hivision

പേരാവൂര്‍ സെന്റ് ജോണ്‍സ് യു പി സ്‌കൂളില്‍ സ്വാതന്ത്ര്യ ദിനത്തോടനുബന്ധിച്ച് വിവിധ പരിപാടികള്‍ സംഘടിപ്പിച്ചു. തൊണ്ടിയില്‍ ടൗണില്‍ റാലി നടത്തി. വാര്‍ഡ് അംഗം രാജു, പ്രധാനാധ്യാപിക സൂസമ്മ എന്‍.എസ്, സ്‌കൂള്‍ മാനേജര്‍ ആര്‍ച്ച് പ്രീസ്റ്റ് ഡോ. തോമസ് കൊച്ചുകരോട്ട്, ഷിജോ മാസ്റ്റര്‍, പി.ടി.എ പ്രസിഡന്റ് തങ്കച്ചന്‍ കോക്കാട്ട്, മദര്‍ പി.ടി.എ പ്രസിഡന്റ് ബിന്ദു എന്നിവര്‍ നേതൃത്വം നല്‍കി.

പേരാവൂര്‍ എം.പി യു.പി സ്‌കൂളില്‍ സ്വാതന്ത്ര്യ ദിനാഘോഷത്തോടനുബന്ധിച്ച് പേരാവൂര്‍ ടൗണിലേക്ക് റാലി നടത്തി. പ്രധാനാധ്യാപിക യു.വി സജിത, അധ്യാപകരായ മെഹബൂബ്, പ്രവീണ, ജോബിഷ എന്നിവര്‍ നേതൃത്വം നല്‍കി.

മുരിങ്ങോടി ശ്രീ ജനാര്‍ദ്ദന എല്‍.പി സ്‌കൂളില്‍ സ്വാതന്ത്ര്യ ദിനം ആഘോഷിച്ചു. ഹെഡ്മാസ്റ്റര്‍ സിമി മോഹനന്‍ പതാക ഉയര്‍ത്തി.കെ അനന്തന്‍ മാസ്റ്റര്‍, ശ്രീജ രാജീവ്, ഷീജ ദാസ്, പിടിഎ പ്രസിഡണ്ട് ജിതേഷ് ആക്കല്‍, മദര്‍ പിടിഎ പ്രസിഡണ്ട സഫീന തുടങ്ങിയവര്‍ സംസാരിച്ചു. തുടര്‍ന്ന് സ്വാതന്ത്ര്യ ദിന റാലി, കുട്ടികളുടെ വിവിധ കലാപരിപാടികളും നടന്നു.

പുത്തലം എല്‍.പി സ്‌കൂളില്‍ നടന്ന സ്വാതന്ത്ര്യദിനാഘോഷ ചടങ്ങില്‍ പ്രധാന അധ്യാപിക ബിന്ദു പതാക ഉയര്‍ത്തി. സ്‌കൂള്‍ മാനേജര്‍ ഇസ്മായില്‍ മാസ്റ്റര്‍, അബ്ദുല്‍ റൗഫ് ഫൈസി, കെ.പി ഷക്കീര്‍, പി.ടി.എ പ്രസിഡണ്ട് പി.കെ റഹീസ്, പ്രദീപന്‍ മാസ്റ്റര്‍ തുടങ്ങിയവര്‍ സംബന്ധിച്ചു. തുടര്‍ന്ന് കുട്ടികളുടെ വിവിധ കലാപരിപാടികളും മധുര പലഹാര വിതരണവും നടന്നു.

കൊളക്കാട് സാന്തോം ഹയര്‍സെക്കന്‍ഡറി സ്‌കൂള്‍ എന്‍.എസ്.എസ് യൂണിറ്റിന്റെ നേതൃത്വത്തില്‍ നടന്ന സ്വാതന്ത്ര്യദിനാഘോഷ പരിപാടി സ്‌കൂള്‍ മാനേജര്‍ ഫാ. പോള്‍ വള്ളോപ്പള്ളി ഉദ്ഘാടനം ചെയ്തു. പ്രിന്‍സിപ്പാള്‍ ഡോ. എം.സി റോസ അധ്യക്ഷത വഹിച്ചു. പ്രൊഫ. ഡോ. ജോണ്‍ ജോസഫ് മുഖ്യ പ്രഭാഷണം നടത്തി. ലാലി ജോസഫ്, പി.ടി അനൂപ് തുടങ്ങിയവര്‍ സംബന്ധിച്ചു.

സ്വാതന്ത്ര്യ ദിനത്തിന്റെ ഭാഗമായി കോളയാട് പഞ്ചായത്ത് 85-ാം നമ്പര്‍ ഈരായിക്കൊല്ലി അംഗനവാടിയില്‍ സ്വാതന്ത്രിനം ആഘോഷിച്ചു. അംഗനവാടി വര്‍ക്കര്‍ രാഗിണി പതാക ഉയര്‍ത്തി.മുന്‍ പഞ്ചായത്ത് പ്രസിഡന്റ് കെ.പി സുരേഷ്, കുഞ്ഞനന്തന്‍, വെല്‍ഫയര്‍ കമ്മറ്റി അംഗം രാജന്‍ എന്നിവര്‍ സംസാരിച്ചു.തുടര്‍ന്ന് കുട്ടികളുടെ വിവിധ പരിപാടികളും നടന്നു.

