Local News

പേരാവൂർ താലൂക്ക് ആശുപത്രിയിലെ ഡയാലിസ് യൂണിറ്റിലെ ഏഴു മിഷ്യനിൽ നാലെണ്ണം തകരാറിൽ ആയിരിക്കുകയാണ്.ഇതാണ് ഡയാലിസ് ചെയ്യുന്ന രോഗികൾക്ക് ദുരിതമായി മാറിയത്.
ഡയാലിസിന് എത്തുന്ന രോഗികളെ മറ്റ് ഡയാലിസ് സെൻ്ററുകളിലേക്ക് വിടുകയാണ് ചെയ്യുന്നത്. ഇത് വലിയ സാമ്പത്തിക ബുദ്ധിമുട്ടാണ് ഉണ്ടാക്കുന്നത്.
മറ്റ് ഡയാലിസ് സെൻ്ററുകളിൽ ഡയാലിസിന് പോകുമ്പോൾ എച്ച്.ഐ.വി പരിശോധയും മറ്റ്ടെസ്റ്റുകളും മരുന്നുകളും ഉൾപ്പെടെ
1500 മുതൽ 5000 രൂപയോളം ചെലവ് വരും എന്നാണ് പറയുന്നത്.7 ഡയാലിസ് മിഷ്യനും പ്രവർത്തിക്കുകയാണെങ്കിൽ ഒരു ദിവസം 18 പേർക്ക് ഡയാലിസ് ചെയ്യാൻ സാധിക്കും.മിഷൻ തകരാറിലായതോടെ ഇപ്പോൾ ഒരു ദിവസം പത്തിൽ താഴെ പേർക്ക് മാത്രമേ ഡയാലിസ് ചെയ്യാൻ കഴിയുന്നുള്ളൂ.എത്രയും വേഗം മിഷ്യൻ തകരാറുകൾ പരിഹരിച്ച് ഡയാലിസ് യൂണിറ്റിന്റെ പ്രവർത്തനം പൂർവ്വസ്ഥിതിയിൽ ആക്കണമെന്നാണ് ഡയാലിസ് രോഗികൾ ഉൾപ്പെടെ ഉള്ളവർ ആവശ്യപ്പെടുന്നത്.

പുനഃസംഘടനയുമായി ബന്ധപ്പെട്ട ചോദ്യങ്ങളില്‍ മാധ്യമങ്ങളോട് പൊട്ടിത്തെറിച്ച് പ്രതിപക്ഷ നേതാവ് വി.ഡി സതീശന്‍. പുനഃസംഘടന സംബന്ധിച്ച ചോദ്യങ്ങള്‍ മറുപടി പറയില്ലെന്ന് അദ്ദേഹം പറഞ്ഞു.എന്നോട് ഇത്തരം ചോദ്യങ്ങള്‍ ചോദിക്കണ്ട. ഇത്തരം ചോദ്യങ്ങള്‍ക്ക് മറുപടിയില്ല. ഇല്ലാത്ത വിഷയം ഊതിപ്പെരുപ്പിച്ച് കോണ്‍ഗ്രസിന് പ്രശ്‌നവുമാണെന്ന് വരുത്തിത്തീര്‍ക്കാന്‍ ശ്രമിക്കുന്നതിന്റെ ഭാഗമാണ്. അത് എന്റെയടുത്ത് വേണ്ട. അത്തരം ചോദ്യങ്ങള്‍ക്ക് മറുപടി പറയില്ല. വേറെ വല്ലതുമുണ്ടെങ്കില്‍ പറ – അദ്ദേഹം പറഞ്ഞു.

