കേരളത്തില് വരും ദിവസങ്ങളില് ചൂട് കൂടുമെന്ന് മുന്നറിയിപ്പ്. പാലക്കാട്, കൊല്ലം ജില്ലകള്ക്ക് പുറമേ തൃശ്ശൂര്, മലപ്പുറം, പത്തനംതിട്ട, കണ്ണൂര്, കോഴിക്കോട്, കാസര്കോട് ജില്ലകളിലും വരും ദിവസങ്ങളില് താപനില 40 ഡിഗ്രി സെല്ഷ്യസ് വരെ ഉയരുമെന്നാണ് മുന്നറിയിപ്പ്. കാലാവസ്ഥ വകുപ്പിന്റെ ഓട്ടോമാറ്റിക് വെതര് സ്റ്റേഷനുകളില് പലയിടത്തും താപനില 40 കടന്നതായി രേഖപ്പെടുത്തിയിരുന്നു. ഇത് ഔദ്യോഗിക കണക്കായി സ്വീകരിക്കാറില്ല. വയനാടും ഇടുക്കിയും ഒഴികെയുള്ള സംസ്ഥാനത്തെ പന്ത്രണ്ട് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്.