താറ്റിയാട് അങ്കണവാടിയില്‍ സ്വാതന്ത്ര്യ ദിനത്തിന്റെ എഴുപത്തഞ്ചാം വാര്‍ഷികം ആഘോഷിച്ചു. വാര്‍ഡ് മെമ്പര്‍ ശ്രീകല സത്യന്‍ ഉദ്ഘാടനം ചെയ്തു. വൈസ് ചെയര്‍മാന്‍ പി ദാമോധരന്‍ അധ്യക്ഷത വഹിച്ചു. പേരാവൂര്‍ ഐ സി ഡി എസ് ശിശു വികസന പദ്ധതി ഓഫീസര്‍ ഷേര്‍ളി പി കെ സ്വാതന്ത്ര്യ ദിന സന്ദേശം നല്‍കി. കാര്യാടന്‍ രാഘവന്‍ മാസ്റ്റര്‍, കെ പവിത്രന്‍, എം മോഹനന്‍, ഷീബ ബാബു, ജയന്തി ദാമോധരന്‍, സംഗീത സുഖേഷ്, അങ്കണവാടി വര്‍ക്കര്‍ ശ്രീജ കെ.എം, പത്മിനി കെ തുടങ്ങിയവര്‍ സംസാരിച്ചു.
പേരാവൂര്‍ പഞ്ചായത്ത് തെരു 101-ാം നമ്പര്‍ അംഗനവാടിയില്‍ സ്വാതന്ത്ര്യദിനം ആഘോഷത്തിന്റെ ഭാഗമായി റാലി നടത്തി. അംഗനവാടി വര്‍ക്കര്‍ ഏലിയാമ്മ കെ.പി നേതൃത്വം നല്‍കി. പേരാവൂര്‍ ഗ്രാമപഞ്ചായത്തില്‍ 115-ാം നമ്പര്‍ മുരിങ്ങോടി അംഗന്‍വാടിയില്‍ നടന്ന സ്വാതന്ത്ര്യ ദിനഘോഷ പരിപാടിയില്‍ വാര്‍ഡ് മെമ്പര്‍ വി.എം രഞ്ജുഷ പതാക ഉയര്‍ത്തി. പേരാവൂര്‍ ഗ്രാമപഞ്ചായത്തില്‍ 115-ാം നമ്പര്‍ മുരിങ്ങോടി അംഗന്‍വാടിയില്‍ നടന സ്വാതന്ത്ര്യ ദിന ഘോഷ പരിപാടിയില്‍ വാര്‍ഡ് മെമ്പര്‍ വി.എം രഞ്ജുഷ പതാക ഉയര്‍ത്തി.

കണിച്ചാര്‍: മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ സ്വാതന്ത്ര്യദിനാഘോഷത്തിന്റെ ഭാഗമായി കണിച്ചാര്‍ ടൗണില്‍ പതാക ഉയര്‍ത്തി. കോണ്‍ഗ്രസ് കണിച്ചാര്‍ മണ്ഡലം പ്രസിഡണ്ട് ചാക്കോ തൈക്കുന്നേല്‍, വൈസ് പ്രസിഡണ്ട് സജീവന്‍ പലപ്പിള്ളില്‍, മത്തായി മൂലെച്ചാലില്‍, പി.ടി മനു, ജിമ്മി തോട്ടത്തില്‍, ജോസ് നരിമറ്റം തുടങ്ങിയവര്‍ നേതൃത്വം നല്‍കി.

നെല്ലിക്കുന്ന്: ഓടിട്ട വീടിന്റെ മേല്‍ക്കൂര തകര്‍ന്നു. നെല്ലിക്കുന്ന് സ്വദേശി വള്ളോക്കരി സേവിച്ചന്റെ വീടിന്റെ മേല്‍ക്കൂരയാണ് തിങ്കളാഴ്ച പുലര്‍ച്ചെ രണ്ടു മണിയോടെ തകര്‍ന്നു വീണത്. ഈ സമയം സേവിച്ചനും ഭാര്യ ബീനയും മാതാവ് ഏലിക്കുട്ടിയും വീട്ടിലുണ്ടായിരുന്നെങ്കിലും ചെറിയ ശബ്ദം കേട്ടതോടെ വീടിനു പുറത്തിറങ്ങിയതിനാല്‍ വന്‍ ദുരന്തം ഒഴിവാകുകയായിരുന്നു. വില്ലേജ് അധികൃതരും പഞ്ചായത്തധികൃതരും സ്ഥലം സന്ദര്‍ശിച്ചു.