അതേസമയം, കെപിസിസി പുനഃസംഘടനയില്‍ കെ മുരളീധരന് പ്രതിഷേധമെന്ന റിപ്പോര്‍ട്ട് പുറത്ത് വന്നിരുന്നു. വിശ്വാസ സംരക്ഷണ ജാഥയുടെ സമാപനത്തില്‍ പങ്കെടുക്കില്ല. കാസര്‍ഗോഡ് നിന്നുള്ള മേഖലാജാഥയുടെ ക്യാപ്റ്റനാണ് കെ. മുരളീധരന്‍. ഇന്നലെ വൈകുന്നേരത്തോടെ ഗുരുവായൂരിലേക്ക് പോയി. ജാഥാ ക്യാപ്റ്റന്‍ തന്നെ വിട്ടുനില്‍ക്കുന്നത് അസാധാരണമെന്നാണ് വിലയിരുത്തല്‍.മലയാളമാസം ഒന്നായതിനാല്‍ ഗുരുവായൂരിലേക്ക് പോകുന്നു എന്നുള്ളതാണ് കെ മുരളീധരന്റെ വിശദീകരണം. കോണ്‍ഗ്രസ് നടത്തിയ വിശ്വാസ സംരക്ഷണ ജാഥ ഔദ്യോഗികമായി ഇന്നലെ സമാപിച്ചു എന്നാണ് കെ.മുരളീധരന്റെ വിശദീകരണം. ഇന്ന് ചെങ്ങന്നൂരില്‍ നിന്ന് പന്തളത്തേക്ക് യുഡിഎഫ് ആണ് ജാഥ നടത്തുന്നത്. എന്നാല്‍ മറ്റു മൂന്നു മേഖല ജാഥയുടെ ക്യാപ്റ്റന്മാരും സമാപന സമ്മേളനത്തില്‍ പങ്കെടുക്കും. ഇന്നലെ വൈകുന്നേരത്തോടെയാണ് കെ. മുരളീധരന്‍ ഗുരുവായൂരിലേക്ക് പോയത്. കെ. മുരളീധരനെ അനുനയിപ്പിക്കാനുള്ള നീക്കങ്ങള്‍ നേതാക്കളും ആരംഭിച്ചു.

കട്ടപ്പന കുന്തളംപാറയിൽ ഉരുൾപ്പൊട്ടൽ. അതിഭയങ്കര ശബ്ദത്തോടെയുണ്ടായ ഉരുൾപൊട്ടലിനെ തുടർന്ന് ശക്തമായ മലവെള്ള പാച്ചിലിൽ റോഡുകളും കൃഷിയിടങ്ങളും ഒലിച്ച് പോയി. 2019ൽ ഉരുൾപൊട്ടലുണ്ടായ അതേ പ്രദേശത്താണ് ഉരുൾപൊട്ടലുണ്ടായത്.ശനിയാഴ്ച വെളുപ്പിന് ഒന്നരയോടെയാണ് ഉരുൾപ്പൊട്ടിയത്. വീടുകൾക്ക് മുന്നിലേക്ക് കല്ലും മണ്ണും ചെളിയും ഒഴുകിയെത്തി. ഉരുൾപ്പൊട്ടിയെത്തിയ പ്രദേശത്തെ റോഡുകളും കൃഷിയിടങ്ങളും ഒലിച്ച് പോയി. ആളപായമില്ല.ഇടുക്കിയിൽ വിവിധ മേഖലകളിൽ വെള്ളിയാഴ്ച രാത്രി മുതൽ ശക്തമായ മഴയാണ് അനുഭവപ്പെടുന്നത്. നെടുങ്കണ്ടം കൂട്ടാറിലും ഉരുൾപ്പൊട്ടിയതായി സംശയമുണ്ട്. കനത്ത മലവെള്ളപ്പാച്ചിലിൽ കൂട്ടാറിൽ ട്രാവലർ അടക്കമുള്ള വാഹനങ്ങൾ ഒഴുകിപോയിരുന്നു. കല്ലാർ ഡാമിലെ ജലനരപ്പ് ഉയർന്നതിനെ തുടർന്ന് ഷട്ടറുകൾ ഉയർത്തി ജലം പുറത്തേക്ക് ഒഴുക്കി തുടങ്ങിയിട്ടുണ്ട്. മുല്ലപ്പെരിയാർ ഡാമിലെ ജലനിരപ്പ് റൂൾ കർവ് പിന്നിട്ട സാഹചര്യത്തിൽ ഡാമിന്റെ ഷട്ടറുകൾ തുറക്കുമെന്ന് അധികൃതർ മുന്നറിയിപ്പ് നൽകിയിട്ടുണ്ട്.

