പേരാവൂര്‍: ആധാരം എഴുത്ത് അസോസിയേഷന്‍ പേരാവൂര്‍ യൂണിറ്റും, പേരാവൂര്‍ സബ്ബ് രജിസ്ട്രാര്‍ ഓഫീസ് ജീവനക്കാരും സംയുക്തമായി ഓണാഘോഷം സംഘടിപ്പിച്ചു. അസോസിയേഷന്‍ പ്രസിഡണ്ട് കല്യാടന്‍ സുരേഷ് ബാബുവിന്റെ അധ്യക്ഷതയില്‍ പേരാവൂര്‍ സബ്ബ് രജിസ്ട്രാര്‍ വി.ടി വിനീഷ്, ഹെഡ് ക്ലര്‍ക്ക് രാജീവ് കുമാര്‍,പ്രകാശന്‍, ജബ്ബാര്‍, ഗിരീഷ്,സുമേശന്‍ എന്നിവര്‍ സംസാരിച്ചു. പേരാവൂര്‍ ഗ്രാമ പഞ്ചായത്ത് എട്ടാം വാര്‍ഡിലെ വിപിന്‍ ചികിത്സാ സഹായ ഫണ്ടിലേക്ക് ആധാരം എഴുത്ത് അസോസിയേഷന്‍ സമാഹരിച്ച തുക എട്ടാം വാര്‍ഡ് മെമ്പര്‍ ബാബുവിന് കൈമാറി.
