Local News

ഇരിട്ടി:കോളിക്കടവ് ആരാധന ഗ്രന്ഥാലയം ലൈബ്രറി കൗണ്‍സില്‍ സെക്രട്ടറി പി.കെ രഞ്ചിത്ത് കമല്‍ ഉദ്ഘാടനം ചെയ്തു. സിനിമാ- നാടക നടന്‍ രഞ്ചിത്ത് വേങ്ങോടന്‍ വിശിഷ്ഠാതിഥിയായി. എം സുമേഷ് ആദ്യ പുസ്ത വിതരണം നടത്തി. കെ.ഷിനോജ് കുമാര്‍ ,ശശീന്ദ്രന്‍ എ.ജി , വിനോദ് കുമാര്‍ എം,എന്‍.വി ഷാജി, ബിനീഷ് കെ, ബാബു കാറ്റാടി, വി.കെ പ്രേമരാജന്‍, വി.കെ പുരുഷോത്തമന്‍ , ജയേഷ് എന്‍ ആര്‍ , കെ.പി രവീന്ദ്രന്‍, മധു എ എന്നിവര്‍ സംസാരിച്ചു.

പേരാവൂര്‍:കുനിത്തല ഗ്രാമോത്സവത്തിന്റെ ഭാഗമായി വിവിധ മത്സരങ്ങള്‍ കുനിത്തല ഗവ എള്‍ പി സ്‌കൂള്‍ ഗ്രൗണ്ടില്‍ വച്ച് നടന്നു.ഷമേജ് ടി കെ,സനീഷ് ചെക്യോടന്‍,പി വി ജയേഷ്,പി പുരുഷോത്തമന്‍ തുടങ്ങിയവര്‍ നേതൃത്വം നല്‍കി

ശബരിമല ദര്‍ശനത്തിനെത്തുന്ന തീര്‍ത്ഥാടകര്‍ക്ക് പരമാവധി സൗകര്യങ്ങള്‍ ഏര്‍പ്പെടുത്തണമെന്ന് മുഖ്യമന്ത്രി പിണറായി വിജയന്‍ നിര്‍ദേശിച്ചു. തീര്‍ത്ഥാടനവുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യാന്‍ ചേര്‍ന്ന ഉന്നതലയോഗത്തിലാണ് മുഖ്യമന്ത്രി ഇക്കാര്യം പറഞ്ഞത്.

ഭക്തജനങ്ങള്‍ക്ക് പ്രയാസമില്ലാതെ പതിനെട്ടാം പടി കയറി സന്നിധാനത്തെത്തി സംതൃപ്തമായ ദര്‍ശനം ഒരുക്കല്‍ പ്രധാനമാണ്. അതിന് ആവശ്യമായ ക്രമീകരണം നടത്തണമെന്ന് മുഖ്യമന്ത്രി നിര്‍ദേശിച്ചു. ദര്‍ശനസമയം ദിവസം 19 മണിക്കൂറായി വര്‍ധിപ്പിച്ചത് കൂടുതല്‍ പേര്‍ക്ക് ദര്‍ശനത്തിന് അവസരമൊരുക്കിയിട്ടുണ്ട്. വാഹനപാര്‍ക്കിംഗ് സൗകര്യം വര്‍ധിപ്പിക്കാന്‍ ദേവസ്വം ബോര്‍ഡും പത്തനംതിട്ട ജില്ലാ ഭരണസംവിധാനവും നടപടികള്‍ എടുക്കണമെന്ന് മുഖ്യമന്ത്രി പറഞ്ഞു. നിലയ്ക്കലിലുള്ള പാര്‍ക്കിംഗ് സൗകര്യം വര്‍ധിപ്പിച്ചിട്ടുണ്ട്. 17 മൈതാനങ്ങളിലായി 6,500 വാഹനങ്ങള്‍ക്ക് പാര്‍ക്ക് ചെയ്യാം. ദേവസ്വം വകുപ്പുമന്ത്രി പങ്കെടുത്ത് ആഴ്ചയിലൊരിക്കല്‍ ഉന്നതതല യോഗം ചേര്‍ന്ന് അവലോകനം നടത്തും.

മണത്തണ:യുണൈറ്റഡ് മര്‍ച്ചന്റ്‌സ് ചേംബര്‍ മണത്തണ യൂണിറ്റിന്റെ നേതൃത്വത്തില്‍ ആര്‍ദ്രം കുടുംബ സഹായ പദ്ധതി വിശദീകരണവും നാലുവരിപ്പാത വ്യാപാരികളുടെ സംശയ നിവാരണവും മണത്തണ എസ്.എന്‍.ഡി.പി. ഹാളില്‍ നടന്നു യു.എം.സി. ജില്ല പ്രസിഡന്റ് ടി.എഫ്. സെബാസ്റ്റ്യന്‍ ഉദ്ഘാടനം ചെയ്തു. യൂണിറ്റ് പ്രസിഡന്റ് എം.ജി. മന്മഥന്‍ അധ്യക്ഷനായി. ജില്ല വൈസ് പ്രസിഡന്റ് കെ.എം.ബഷീര്‍, മനോജ് കുമാര്‍, എ.കെ.ഗോപാലകൃഷ്ണന്‍ തുടങ്ങിയവര്‍ പങ്കെടുത്തു.

