ഓണാഘോഷ ദിനത്തില് വിദ്യാര്ഥികള്ക്ക് ആഗ്രഹപ്രകാരം ഇഷ്ടമുള്ള വസ്ത്രങ്ങള് ധരിച്ച് സ്കൂളിലെത്താന് അനുമതി. വരുന്ന ആഗസ്റ്റ് 21-ന് നടക്കുന്ന സ്കൂളുകളിലെ ഓണാഘോഷത്തോടനുബന്ധിച്ച് കുട്ടികള്ക്ക് യൂണിഫോം ഇളവ് നല്കാന് നിര്ദ്ദേശം നല്കിയിട്ടുണ്ട്. ഓണാഘോഷ വേളകളില് യൂണിഫോമിന് പകരം വിദ്യാര്ഥികള്ക്ക് അവരുടെ താത്പര്യപ്രകാരമുള്ള വസ്ത്രങ്ങള് ധരിച്ച് ആഘോഷങ്ങളുടെ ഭാഗമാകാം. ഇത് സംബന്ധിച്ച് ആവശ്യമായ നിര്ദ്ദേശങ്ങള് പുറപ്പെടുവിക്കാന് പൊതുവിദ്യാഭ്യാസ ഡയറക്ടറെ ചുമതലപ്പെടുത്തിയിട്ടുണ്ട്.
