Local News

നിയമസഭാ തെരഞ്ഞെടുപ്പില്‍ വന്‍ വിജയം നേടുമെന്ന യുഡിഎഫ് അവകാശവാദം ഫണ്ട് പിരിവിന് വേണ്ടിയാണെന്ന് മന്ത്രി മുഹമ്മദ് റിയാസ്. അധികാരത്തിൽ എത്തിയെന്ന പ്രതീതി ഉണ്ടാക്കി ഫണ്ട് പിരിവാണ് യുഡിഎഫിന്‍റെ ലക്ഷ്യമെന്നും അദ്ദേഹം കൂട്ടിച്ചേർത്തു.

ഏപ്രിൽ ഒമ്പതു മുതൽ മേയ് നാലുവരെ പ്രതിപക്ഷം ഭരണപക്ഷത്തെപ്പോലെ സംസാരിക്കും. മേയ് നാലുവരെ ഫണ്ട് പിരിക്കാമെന്നും റിയാസ് പരിഹസിച്ചു.

ബിജെപിയും യുഡിഎഫും എന്ത് ഡീൽ ഉണ്ടാക്കിയെങ്കിലും അത് മറികടക്കും.എൽഡിഎഫ് ഭരണം തുടരും. ബേപ്പൂരിൽ മികച്ച വിജയമുണ്ടാകും. ന്യൂനപക്ഷ വിഭാഗങ്ങളുടെ വോട്ടുകൾ യുഡിഎഫിന് കിട്ടുമെന്ന് പറയാനാകില്ല. ജനക്ഷേമ പ്രവർത്തനങ്ങൾക്കും വികസനത്തിനുമാണ് വോട്ടെന്നും റിയാസ് കൂട്ടിച്ചേർത്തു.

കുടകിലെ കൂര്‍ഗില്‍ ട്രക്കിംഗിനിടെ കാണാതായ ശരണ്യയ്ക്കായുള്ള തിരച്ചില്‍ ഊര്‍ജ്ജിതമാക്കണമെന്ന് ആവശ്യപ്പെട്ട് കര്‍ണാടക മുഖ്യമന്ത്രി സിദ്ധരാമയ്യക്ക് കത്തയച്ച് മുഖ്യമന്ത്രി പിണറായി വിജയന്‍. ജി.എസ് ശരണ്യയെ എത്രയും വേഗം കണ്ടെത്തി സുരക്ഷിതമായി എത്തിക്കാന്‍ ആവശ്യമായ ഇടപെടല്‍ നടത്തണമെന്നും നേരിട്ട് വിഷയത്തില്‍ ഇടപെടണം എന്നും മുഖ്യമന്ത്രി കത്തിലൂടെ സിദ്ധരാമയ്യയോട് ആവശ്യപ്പെട്ടു.

ട്രക്കിങ്ങും സാഹസികതയും ഏറെ ഇഷ്ടപ്പെടുന്ന ശരണ്യ കൊച്ചിയില്‍നിന്നാണ് കുടകിലെത്തിയത്. കുടകിലെ ഏറ്റവും ഉയര്‍ന്ന കൊടുമുടിയായ തടിയന്‍ഡമോള്‍ കയറുകയായിരുന്നു ലക്ഷ്യം. യുവ ഐ.ടി. പ്രൊഫഷണലാണ് കാണാതായ ശരണ്യ. നാപ്പോക്ലുവിനടുത്തുള്ള യാവകപാടി ഗ്രാമത്തിലെ ഹോംസ്റ്റേയിലാണ് ശരണ്യ താമസിച്ചത്. ഹോംസ്റ്റേയിലെത്തിയ മറ്റുള്ളവര്‍ക്കൊപ്പം വ്യാഴാഴ്ച രാവിലെ വനംവകുപ്പിന്റെ അനുമതി വാങ്ങിയാണ് ശരണ്യ ഉള്‍പ്പെടെയുള്ള സംഘം ട്രക്കിങ്ങിനായി പുറപ്പെട്ടത്. കാട്ടാന ശല്യമുള്ളതിനാല്‍ മറ്റ് 10 പേര്‍ അടങ്ങുന്ന സംഘത്തിനൊപ്പം പോകാന്‍ ശരണ്യയോട് വനംവകുപ്പ് ഉദ്യോഗസ്ഥര്‍ നിര്‍ദേശിച്ചിരുന്നു. വൈകുന്നേരം നാല് മണിയോടെ സംഘം തിരിച്ചെത്തിയെങ്കിലും ശരണ്യ ഒപ്പമുണ്ടായിരുന്നില്ല. യാത്രയ്ക്കിടെ ശരണ്യയെ കാണാതാവുകയായിരുന്നു. ഉച്ചയ്ക്ക് രണ്ടരയോടെ തനിക്ക് വഴിതെറ്റിപ്പോയെന്ന് ശരണ്യ ഹോംസ്റ്റേയില്‍ വിളിച്ചറിയിച്ചതിനെ തുടര്‍ന്ന് ഹോംസ്റ്റേ ജീവനക്കാരും, നാട്ടുകാരും വനപ്രദേശത്ത് തിരച്ചില്‍ നടത്തിയെങ്കിലും ഫലമുണ്ടായില്ല. ഇതിനിടെ, ശരണ്യയുടെ മൊബൈല്‍ഫോണ്‍ സ്വിച്ച് ഓഫായി. തുടര്‍ന്നാണ് നംവകുപ്പിനെയും പൊലീസിനെയും വിവരമറിയിച്ചത്.