രാജ്യത്തുടനീളമുള്ള മതപരമായ ഘോഷയാത്രകള്‍ നിയന്ത്രിക്കാന്‍ നിര്‍ദ്ദേശം നല്‍കണമെന്ന് ആവശ്യപ്പെട്ട് സമര്‍പ്പിച്ച പൊതുതാല്‍പര്യ ഹര്‍ജി സുപ്രീം കോടതി തള്ളി. മതപരമായ ഘോഷയാത്രകള്‍ വര്‍ഗ്ഗീയ കലാപത്തിന് കാരണമാകുന്നു എന്ന് പറഞ്ഞാണ് മതപരമായ ഘോഷയാത്രകള്‍ക്ക് നിരോധനം ഏര്‍പ്പെടുത്താന്‍ ഹര്‍ജിയുമായി എന്‍ജിഒ സിറ്റിസണ്‍സ് ഫോര്‍ ജസ്റ്റിസ് ആന്‍ഡ് പീസ് സുപ്രീംകോടതിയില്‍ എത്തിയത്.

സംസ്ഥാനങ്ങുടെ കീഴിലുള്ളതാണ് ക്രമസമാധാന പരിപാലനം. ഈ കാര്യത്തിലേക്ക് സുപ്രീം കോടതിയെ അനാവശ്യമായി വലിച്ചിഴയ്‌ക്കേണ്ടതില്ലെന്ന് ചീഫ് ജസ്റ്റിസ് ഡി വൈ ചന്ദ്രചൂഡും ജസ്റ്റിസ് പി എസ് നരസിംഹവും അടങ്ങുന്ന ബെഞ്ച് വ്യക്തമാക്കി.

പേരാവൂര്‍:കേരളോത്സവം 2022 ന്റെ ഭാഗമായി പേരാവൂര്‍ ബ്ലോക്ക് തല ക്രിക്കറ്റ് മത്സരം മാലൂര്‍ പഞ്ചായത്ത് മിനി സ്റ്റേഡിയത്തില്‍ നടന്നു.പേരാവൂര്‍ ബ്ലോക്ക് പരിധിയിലെ പഞ്ചായത്തില്‍ നിന്നും വിജയിച്ച ടീമുകളാണ് ബ്ലോക്ക് തല മത്സരത്തില്‍ പങ്കെടുത്തത്.പഞ്ചായത്ത് അംഗം കാഞ്ഞരോളി രാഘവന്‍ മാസ്റ്ററുടെ അധ്യക്ഷതയില്‍ മാലൂര്‍ ഗ്രാമപഞ്ചായത്ത് പ്രസിഡണ്ട് വി. ഹൈമവതി ഉദ്ഘാടനം ചെയ്തു.ആരോഗ്യ വിദ്യാഭ്യാസ സ്റ്റാന്‍ഡിഗ് കമ്മിറ്റി ചെയര്‍പേഴ്‌സണ്‍ രേഷ്മ സജീവന്‍, പേരാവൂര്‍ ബ്ലോക്ക് സെക്രട്ടറി ആര്‍.സജീവന്‍, ജോയിന്റ് ബി.ഡി.ഒ.സാം ഐസക്ക്,വി.ഇ.ഒമാരായ മുഹമ്മദ് ഹിജാസ്, സംരാഗ്, മുജീബ് എന്നിവര്‍ സംസാരിച്ചു.

മൃഗങ്ങളില്‍ നിന്ന് മനുഷ്യരിലേക്ക് വൈറസ് വഴി പകരുന്ന ഒരു രോഗമാണ് മങ്കിപോക്സ്. വ്യാപനം വര്‍ധിച്ചതോടെ ലോകാരോഗ്യസംഘടന ആഗോള ആരോഗ്യ അടിയന്തിരാവസ്ഥയായി പ്രഖ്യാപിച്ച രോഗമാണ് മങ്കിപോക്‌സ്.

മങ്കിപോക്‌സ് ഇനി മുതല്‍ എംപോക്‌സ് എന്ന പേരില്‍ അറിയപ്പെടുമെന്ന് പ്രഖ്യാപിച്ചിരിക്കുകയാണ് ഇപ്പോള്‍ ലോകാരോഗ്യസംഘടന. മങ്കിപോക്‌സ് എന്ന പേരിന് പിന്നിലെ വംശീയത ചൂണ്ടിക്കാട്ടി വിവിധഭാഗങ്ങളില്‍ നിന്ന് എതിര്‍പ്പുയര്‍ന്നിരുന്നു. ഇതോടെ ആണ് പേരുമാറ്റുന്നതിനെക്കുറിച്ച് ലോകാരോഗ്യസംഘടന ചര്‍ച്ചകള്‍ ആരംഭിച്ചത്.
ദശകങ്ങളോളം പഴക്കമുള്ള രോഗത്തിന്റെ പേരുമാറ്റാന്‍ പ്രധാനമായും രണ്ട് കാരണങ്ങളാണ് വിദഗ്ധര്‍ ചൂണ്ടിക്കാട്ടിയത്. ഒന്ന് മങ്കിപോക്‌സ് എന്ന പേര് കറുത്ത വര്‍ഗക്കാരെ അധിക്ഷേപിക്കാന്‍ ഉപയോഗിക്കുന്നു എന്ന വാദമാണ് പ്രധാനം. മറ്റൊന്ന് ഈ പേര് തുടരുന്നതോടെ കുരങ്ങുകള്‍ മാത്രമാണ് രോഗത്തിന് കാരണക്കാര്‍ എന്ന തെറ്റിദ്ധാരണ ഉണ്ടാകും എന്നതുമായിരുന്നു.