latest news

സംസ്ഥാനത്ത് ഇന്ന് സ്വര്‍ണവില ഉയര്‍ന്നു.തുടര്‍ച്ചയായ രണ്ടാം ദിനമാണ് സ്വര്‍ണവില ഉയരുന്നത്. ഇന്ന് 120 രൂപയാണ് ഒരു പവന്‍ സ്വര്‍ണത്തിന് ഉയര്‍ന്നത്.ഇന്നലെ ഒരു പവന്‍ സ്വര്‍ണത്തിന് 80 രൂപ ഉയര്‍ന്നിരുന്നു.ശനിയാഴ്ചയും സ്വര്‍ണവില ഉയര്‍ന്നിരുന്നു. ഒരു പവന്‍ സ്വര്‍ണത്തിന് 200 രൂപയാണ് അന്ന് ഉയര്‍ന്നത്.ഒരു പവന്‍ സ്വര്‍ണത്തിന്റെ നിലവിലെ വിപണി വില 37,520 രൂപയാണ്.

ഒരു ഗ്രാം 22 കാരറ്റ് സ്വര്‍ണത്തിന്റെ വില ഇന്ന് 15 രൂപ ഉയര്‍ന്നു. ഇന്നലെ 10 രൂപയാണ് വര്‍ദ്ധിച്ചത്. ഒരു ഗ്രാം 22 കാരറ്റ് സ്വര്‍ണത്തിന്റെ ഇന്നത്തെ വിപണി വില 4690 രൂപയാണ്.18 കാരറ്റ് സ്വര്‍ണത്തിന്റെ വിലയും ഉയര്‍ന്നു. ഇന്ന് 10 രൂപയാണ് ഉയര്‍ന്നത്. ഇന്നലെയും 10 രൂപ ഉയര്‍ന്നിരുന്നു. ഒരു ഗ്രാം 18 കാരറ്റ് സ്വര്‍ണത്തിന്റെ നിലവിലെ വിപണി വില 3875 രൂപയാണ്.

സംസ്ഥാനത്ത് ഇന്ന് അതിതീവ്ര മഴയ്ക്ക് സാധ്യതയുണ്ടെന്ന മുന്നറിയിപ്പുമായി കാലാവസ്ഥാ നിരീക്ഷണ കേന്ദ്രം. തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളില്‍ റെഡ് അലേര്‍ട്ട് പ്രഖ്യാപിച്ചു. ആലപ്പുഴ, എറണാകുളം, കോട്ടയം ജില്ലകളില്‍ ഓറഞ്ച് അലേര്‍ട്ടാണ് നല്‍കിയിരിക്കുന്നത്. തൃശൂര്‍ മുതല്‍ കാസര്‍ഗോഡ് വരെയുള്ള ജില്ലകളില്‍ യെല്ലോ അലേര്‍ട്ടും നല്‍കിയിട്ടുണ്ട്.ശക്തമായ കാറ്റിന് സാധ്യതയുള്ളതിനാല്‍ കേരളതീരത്ത് വ്യാഴാഴ്ച വരെ മത്സ്യബന്ധനത്തിന് വിലക്ക് ഏര്‍പ്പെടുത്തി. ഉത്രാട ദിനമായ നാളെ എറണാകുളം മുതല്‍ കണ്ണൂര്‍ വരെയുള്ള എട്ട് ജില്ലകളിലും തിരുവോണ ദിനത്തില്‍ കോഴിക്കോട്, കണ്ണൂര്‍, കാസര്‍ഗോഡ് ജില്ലകളിലും മഴ മുന്നറിയിപ്പ് നല്‍കിയിട്ടുണ്ട്.കനത്ത മഴയുടെ പശ്ചാത്തലത്തില്‍ കൂടുതല്‍ എന്‍ഡിആര്‍എഫ് സംഘം സംസ്ഥാനത്തെത്തും. തിരുവനന്തപുരം, ആലപ്പുഴ, കൊല്ലം, എറണാകുളം, കോഴിക്കോട് ജില്ലകളിലേക്കാണ് സംഘമെത്തുക.

കണിച്ചാര്‍ പഞ്ചായത്തിലെ സെമിനാരി വില്ലയ്ക്ക് സമീപം വീണ്ടും ഉരുള്‍ പൊട്ടല്‍. പുഴയില്‍ ക്രമാതീതമായി വെള്ളം കയറുന്നു. തിങ്കളാഴ്ച്ച വൈകിട്ട് 5.30 ഓടെയാണ് ഉരുള്‍പൊട്ടല്‍ ഉണ്ടായത്. ഉരുള്‍ പൊട്ടലിനെ തുടര്‍ന്ന് കാഞ്ഞിരപ്പുഴയില്‍ ക്രമാതീതമായി വെള്ളം കയറുന്നതിനാല്‍ ജനങ്ങള്‍ ജാഗ്രത പാലിക്കണമെന്ന് പേരാവൂര്‍ പഞ്ചായത്ത് പ്രസിഡന്റ് പി.പി.വേണുഗോപാലന്‍ അറിയിച്ചു.