അമ്മയുടെ കൺമുന്നിൽ മൂന്ന് വയസുകാരന് ദാരുണാന്ത്യം. സ്കൂൾ വാനിടിച്ചാണ് മൂന്ന് വയസുകാരന്‍ മരിച്ചത്. മാനിപുരം സ്വദേശി മുനീറിൻ്റെ മകൻ ഉവൈസിനാണ് ജീവന്‍ നഷ്ടപ്പെട്ടത്. വീടിന്‍റെ മുൻപിൽ വച്ചാണ് അപകടം നടന്നത്.സഹോദരിയെ വാനിൽ നിന്ന് ഇറക്കി ഡോർ അടയ്ക്കുന്ന സമയത്ത് അമ്മയുടെ കൈവിട്ടു പോയ കുട്ടി വാനിന് മുന്നിൽ പെടുകയായിരുന്നു.

തു​ലാ​വ​ർ​ഷ​ത്തി​ന് മു​ന്നോ​ടി​യാ​യി സം​സ്ഥാ​ന​ത്ത് മ​ഴ ക​ന​ക്കു​ന്നു. ഇ​ന്ന് തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട, കോ​ട്ട​യം, ഇ​ടു​ക്കി, എ​റ​ണാ​കു​ളം ജി​ല്ല​ക​ളി​ൽ യെ​ല്ലോ അ​ല​ർ​ട്ടാ​ണ്.

വ്യാ​ഴാ​ഴ്ച തി​രു​വ​ന​ന്ത​പു​രം മു​ത​ൽ തൃ​ശൂ​ർ വ​രെ​യു​ള്ള ജി​ല്ല​ക​ളി​ൽ യെ​ല്ലോ അ​ലേ​ർ​ട്ട് പ്ര​ഖ്യാ​പി​ച്ചു. തു​ലാ​വ​ർ​ഷ​ത്തി​നു​ള്ള അ​ന്ത​രീ​ക്ഷ ഘ​ട​ക​ങ്ങ​ൾ അ​നു​കൂ​ല​മാ​യ​തി​നാ​ൽ ഇ​ടി​യോ​ടു കൂ​ടി​യ മ​ഴ​യ്ക്ക് സാ​ധ്യ​ത​യു​ണ്ടെ​ന്ന് കാ​ലാ​വ​സ്ഥാ നി​രീ​ക്ഷ​ണ കേ​ന്ദ്രം അ​റി​യി​ച്ചു.

ഇ​ന്ന് കേ​ര​ള ല​ക്ഷ​ദ്വീ​പ് തീ​ര​ങ്ങ​ളി​ൽ മ​ത്സ്യ​ബ​ന്ധ​ന​ത്തി​ന് വി​ല​ക്കേ​ർ​പ്പെ​ടു​ത്തി​യി​ട്ടു​ണ്ട്. കേ​ര​ള​ത്തി​ൽ ഇ​ക്കു​റി തു​ലാ​വ‍​ർ​ഷം തു​ട​ക്ക​ത്തി​ൽ ത​ന്നെ ക​ന​ക്കാ​നാ​ണ് സാ​ധ്യ​ത.

ഡോക്ടറെ വെട്ടി പരിക്കേൽപ്പിച്ച സംഭവത്തിൽ സംസ്ഥാന വ്യാപക പ്രതിഷേധത്തിന് ഡോക്ടര്‍മാരുടെ സംഘടനകള്‍. കെജിഎംഒഎ ഇന്ന് പ്രതിഷേധ ദിനം ആചരിക്കും. കോഴിക്കോട് ജില്ലയിൽ ഡോക്ടര്‍മാര്‍ പണി മുടക്കും. മറ്റ് ജില്ലകളില്‍ ഒപി സേവനങ്ങളെ ബാധിക്കാത്ത രീതിയിലാണ് പ്രതിഷേധം. ഐഎംഎയും ഇന്ന് വിവിധ ജില്ലകളില്‍ പ്രതിഷേധ യോഗങ്ങള്‍ സംഘടിപ്പിക്കും. താമരശ്ശേരി താലൂക്ക് ആശുപത്രിയിൽ ഡോക്ടർ വിപിൻ്റെ തലക്കാണ് വെട്ടേറ്റത്. താമരശ്ശേരിയിൽ അമീബിക് മസ്തിഷ്ക ജ്വരം പിടിപെട്ട് മരിച്ച ഒൻപത് വയസ്സുകാരിയുടെ പിതാവ് സനൂപാണ് ഡോക്ടറെ വെട്ടിയത്. കുടുംബത്തിന് നീതി ലഭിച്ചില്ലെന്ന് ഇയാൾ ആരോപിച്ചിരുന്നു.മകളെ കൊന്നില്ലേ എന്ന് ആക്രേശിച്ചായിരുന്നു ആക്രമണം. ഡോക്ടറെ ആക്രമിച്ച സനൂപിനെ പൊലീസ് അറസ്റ്റ് ചെയ്തിട്ടുണ്ട്. രണ്ട് മക്കളുമായാണ് അക്രമി ആശുപത്രിയിലെത്തിയത്. സൂപ്രണ്ടിനെ ലക്ഷ്യംവെച്ചാണ് സനൂപ് എത്തിയത്. കുട്ടികളെ പുറത്ത് നിർത്തിയാണ് സൂപ്രണ്ടിൻ്റെ റൂമിലെത്തിയത്. ആ സമയം സൂപ്രണ്ട് മുറിയിൽ ഉണ്ടായിരുന്നില്ല. പിന്നീട് ഡോക്ടര്‍ വിപിനെ വെട്ടുകയായിരുന്നു. പരിക്കേറ്റ ഡോക്ടറെ കോഴിക്കോട് ബേബി മെമ്മോറിയാൽ ഹോസ്പിറ്റലിലേക്ക് മാറ്റി.

