കേളകം : ഗ്രാമപഞ്ചായത്ത് ഓഫീസില് ചേര്ന്ന കേളകം പഞ്ചായത്ത് വികസന സമിതി യോഗത്തില് പഞ്ചായത്തില് നടപ്പാക്കാന് ലക്ഷ്യമിടുന്ന വികസന പദ്ധതികള് വേഗത്തിലാക്കാന് സമയബന്ധിതമായി നടപടികള് ആസൂത്രണം ചെയ്യാന് തീരുമാനിച്ചു. യോഗത്തില് കേളകം പഞ്ചായത്ത് പ്രസിഡണ്ട് സി.ടി അനീഷ് അധ്യക്ഷത വഹിച്ചു. വികസന സമിതി കണ്വീനര് ജോര്ജ്കുട്ടി കുപ്പക്കാട്ട് പദ്ധതി വിശദീകരണം നടത്തി. വൈസ് പ്രസിഡണ്ട് തങ്കമ്മ മേലെക്കൂറ്റ്, എസ്.ടി രാജേന്ദ്രന്, എം.രമണന്, എം.വി മാത്യു മനക്കല്, കെ.എം അബ്ദുല് അസീസ്, പൈലി വാത്യാട്ട്, കെ.പി ഷാജി, പഞ്ചായത്ത് മെമ്പര്മാരായ ടോമി, ജോര്ജ്കുട്ടി വാളുവെട്ടിക്കല് തുടങ്ങിയവര് സംസാരിച്ചു.