പേരാവൂര്‍:വെള്ളിയാഴ്ച വൈകുന്നേരം കുനിത്തല കുറൂഞ്ഞി ഭാഗത്ത് ആള്‍ത്താമസമില്ലാത്ത പുരയിടത്തില്‍ വന്‍തോതില്‍ ചാരായ നിര്‍മ്മാണം നടത്തിയ കുറൂഞ്ഞി സ്വദേശി സുമേഷ് നാല്‍പ്പാടി സ്വദേശി അജേഷ് എന്നിവരാണ് അറസ്റ്റിലായത്.എക്‌സൈസ് കമ്മീഷണറുടെ ഉത്തര മേഖല സ്‌ക്വാഡംഗം പ്രിവന്റീവ് ഓഫീസര്‍ എം പി. സജീവന് ലഭിച്ചരഹസ്യ വിവരത്തെ തുടര്‍ന്ന് നടത്തിയ റെയിഡിലാണ് ചാരായ നിര്‍മ്മാണത്തിനിടെ ഇവര്‍ പിടിയിലായത്.
സംഭവ സ്ഥലത്ത് നിന്നും 75 ലിറ്റര്‍ വാഷും 28 ലിറ്റര്‍ ചാരായവും ഗ്യാസ് സിലിണ്ടറും, സ്റ്റൗവും അടക്കം വാറ്റുപകരണങ്ങളും കണ്ടെടുത്തു.
പ്രിവന്റീവ് ഓഫീസര്‍ എം പി. സജീവന് പ്രിവന്റീവ് ഓഫീസര്‍ എന്‍.പത്മരാജന്‍, ഗ്രേഡ് പ്രിവന്റീവ് ഓഫീസര്‍ ബാബുമോന്‍ ഫ്രാന്‍സിസ്, സിവില്‍ എക്‌സൈസ് ഓഫീസര്‍ സുരേഷ്. സി, വനിത സിവില്‍ എക്‌സൈസ് ഓഫീസര്‍ ഷീജ കാവളാന്‍ എക്‌സൈസ് ഡ്രൈവര്‍ ധനീഷ്.സി എന്നിവര്‍ റെയിഡില്‍ പങ്കെടുത്തു