സനൂപിന്‍റെ മകള്‍ മസ്തിഷ്കജ്വരം ബാധിച്ചാണ് മരിച്ചത്. പനി ബാധിച്ച കുട്ടിയുമായി പിതാവ് ആദ്യം എത്തിയത് താമരശ്ശേരി താലൂക്ക് ആശുപത്രിയിലായിരുന്നു. പിന്നീട് അവിടെ വെച്ച് കുട്ടിക്ക് അസുഖം കൂടുകയായിരുന്നു. തുടര്‍ന്ന് കുട്ടിയെ മെഡിക്കല്‍ കോളേജിലേക്ക് റഫര്‍ ചെയ്തു. എന്നാല്‍ മെഡിക്കല്‍ കോളേജില്‍ എത്തുന്നതിന് മുമ്പ് 9 വയസുകാരിയായ അനയ മരിക്കുകയായിരുന്നു. കുഞ്ഞിന്‍റെ മരണകാരണം എന്താണെന്ന് ആശുപത്രി അധികൃതര്‍ വ്യക്തമാക്കിയിട്ടില്ലെന്നും മരണ സര്‍ട്ടിഫിക്കറ്റ് ലഭിച്ചില്ല എന്നുമാണ് സനൂപും കുടുംബവും ആരോപിക്കുന്നത്. ഡോക്ടറുടെ തലയ്ക്ക് ഗുരുതരമയ പരിക്കേറ്റിട്ടുണ്ടെന്നാണ് ആശുപത്രിയിലെ ലാബ് ജീവനക്കാരന്‍ പറയുന്നത്. വളരെ പെട്ടെന്നുള്ള ആക്രമണമായിരുന്നു. എന്‍റെ മകളെ കൊന്നവനല്ലെ എന്ന് ആക്രോശിച്ചായിരുന്നു ഡോക്ടറെ വെട്ടിയതെന്നും ഡോക്ടറുടെ തലയില്‍ ഗുരുതരമായി മുറിവുണ്ട് എന്നും ഇയാൾ പറയുന്നു.

ച​ര​ക്ക്-​സേ​വ​ന നി​കു​തി (ജി​എ​സ്ടി) ഭേ​ദ​ഗ​തി​യി​ലെ പു​തി​യ പ​രി​ഷ്‌​ക​ര​ണം തി​ങ്ക​ളാ​ഴ്ച മു​ത​ല്‍ പ്രാ​ബ​ല്യ​ത്തി​ൽ വ​രു​ന്ന​തോ​ടെ പാ​യ്ക്കു ചെ​യ്ത ഭ​ക്ഷ​ണ സാ​ധ​ന​ങ്ങ​ളി​ല്‍ മി​ക്ക​വ​യ്ക്കും വി​ല കു​റ​യും. കൂ​ടാ​തെ ടൂ​ത്ത് പേ​സ്റ്റ്, സോ​പ്പ്, ഷാ​മ്പു, ഇ​ല​ക്ട്രോ​ണി​ക്‌​സ് ഉ​പ​ക​ര​ണ​ങ്ങ​ള്‍ തു​ട​ങ്ങി സാ​ധാ​ര​ണ​ക്കാ​ര്‍ വാ​ങ്ങു​ന്ന പ​ല ഉ​ത്പ​ന്ന​ങ്ങ​ൾ​ക്കും വി​ല കു​റ​ച്ച് ന​ല്‍​കി​യാ​ല്‍ മ​തി​യാ​കും.

