ഏലപ്പീടിക : ചിന്ത റീഡേഴ്‌സ് ഫോറത്തിന്റെ പേരാവൂര്‍ ഏരിയാതല ഉദ്ഘാടനം ഏലപ്പീടിക അനുഗ്രഹ ആര്‍ട്‌സ് & സ്‌പോര്‍ട്‌സ് ക്ലബ്ബ് വായനശാല & ഗ്രന്ഥാലയത്തില്‍ നടന്നു. സി.പി.ഐ.എം ജില്ലാ കമ്മിറ്റി അംഗം വി.ജി പത്മനാഭന്‍ ഉദ്ഘാടനം ചെയ്തു. ഒ.എ ജെയ്‌മോന്‍ അധ്യക്ഷത വഹിച്ചു. ഇന്ത്യന്‍ സ്വാതന്ത്ര്യ സമരത്തില്‍ കമ്മ്യൂണിസ്റ്റ് പാര്‍ട്ടിയുടെ പങ്ക് എന്ന വിഷയത്തില്‍ സെമിനാറും, ചര്‍ച്ചയും നടന്നു. ജിമ്മി അബ്രാഹം, ഒ.എ ജോബ് എന്നിവര്‍ സംസാരിച്ചു. പി.കെ സജി പ്രസിഡണ്ടും, പി.സി ജിന്‍സ് സെക്രട്ടറിയുമായി ഒന്‍പത് അംഗ ചിന്ത റീഡേഴ്‌സ് ഫോറം കമ്മിറ്റി രൂപികരിച്ചു.