തൊണ്ടിയില്‍: ഓര്‍മ്മ 1978 അധ്യാപക ദിനാഘോഷം സഹപാഠികളായ അധ്യാപകരെ ആദരിക്കല്‍ പേരാവൂര്‍ സെന്റ് ജോസഫ്സ് ഹൈസ്‌കൂള്‍ ഓഡിറ്റോറിയത്തില്‍ നടന്നു. ബേബി ജോണ്‍ തെങ്ങുംപള്ളി അധ്യക്ഷത വഹിച്ചു. പ്രിന്‍സിപ്പാള്‍ കെ.വി സെബാസ്റ്റ്യന്‍ അധ്യാപകരെ ആദരിച്ചു. വിന്‍സന്റ് കെ.എസ്, രാജന്‍ എം.വി, ജോയി ചാക്കോ, സി രവി എന്നിവര്‍ സംസാരിച്ചു. ബാബു വാച്ചാലി, കെ.എം വേണുഗോപാല്‍, അലോഷ്യസ് ജോസ്, കെ.വി സിദ്ധാര്‍ത്ഥന്‍, സി.വി ഫ്രാന്‍സിസ്, കെ മണികണ്ഠന്‍, ബാബു പൈലി, ബേബി തോമസ് എന്നീ അധ്യാപകരെയാണ് ആദരിച്ചത്.

പേരാവൂര്‍: പഞ്ചായത്ത് സംയോജിത കൃഷി ജനകീയ സമിതിയുടെയും മണത്തണ സര്‍വ്വീസ് സഹകരണ ബാങ്കിന്റെയും സംയുക്താഭിമുഖ്യത്തില്‍ പേരാവൂര്‍ തെരു സാംസ്‌കാരിക നിലയത്തില്‍ വച്ച് പച്ചക്കറി തൈ വിതരണവും പഠനക്ലാസും സംഘടിപ്പിച്ചു. കെ ശശീന്ദ്രന്‍ മാസ്റ്റര്‍ അധ്യക്ഷത വഹിച്ചു. റിട്ട.കൃഷി ഓഫീസര്‍ പി പത്മനാഭന്‍ പഠനക്ലാസ് നയിച്ചു. മണത്തണ സര്‍വ്വീസ് സഹകരണ ബാങ്ക് പ്രസിഡണ്ട് ഷംസുദ്ദീന്‍ പച്ചക്കറി തൈവിതരണം നിര്‍വഹിച്ചു. വി ബാബുമാസ്റ്റര്‍, കെ രവീന്ദ്രന്‍, ബാബു, കെ പ്രഭാകരന്‍ എന്നിവര്‍ സംസാരിച്ചു.

പേരാവൂര്‍: ആധാരം എഴുത്ത് അസോസിയേഷന്‍ പേരാവൂര്‍ യൂണിറ്റും, പേരാവൂര്‍ സബ്ബ് രജിസ്ട്രാര്‍ ഓഫീസ് ജീവനക്കാരും സംയുക്തമായി ഓണാഘോഷം സംഘടിപ്പിച്ചു. അസോസിയേഷന്‍ പ്രസിഡണ്ട് കല്യാടന്‍ സുരേഷ് ബാബുവിന്റെ അധ്യക്ഷതയില്‍ പേരാവൂര്‍ സബ്ബ് രജിസ്ട്രാര്‍ വി.ടി വിനീഷ്, ഹെഡ് ക്ലര്‍ക്ക് രാജീവ് കുമാര്‍,പ്രകാശന്‍, ജബ്ബാര്‍, ഗിരീഷ്,സുമേശന്‍ എന്നിവര്‍ സംസാരിച്ചു. പേരാവൂര്‍ ഗ്രാമ പഞ്ചായത്ത് എട്ടാം വാര്‍ഡിലെ വിപിന്‍ ചികിത്സാ സഹായ ഫണ്ടിലേക്ക് ആധാരം എഴുത്ത് അസോസിയേഷന്‍ സമാഹരിച്ച തുക എട്ടാം വാര്‍ഡ് മെമ്പര്‍ ബാബുവിന് കൈമാറി.