തി​ങ്ക​ളാ​ഴ്ച മു​ത​ല്‍ വി​ല​യി​ലു​ള്ള കു​റ​വ് ഒ​രോ ഉ​ത്പ​ന്ന​ത്തി​ലും പ്ര​ദ​ര്‍​ശി​പ്പി​ക്കും. ഉ​പ​ഭോ​ക്തൃ ഉ​ത്പ​ന്ന​ങ്ങ​ളു​ടെ വി​ല​യി​ലെ മാ​റ്റ​വും മി​ക്ക ക​മ്പ​നി​ക​ളും പ്ര​ഖ്യാ​പി​ച്ചു ക​ഴി​ഞ്ഞു. നേ​ര​ത്തേ വി​ല്‍​പ്പ​ന​യ്‌​ക്കെ​ത്തി​യ ഉ​ത്പ​ന്ന​ങ്ങ​ളി​ല്‍ പ​രി​ഷ്‌​ക​രി​ച്ച വി​ല സ്റ്റി​ക്ക​റാ​യോ സീ​ലാ​യോ പ​തി​ക്ക​ണ​മെ​ന്ന് സ​ര്‍​ക്കാ​ര്‍ നി​ര്‍​ദേ​ശം ന​ല്‍​കി​യി​രു​ന്നെ​ങ്കി​ലും പ്രാ​യോ​ഗി​ക ബു​ദ്ധി​മു​ട്ട് മു​ന്‍​നി​ര്‍​ത്തി ഇ​തി​ല്‍ ചി​ല ഇ​ള​വു​ക​ള്‍ ന​ല്‍​കി​യി​ട്ടു​ണ്ട്.

ഇ​ല​ക്ട്രോ​ണി​ക്‌​സ്, ക​ണ്‍​സ്യൂ​മ​ര്‍ ഉ​ത്പ​ന്ന​ങ്ങ​ളു​ടെ​യും വി​ല​യി​ല്‍ വ​ലി​യ അ​ന്ത​ര​മു​ണ്ടാ​കും. ഉ​യ​ര്‍​ന്ന ജി​എ​സ്ടി ഒ​ഴി​വാ​കു​ന്ന​തി​ലൂ​ടെ സാ​ധാ​ര​ണ​ക്കാ​ര്‍​ക്ക് സാ​മ്പ​ത്തി​ക​മാ​യി വ​ലി​യ ആ​ശ്വാ​സ​മാ​ണ് ഇ​തു​വ​ഴി ല​ഭി​ക്കു​ക. ഇ​ട​ത്ത​രം വാ​ഹ​ന​ങ്ങ​ളു​ടെ ജി​എ​സ്ടി 18 ശ​ത​മാ​ന​മാ​ക്കി​യ​തും നേ​ട്ട​മാ​ണ്. കാ​ര്‍ നി​ര്‍​മാ​ണ ക​മ്പ​നി​ക​ള്‍ ആ​നു​കൂ​ല്യം ഉ​പ​ഭോ​ക്താ​ക്ക​ളി​ലേ​ക്ക് പൂ​ര്‍​ണ​മാ​യി കൈ​മാ​റാ​ന്‍ ത​യാ​റാ​യി ക​ഴി​ഞ്ഞു. പ​ല ക​ന്പ​നി​ക​ളും പു​തു​ക്കി​യ വി​ല​ക​ളും പ്ര​ഖ്യാ​പി​ച്ചു.
നി​കു​തി നി​ര​ക്കു​ക​ള്‍​ക്ക​നു​സ​രി​ച്ച് വ്യാ​പാ​രി​ക​ള്‍ ബി​ല്ലിം​ഗ് സോ​ഫ്റ്റ്‌​വെ​യ​റി​ല്‍ മാ​റ്റം വ​രു​ത്ത​ണം.