കര്‍ണാടക വനം വകുപ്പ് ഉദ്യോഗസ്ഥരും പൊലീസും ചേര്‍ന്നാണ് തിരച്ചില്‍ തുടരുന്നത്. അഞ്ച് സംഘങ്ങളായി തിരിഞ്ഞാണ് തിരച്ചില്‍. ഡ്രോണുകളും സ്‌നിഫര്‍ നായകളെയും ഉപയോഗിച്ച് വനത്തിന് അകത്തും മറ്റ് വഴികളിലും പരിശോധന നടത്തുന്നുണ്ട്. നക്‌സല്‍ വിരുദ്ധ സേനയും തിരച്ചില്‍ സംഘത്തിലുണ്ട്. വടകര താലൂക്ക് കാര്‍ഷിക വികസന ബാങ്കില്‍ നിന്നു വിരമിച്ച വടക്കയില്‍ ഗോപിയുടെയും ഷൈലജയുടെയും മകളാണു ശരണ്യ. മകള്‍ രണ്ടാഴ്ച മുമ്പ് വീട്ടിലെത്തിയിരുന്നു എന്നും, തനിച്ച് ഇതിനുമുമ്പും ട്രക്കിങ്ങിനു പോയിട്ടുണ്ടെങ്കിലും ആദ്യമായാണ് ഇത്തരമൊരു സംഭവം എന്നും പിതാവ് ഗോപി പറഞ്ഞു.

സംസ്ഥാനത്ത് ഒറ്റപ്പെട്ട ശക്തമായ വേനല്‍ മഴയ്ക്ക് സാധ്യത. മൂന്ന് ദിവസം ഒറ്റപ്പെട്ട ശക്തമായ വേനല്‍ മഴ ലഭിച്ചേക്കും. പത്തനംതിട്ട, ഇടുക്കി, പാലക്കാട്, മലപ്പുറം, വയനാട് ജില്ലകളില്‍ ഇന്ന് യല്ലോ അലേര്‍ട്ട് പ്രഖ്യാപിച്ചു.

പത്തനംതിട്ട, ഇടുക്കി, മലപ്പുറം ജില്ലകളില്‍ നാളെ യെല്ലോ മുന്നറിയിപ്പ്. മലയോര മേഖലകളില്‍ മഴ ശക്തമായേക്കും. മഴയ്‌ക്കൊപ്പം ഇടിമിന്നലിനും കാറ്റിനും സാധ്യത. പൊതുജനങ്ങള്‍ ഇടിമിന്നല്‍ ജാഗ്രത മുന്നറിയിപ്പ് പാലിക്കണമെന്ന് ദുരന്ത നിവാണ അതോറിറ്റി അറിയിച്ചു.മഴയ്‌ക്കൊപ്പം തന്നെ ശക്തമായ ഇടിമിന്നലിനും മണിക്കൂറില്‍ 40 മുതല്‍ 50 കിലോമീറ്റര്‍ വരെ വേഗതയിലുള്ള കാറ്റിനും സാധ്യതയുണ്ടെന്ന് മുന്നറിയിപ്പില്‍ പറയുന്നു.

