സംസ്ഥാനത്ത് ശക്തമായ മഴ തുടരാന് സാധ്യത. വടക്കന് കേരളത്തില് ഒറ്റപ്പെട്ട അതിശക്തമായ മഴയ്ക്ക് സാധ്യത. മലപ്പുറം, കോഴിക്കോട്, വയനാട് ,കണ്ണൂര് ,കാസര്ഗോഡ് ജില്ലകളില് ഓറഞ്ച് അലേര്ട്ട് പ്രഖ്യാപിച്ചു. എറണാകുളം, ഇടുക്കി ,തൃശ്ശൂര് ,പാലക്കാട് ജില്ലകളില് യെല്ലോ അലേര്ട്ടും പ്രഖ്യാപിച്ചു.
തമിഴ്നാടിനും കേരളത്തിനും ഇടയില് രൂപംകൊണ്ട ചക്രവാതച്ചുഴിയാണ് മഴ ശക്തമാകാന് കാരണം. തെക്കന് കേരളത്തിനു മുകളിലായി ചക്രവാതച്ചുഴിയും ബംഗാള് ഉള്ക്കടലിന് മുകളില് തമിഴ്നാട് തീരത്തിനു സമീപം ഉയര്ന്ന തോതില് ചക്രവാതച്ചുഴിയും സ്ഥിതി ചെയ്യുന്നുണ്ട്.
മഴക്കൊപ്പം 60 കിലോമീറ്റര് വേഗതയില് കാറ്റ് വീശാനും സാധ്യതയുണ്ട്. മലയോര മേഖലയിലും തീരപ്രദേശത്തും ജാഗ്രത നിര്ദേശം നല്കിയിട്ടുണ്ട്. ഉയര്ന്ന തിരമാലക്കും കടലാക്രമണത്തിനും സാധ്യതയുള്ളതിനാല് ഏഴു വരെ കേരള തീരത്ത് മത്സ്യബന്ധനത്തിന് വിലക്കേര്പ്പെടുത്തിയിട്ടുണ്ട്.
