സംസ്ഥാനത്ത് ഇന്ന് സ്വര്‍ണ വില കുത്തനെ കുറഞ്ഞു. ഒരു പവന്‍ സ്വര്‍ണത്തിന് ഇന്ന് 800 രൂപ കുറഞ്ഞു. കഴിഞ്ഞ ഒരാഴ്ചയായി റെക്കോര്‍ഡ് വിലയിലാണ് സ്വര്‍ണ വ്യാപാരം നടക്കുന്നത്. ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 46,280 രൂപയാണ്. കഴിഞ്ഞ പത്ത് ദിവസംകൊണ്ട് ഒരു പവന്‍ സ്വര്‍ണത്തിന് 1600 രൂപയാണ് ഉയര്‍ന്നത്. ഇന്നലെ 320 രൂപ ഉയര്‍ന്ന് വില സര്‍വകാല റെക്കോര്‍ഡിലെത്തി. വിവാഹ വിപണിയില്‍ ഉപഭോക്താക്കള്‍ വലിയ തിരിച്ചടിയാണ് നേരിടുന്നത്. ഒരു ഗ്രാം 22 കാരറ്റ് സ്വര്‍ണത്തിന്റെ വില ഇന്ന് 100 രൂപ കുറഞ്ഞു. ഒരു ഗ്രാം 22 കാരറ്റ് സ്വര്‍ണത്തിന്റെ വില 5785 രൂപയാണ്. ഒരു ഗ്രാം 18 കാരറ്റ് സ്വര്‍ണത്തിന്റെ വില 90 രൂപ കുറഞ്ഞ് വില 4795 രൂപയുമാണ്. വെള്ളിയുടെ വിലയും ഇടിഞ്ഞു. ഒരു ഗ്രാം സാദാരണ വെള്ളിയുടെ വില രണ്ട് രൂപ കുറഞ്ഞ് വില 82 ലേക്കെത്തി. ഒരു ഗ്രാം ഹാള്‍മാര്‍ക്ക് വെള്ളിയുടെ വിപണി വില 103 രൂപയാണ്.