യെല്ലോ അലേര്‍ട്ട് പ്രഖ്യാപിച്ച ജില്ലകള്‍:

ഏപ്രില്‍ 4 (ശനി): പത്തനംതിട്ട, ഇടുക്കി.

ഏപ്രില്‍ 5 (ഞായര്‍): പത്തനംതിട്ട, ഇടുക്കി, എറണാകുളം.

ഒറ്റപ്പെട്ടയിടങ്ങളില്‍ 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കാവുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്‍ത്ഥമാക്കുന്നത്. മലയോര മേഖലകളില്‍ താമസിക്കുന്നവര്‍ പ്രത്യേക ജാഗ്രത പാലിക്കണമെന്ന് ദുരന്ത നിവാരണ അതോറിറ്റി നിര്‍ദ്ദേശിച്ചു.

ഇടിമിന്നല്‍ ജാഗ്രതാ നിര്‍ദ്ദേശങ്ങള്‍:

കാര്‍മേഘം കണ്ട് തുടങ്ങുന്ന സമയം മുതല്‍ തന്നെ മുന്‍കരുതലുകള്‍ സ്വീകരിക്കണം. ഇടിമിന്നലുള്ള സമയത്ത് താഴെ പറയുന്ന നിര്‍ദ്ദേശങ്ങള്‍ പാലിക്കുക:

തുറസായ സ്ഥലങ്ങള്‍ ഒഴിവാക്കുക: ഇടിമിന്നലുള്ള സമയത്ത് മൈതാനങ്ങളിലോ ടെറസിലോ നില്‍ക്കുന്നത് ഒഴിവാക്കുക.

വൈദ്യുതി ബന്ധം വിച്ഛേദിക്കുക: ഗൃഹോപകരണങ്ങളുടെ പ്ലഗുകള്‍ ഊരിയിടുക. ഇലക്ട്രോണിക് ഉപകരണങ്ങള്‍ ഉപയോഗിക്കാതിരിക്കുക.

ജനലും വാതിലും അടയ്ക്കുക: കാറ്റും മിന്നലുമുള്ളപ്പോള്‍ ജനലുകള്‍ക്കും വാതിലുകള്‍ക്കും സമീപം നില്‍ക്കരുത്.

കുട്ടികളുടെ കാര്യത്തില്‍ ശ്രദ്ധ: അന്തരീക്ഷം മേഘാവൃതമാണെങ്കില്‍ കുട്ടികളെ പുറത്ത് കളിക്കാന്‍ വിടരുത്.

കണ്ണൂര്‍:ജില്ലയില്‍ അവശ്യ സര്‍വീസ് വിഭാഗത്തിലുള്‍പ്പെട്ട വോട്ടുകളില്‍ വോട്ടര്‍ ഫെസിലിറ്റേഷന്‍ സെന്ററിലും (വി.എഫ്.സി) പോസ്റ്റല്‍ വോട്ടിംഗ് സെന്ററിലുമായി (പി.വി.സി) 3405 പേര്‍ വോട്ടു രേഖപ്പെടുത്തിയതായി ജില്ലാ നോഡല്‍ ഓഫീസര്‍ അറിയിച്ചു. മറ്റ് ജില്ലകളില്‍ നിന്നുകൂടി പോസ്റ്റല്‍ ബാലറ്റുകള്‍ എത്തുന്നതോടെ വരും ദിവസങ്ങളില്‍ ജില്ലയില്‍ വോട്ടിംഗ് ശതമാനം ഉയരും.

തപാല്‍ ബാലറ്റ് വിതരണവും സ്വീകരണവും ഊര്‍ജിതമായി നടന്നു വരികയാണ്. പോളിംഗ് ഡ്യൂട്ടിയിലുള്ള ഉദ്യോഗസ്ഥര്‍ക്ക് രണ്ടാംഘട്ട പരിശീലന കേന്ദ്രത്തിലും പോളിംഗേതര ഡ്യൂട്ടിയിലുള്ളവര്‍ക്ക് കണ്ണൂര്‍ എസ്.എന്‍ കോളേജിലുള്ള വോട്ടര്‍ ഫെസിലിറ്റേഷന്‍ സെന്ററിലുമാണ് വോട്ടു ചെയ്യാനുള്ള സംവിധാനമൊരുക്കിയത്.