കണ്ണൂർ – എല്ലാത്തരം കരൾ രോഗങ്ങൾക്കും സമഗ്രമായ ചികിത്സ നൽകുന്നതിനായി കണ്ണൂർ ബേബി മെമ്മോറിയൽ ഹോസ്പിറ്റൽ അഡ്വാൻസ്ഡ് ലിവർ ക്ലിനിക്ക് ആരംഭിച്ചു. സർജിക്കൽ ഗ്യാസ്‌ട്രോഎൻട്രോളജി സീനിയർ കൺസൾട്ടന്റ് ഡോ. സന്തോഷ് സി. ഗുഡിമണി ഉദ്ഘാടനം ചെയ്ത ഈ ക്ലിനിക്ക് നോർത്ത് മലബാർ മേഖലയിലെ ആരോഗ്യപരിപാലന രംഗത്തെ ഒരു പ്രധാന നാഴികക്കല്ലാണ്.മെഡിക്കൽ അഡ്വൈസർ ഡോ. അബ്ദുൾ നാസർ, മെഡിക്കൽ ഗ്യാസ്‌ട്രോഎൻട്രോളജി കൺസൾട്ടന്റുമാരായ ഡോ. അതുൽ ഹരീന്ദ്രൻ, ഡോ. അബ്ദുൾ മജീദ് എന്നിവരും ചടങ്ങിൽ പങ്കെടുത്തു. അവരുടെ പ്രസംഗങ്ങളിൽ, പ്രത്യേക കരൾ ചികിത്സയുടെ ആവശ്യകതയും നൂതന ചികിത്സാ സൗകര്യങ്ങൾ ലഭ്യമാക്കുന്നതിൽ ക്ലിനിക്കിനുള്ള പ്രതിബദ്ധതയും എടുത്തുപറഞ്ഞു.പുതിയ ക്ലിനിക്കിൽ എല്ലാത്തരം കരൾ രോഗങ്ങൾക്കുമുള്ള ചികിത്സ, സങ്കീർണ്ണമായ കരൾ രോഗങ്ങളുടെ രോഗനിർണ്ണയവും ചികിത്സയും, നൂതനമായ വൈദ്യശാസ്ത്ര, ശസ്ത്രക്രിയ ചികിത്സകൾഏറ്റവും പുതിയ സാങ്കേതികവിദ്യയും വിദഗ്ദ്ധരായ ഒരു കൂട്ടം ഡോക്ടർമാരുടെ സേവനവും, കൂടാതെ രോഗികൾക്ക് പ്രാരംഭ കൺസൾട്ടേഷൻ മുതൽ നൂതന ചികിത്സകൾ വരെ ഒരിടത്ത് ലഭ്യമാക്കുക എന്നതുമാണ് ഞങ്ങളുടെ ലക്ഷ്യം,” എന്ന് ബേബി മെമ്മോറിയൽ ഹോസ്പിറ്റൽ നോർത്ത് കേരള ക്ലസ്റ്റർ സിഇഒ ആയ ശ്രീ. നിരുപ് മുണ്ടയാടൻ പറഞ്ഞു.ഭാവിയിൽ ലിവർ ട്രാൻസ്പ്ലാൻറ് സേവനങ്ങൾ കൂടി ആരംഭിക്കുമെന്നും ആശുപത്രി അധികൃതർ അറിയിച്ചു, ഇത് ക്ലിനിക്കിന്റെ സേവനശേഷി കൂടുതൽ വർദ്ധിപ്പിക്കും.ബേബി മെമ്മോറിയൽ ഹോസ്പിറ്റൽ നോർത്ത് കേരള ക്ലസ്റ്റർ സിഇഒ ആയ ശ്രീ. നിരുപ് മുണ്ടയാടൻ അധ്യക്ഷതയിൽ ചേർന്ന യോഗത്തിൽ സർജിക്കൽ ഗ്യാസ്‌ട്രോഎൻട്രോളജി സീനിയർ കൺസൾട്ടന്റ് ഡോ. സന്തോഷ് സി. ഗുഡിമണി ഉദ്ഘാടനം ചെയ്ത ചടങ്ങിൽ മെഡിക്കൽ അഡ്വൈസർ ഡോ. അബ്ദുൾ നാസർ, മെഡിക്കൽ ഗ്യാസ്‌ട്രോഎൻട്രോളജി കൺസൾട്ടന്റുമാരായ ഡോ. അതുൽ ഹരീന്ദ്രൻ, ഡോ. അബ്ദുൾ മജീദ് സംസാരിച്ചു.