയത് മജസ്റ്റിക് ബസ് സ്റ്റാന്ഡില് വച്ചാണ്. കെഎംസിസിയുടെ രണ്ട് പ്രവര്ത്തകരാണ് ഷെസിനെ തിരിച്ചറിഞ്ഞത്. ഇവര് കണ്ണൂര് സിഐയെയും കുടുംബത്തെയും വിവരമറിയിച്ചു. മന്സൂര് എന്ന ബന്ധുവിനൊപ്പം കുട്ടിയെ നാട്ടിലേക്ക് അയച്ചു.
കേരള ആരോഗ്യ ശാസ്ത്ര സര്വ്വകലാശാലയാണ് മരണാനന്തര ബഹുമതിയായി എം.ബി.ബി.എസ് ബിരുദം നല്കിയത്. ഗവര്ണര് ആരിഫ് മുഹമ്മദ് ഖാന് ബഹുമതി സമ്മാനിച്ചു. അച്ഛന് കെ. കെ. മോഹന്ദാസും അമ്മ വസന്തകുമാരിയും ചേര്ന് ബഹുമതി ഏറ്റുവാങ്ങി. വന്ദന ദാസിന്റെ പ്രവര്ത്തനം മാതൃകയാക്കണമെന്ന് യുവ ഡോക്ടര്മാരോട് ബിരുദദാന ചടങ്ങിനിടയുള്ള സന്ദേശത്തില് ഗവര്ണര് പറഞ്ഞു. നിറകണ്ണുകളോടെയാണ് വന്ദനദാസിന്റെ ബിരുദ സര്ട്ടിഫിക്കറ്റുമായി കുടുംബം മടങ്ങിയത്.
പത്തനംതിട്ട എഫ്എച്ച്സി കോയിപ്പുറം 82% സ്കോറും, കോഴിക്കോട് എഫ്എച്ച്സി കക്കോടി 94% സ്കോറും നേടിയാണ് പുതുതായി അംഗീകാരം നേടിയത്. വയനാട് എഫ്എച്ച്സി പൂതാടി 90% സ്കോര് നേടി പുന:രംഗീകാരം നേടി. ഇതോടെ സംസ്ഥാനത്തെ 166 ആശുപത്രികള്ക്ക് പുതുതായി എന്.ക്യു.എ.എസ്. അംഗീകാരവും 66 ആശുപത്രികള്ക്ക് പുന:രംഗീകാരവും നേടിയെടുക്കാനായതെന്ന് മന്ത്രി വ്യക്തമാക്കി.
5 ജില്ലാ ആശുപത്രികള്, 4 താലൂക്ക് ആശുപത്രികള്, 9 സാമൂഹികാരോഗ്യ കേന്ദ്രങ്ങള്, 39 അര്ബന് പ്രൈമറി ഹെല്ത്ത് സെന്റര്, 109 കുടുംബാരോഗ്യ കേന്ദ്രങ്ങള് എന്നിങ്ങനെയാണ് എന്.ക്യു.എ.എസ്. അംഗീകാരം നേടിയിട്ടുള്ളത്. ഇതുകൂടാതെ 10 ആശുപത്രികള്ക്ക് ലക്ഷ്യ സര്ട്ടിഫിക്കേഷനും ലഭിച്ചിട്ടുണ്ട്.
8 വിഭാഗങ്ങളായി 6,500 ഓളം ചെക്ക് പോയിന്റുകള് വിലയിരുത്തിയാണ് ഒരാശുപത്രിയെ ദേശീയ ഗുണനിലവാരത്തിലേക്ക് ഉയര്ത്തുന്നത്. എന്.ക്യു.എ.എസ്. അംഗീകാരത്തിന് 3 വര്ഷ കാലാവധിയാണുളളത്. 3 വര്ഷത്തിന് ശേഷം ദേശീയതല സംഘത്തിന്റെ പുന:പരിശോധന ഉണ്ടാകും. കൂടാതെ വര്ഷാവര്ഷം സംസ്ഥാനതല പരിശോധനയുമുണ്ടാകും. എന്.ക്യു.എ.എസ്. അംഗീകാരം ലഭിക്കുന്ന പി.എച്ച്.സി.കള്ക്ക് 2 ലക്ഷം രൂപാ വീതവും മറ്റ് ആശുപത്രികള്ക്ക് ഒരു കിടക്കയ്ക്ക് 10,000 രൂപ എന്ന നിലയിലും വാര്ഷിക ഇന്സന്റീവ് ലഭിക്കും.