ഉദ്യോഗസ്ഥരുടെ പോസ്റ്റല്‍ ബാലറ്റിനുള്ള അപേക്ഷകള്‍ എല്ലാ പരിശീലന കേന്ദ്രങ്ങളില്‍ നിന്നും സ്വീകരിക്കുകയും നിയോജക മണ്ഡലാടിസ്ഥാനത്തില്‍ തരംതിരിക്കുകയും ചെയ്യുകയാണ് ആദ്യം ചെയ്തത്. ലഭിച്ച അപേക്ഷകള്‍ ബന്ധപ്പെട്ട വരണാധികാരികള്‍ക്ക് അതിവേഗം എത്തിക്കുന്നതിനായി ജില്ലാതലത്തിലും സംസ്ഥാനതലത്തിലും വിപുലമായ സംവിധാനങ്ങള്‍ ഒരുക്കിയിട്ടുണ്ട്.

കണ്ണൂര്‍ കൃഷ്ണമേനോന്‍ സ്മാരക വനിത കോളേജില്‍ 24 മണിക്കൂറും പ്രവര്‍ത്തിക്കുന്ന ജില്ലാതല സെന്ററും കോഴിക്കോട്, വയനാട്, കാസര്‍ഗോഡ്, കണ്ണൂര്‍ ജില്ലകള്‍ക്കുള്ള റീജ്യനല്‍ സെന്ററുമുണ്ട്.

അതാത് വരണാധികാരിക്ക് ലഭിക്കുന്ന അപേക്ഷകള്‍ പരിഗണിച്ച് പോസ്റ്റല്‍ ബാലറ്റിന് അര്‍ഹമെങ്കില്‍ ബാലറ്റും അനുബന്ധ ഫോമുകളും കവറുകളും ഉദ്യോഗസ്ഥര്‍ ജോലി ചെയ്യുന്ന ജില്ലയിലേക്കും തുടര്‍ന്ന് അവര്‍ രണ്ടാംഘട്ട പരിശീലനത്തിന് എത്തേണ്ട കേന്ദ്രത്തിലും എത്തിക്കും. ഇതിനായി നിയോജക മണ്ഡലാടിസ്ഥാനത്തില്‍ നോഡല്‍ ഓഫീസര്‍മാരെ നിയമിച്ചിട്ടുണ്ട്.

പരിശീലന ദിവസം വോട്ടു ചെയ്യാന്‍ സാധിക്കുന്നില്ലെങ്കില്‍ ഏപ്രില്‍ 7 വരെ പ്രസ്തുത കേന്ദ്രത്തിലെ വോട്ടര്‍ ഫെസിലിറ്റേഷന്‍ കേന്ദ്രത്തിലെത്തി വോട്ടു ചെയ്യാനും അവസരമുണ്ട്. എന്തെങ്കിലും കാരണത്താല്‍ ഉദ്യോഗസ്ഥര്‍ക്ക് ഏപ്രില്‍ ഏഴിനകം വോട്ടര്‍ ഫെസിലിറ്റേഷന്‍ സെന്ററില്‍ എത്തി വോട്ടു ചെയ്യാന്‍ സാധിച്ചില്ലെങ്കില്‍ അവര്‍ക്കായി പ്രത്യേക സൗകര്യം ഒരുക്കും.

ഏപ്രില്‍ 3 വരെയുള്ള കണക്കുകള്‍ പ്രകാരം ജില്ലാ ക്ലിയറിംഗ് സെന്ററില്‍ ലഭ്യമായ വിവരങ്ങള്‍:

ഫോറം 12 ഉ (അവശ്യ സര്‍വീസ്)- 3877 അപേക്ഷകള്‍ ലഭിച്ചതില്‍ 3877 എണ്ണം അതത് മണ്ഡലങ്ങളിലേക്ക് അയച്ചു.

ഫോറം 12 (പോളിംഗ് ഉദ്യോഗസ്ഥര്‍)- 12945 അപേക്ഷകള്‍ ലഭിച്ചു. ഇതില്‍ 12715 എണ്ണം ക്ലിയറിംഗ് സെന്റര്‍ വഴി അതത് വരണാധികാരികള്‍ക്ക് കൈമാറി.

ഫോറം 12 (നോണ്‍-പോളിംഗ് ഉദ്യോഗസ്ഥര്‍)- 2829 അപേക്ഷകള്‍ ലഭിച്ചതില്‍ 2430 എണ്ണം