കേളകം: യൂത്ത് ക്ലബ്ബിന്റെ നേതൃത്വത്തില്‍ എന്റെ നാട്ടകം എന്ന പേരില്‍ സംഘടിപ്പിച്ച അര്‍ജുന്‍ മാറോളിയുടെ ചിത്രപ്രദര്‍ശനം സമാപിച്ചു. സമാപന സമ്മേളനം പഞ്ചായത്തംഗം ജോണി പാമ്പാടി ഉദ്ഘാടനം ചെയ്തു. കെ.പി ഷാജി അധ്യക്ഷത വഹിച്ചു. ചിത്രകലയില്‍ നിരവധി ദേശീയ അന്തര്‍ദേശീയ റിക്കാര്‍ഡുകള്‍ നേടിയ അമൃത് ദേവിനെ പഞ്ചായത്തംഗം അഡ്വ. ബിജു ചാക്കോ ആദരിച്ചു .വിദ്യാര്‍ത്ഥികള്‍ക്കായി നടത്തിയ ചിത്രരചന മത്സര വിജയികള്‍ക്കുള്ള സമ്മാന വിതരണം പഞ്ചായത്തംഗം സുനിത രാജു നിര്‍വഹിച്ചു. പി.പി വ്യാസ്ഷ, പി.വി ശിവന്‍, പി.സി ടൈറ്റസ് എന്നിവര്‍ സംസാരിച്ചു.

ചപ്പാരം: 35-ാമത് ചപ്പാരം ഭഗവതി ക്ഷേത്ര നവരാത്രി ആഘോഷകമ്മിറ്റി ഓഫീസ് ഉദ്ഘാടനവും ആദ്യ സമ്മാന കൂപ്പണ്‍ വിതരണവും ടി. വാസുദേവന്‍ നായര്‍ നിര്‍വ്വഹിച്ചു. ആഘോഷകമ്മിറ്റി പ്രസിഡണ്ട് ഗംഗാധരന്‍ കോലംചിറ സമ്മാനക്കൂപ്പണ്‍ ഏറ്റുവാങ്ങി. ജനറല്‍ സെക്രട്ടറി കൂടത്തില്‍ ശ്രീകുമാര്‍, വൈസ് പ്രസിഡണ്ടുമാരായ ബി.കെ മുരളീധരന്‍, പ്രഭാകരന്‍, രക്ഷാധികാരികളായ മുകുന്ദന്‍ മാസ്റ്റര്‍, പഞ്ചായത്ത് മെമ്പര്‍ ബേബി സോജ എന്നിവര്‍ സംബന്ധിച്ചു.

കൊളക്കാട്: അധ്യാപക ദിനത്തോടനുബന്ധിച്ച് കൊളക്കാട് കാപ്പാട് സെന്റ് സെബാസ്റ്റ്യന്‍സ് യു.പി സ്‌കൂളില്‍ പി.ടി.എയുടെ നേതൃത്വത്തില്‍ അധ്യാപകരെ ആദരിച്ചു. പൂര്‍വകാല അധ്യാപിക എല്‍സി ടീച്ചര്‍ മുഖ്യാതിഥി ആയി. വിദ്യാര്‍ത്ഥികളുടെ നേതൃത്വത്തില്‍, ഗുരുവന്ദനം, വിവിധ കലാപരിപാടികള്‍, മധുരപലഹാര വിതരണം എന്നിവ നടന്നു. ഹെഡ്മിസ്ട്രസ് ജാന്‍സി തോമസ്, പി.ടി.എ പ്രസിഡണ്ട് സന്തോഷ് പെരേപ്പാടന്‍, മദര്‍ പി.ടി.എ പ്രസിഡന്റ് ആശ രാജേഷ്, സ്‌കൂള്‍ ലീഡര്‍ കോളിന്‍ ജോഷി, മറ്റ് എക്സിക്യൂട്ടീവ് അംഗങ്ങള്‍ എന്നിവര്‍ സംബന്ധിച്ചു.

ആറളം: ഗ്രാമപഞ്ചായത്ത് കുടുംബശ്രീ സി.ഡി.എസ് ഓണചന്ത എടൂരില്‍ ഗ്രാമപഞ്ചായത്ത് പ്രസിഡണ്ട് കെ.പി രാജേഷ് ഉദ്ഘാടനം ചെയ്തു. സി.ഡി.എസ് ചെയര്‍പേഴ്സണ്‍ സുമ ദിനേശന്‍ അധ്യക്ഷത വഹിച്ചു. വൈസ് പ്രസിഡണ്ട് ജെസി വാഴപ്പള്ളി, മെമ്പര്‍മാരായ വത്സ ജോസ്, മേരിക്കുട്ടി ഇ.പി, ജെസി ഉമ്മികുഴി, മെമ്പര്‍ സെക്രട്ടറി സോമന്‍ പി.വി എന്നിവര്‍ സംസാരിച്ചു. വിഷരഹിത പച്ചക്കറികളും, മായമില്ലാത്ത കുടുംബശ്രീ ഉത്പന്നങ്ങളും ചന്തയില്‍ ലഭ്യമാണ്.