Hivision Channel

ആര്‍ബിഐ പലിശ നിരക്ക് ഉയര്‍ത്തിയേക്കും; റിപ്പോ ഉയരും

പണപ്പെരുപ്പം റിസര്‍വ് ബാങ്കിന്റെ പരിധിയ്ക്ക് മുകളില്‍ തന്നെ തുടരുന്നതിനാല്‍ റിപ്പോ നിരക്ക് വീണ്ടും ഉയര്‍ത്തിയേക്കും. ആര്‍ബിഐ അതിന്റെ പ്രധാന വായ്പാ നിരക്ക് 35 ബേസിസ് വരെ ഉയര്‍ത്തുമെന്നാണ് സൂചന. ഒക്ടോബറില്‍ രാജ്യത്തെ പണപ്പെരുപ്പം 6.77 ശതമാനമായി കുറഞ്ഞെങ്കിലും ആര്‍ബിഐയുടെ ടോളറന്‍സ് ബാന്‍ഡിന്റെ മുകളില്‍ തന്നെയായിരുന്നു. 2 മുതല്‍ 6 ശതമാനം വരെയാണ് ആര്‍ബിഐയുടെ പരിധി. ആഗോള വിപണിയില്‍ അസംസ്‌കൃത എണ്ണയുടെ വില കഴിഞ്ഞ മാസങ്ങളില്‍ കുറയുന്നുണ്ടെങ്കിലും ആഭ്യന്തര വിലയില്‍ ഇതുവരെ പ്രതിഫലിച്ചിട്ടില്ല. കഴിഞ്ഞ ഏഴ് മാസങ്ങളില്‍ ആറിലും ബ്രെന്റ് ക്രൂഡ് വില ഇടിഞ്ഞു, മാര്‍ച്ചില്‍ 139 ഡോളറിലെത്തിയ ബാരലിന് നിലവില്‍ ഏകദേശം 83 ഡോളറിലാണ് വ്യാപാരം നടക്കുന്നത്. ആഗോള എണ്ണവില കുറവാണെങ്കിലും, 2022 മെയ് മുതല്‍ ഇന്ത്യയിലെ ചില്ലറ വിപണി വിലയില്‍ മാറ്റമൊന്നും സംഭവിച്ചിട്ടില്ല. സെപ്തംബര്‍ 30-ലെ നയ പ്രസ്താവനയില്‍, ആര്‍ബിഐയുടെ മോണിറ്ററി പോളിസി കമ്മിറ്റി 2022/23 സാമ്പത്തിക വര്‍ഷത്തിലെ ജിഡിപി വളര്‍ച്ച 7 ശതമാനമായും ചില്ലറ പണപ്പെരുപ്പം 6.7 ശതമാനമായും പ്രവചിച്ചിരുന്നു.

Leave a Comment

Your email address will not be published. Required fields are marked *