സംസ്ഥാനത്ത് വിപുലമായ രീതിയില്‍ സ്വാതന്ത്ര്യദിനം ആഘോഷിച്ചു. തിരുവനന്തപുരം സെന്‍ട്രല്‍ സ്റ്റേഡിയത്തില്‍ മുഖ്യമന്ത്രി പിണറായി വിജയന്‍ ദേശീയപാതക ഉയര്‍ത്തി. സ്വാതന്ത്ര്യദിന പ്രസംഗത്തില്‍ മുഖ്യമന്ത്രി കിഫ്ബിയുടെ പ്രധാന്യം എടുത്തു പറഞ്ഞത് ശ്രദ്ധേയമായി. സംസ്ഥാന വികസനത്തിന് ആവശ്യമായ സമ്പത്ത് ലഭ്യമാക്കണം. തദ്ദേശ സ്ഥാപനങ്ങളെ പ്രാദേശിക സര്‍ക്കാരാക്കി വികസനവും സമത്വവും ഉറപ്പാക്കാനാണ് ശ്രമം. അതീവ ദാരിദ്ര്യവും ഭവനരാഹിത്യവും ഇല്ലാതാക്കാനാണ് സംസ്ഥാന സര്‍ക്കാര്‍ മുന്‍തൂക്കം നല്‍കുന്നത്. പശ്ചാത്തല സൗകര്യവികസനം എല്ലാ വികസനത്തിനും അടിസ്ഥാനമെന്ന നിലയിലാണ് കിഫ്ബി പദ്ധതികള്‍ നടപ്പാക്കുന്നതന്ന് – സ്വാതന്ത്ര്യദിന പ്രസംഗത്തില്‍ മുഖ്യമന്ത്രി ചൂണ്ടിക്കാട്ടി. രാജ്യത്ത് ഫെഡറല്‍ തത്ത്വങ്ങള്‍ പുലരണമെന്നും രാജ്യത്തിന്റെ നിലനില്‍പ്പിനുള്ള അടിസ്ഥാന ഘടക ഫെഡറലിസമാണെന്നും മുഖ്യമന്ത്രി പറഞ്ഞു. മതനിരപേക്ഷതയാണ് രാജ്യത്തിന്റെ അടയാളം. ശക്തമായ കേന്ദ്രവും സംതൃപ്തമായ സംസ്ഥാനങ്ങളും ആണ് ഫെഡറലിസത്ത്ന്റെ കരുത്ത്. അടിസ്ഥാന യാഥാര്‍ത്ഥ്യം മറന്നുള്ള നിലപാട് സ്വാതന്ത്ര്യ സമര സേനാനികളുടെ സ്വപ്നങ്ങള്‍ കെടുത്തുന്നതാണ്. മതനിരപേക്ഷതക്ക് നേരെ കയ്യറ്റം നടക്കുന്ന നിലയാണുള്ളതെന്നും മുഖ്യമന്ത്രി പറഞ്ഞു.

ഓടംതോട്: സ്വാതന്ത്രത്തിന്റെ 75-ാം വാര്‍ഷികാഘോഷത്തിന്റെ ഭാഗമായി ഓടംതോട് സി.യു.സി കോണ്‍ഗ്രസ് യൂണിറ്റ് കമ്മിറ്റിയുടെ നേതൃത്വത്തില്‍ ഓടംതോട് വെച്ച് പ്രതിഭാ സംഗമവും സ്വാതന്ത്ര്യ ദിനാഘോഷവും സംഘടിപ്പിച്ചു. അഡ്വ. സണ്ണി ജോസഫ് എം.എല്‍.എ ഉദ്ഘാടനം ചെയ്തു. സി.ജെ മാത്യു അധ്യക്ഷത വഹിച്ചു. എല്‍സമ്മ മാത്യു, ബിനു സെബാസ്റ്റ്യന്‍ എന്നിവര്‍ സംസാരിച്ചു. തുടര്‍ന്ന് ഉന്നത വിജയം നേടിയ വിദ്യാര്‍ത്ഥികളെ അനുമോദിച്ചു.

തെറ്റുവഴി: യൂത്ത് കോണ്‍ഗ്രസ് മുഴക്കുന്ന് മണ്ഡലം കമ്മിറ്റിയുടെ ആഭിമുഖ്യത്തില്‍ തെറ്റുവഴി കൃപ ചാരിറ്റബിള്‍ ട്രസ്റ്റില്‍ അന്നദാനമൊരുക്കി. പൊതിച്ചോറ് വിതരണോദ്ഘാടനം നിയോജക മണ്ഡലം പ്രസിഡണ്ട് സോനു വല്ലത്തുകാരന്‍ നിര്‍വഹിച്ചു. സജീദ്, അമല്‍ ബാബുരാജ്, അഖില്‍ പി.കെ, നിസാര്‍ വിളക്കോട്, ഷിന്‍സ്, റോഷ്‌നി, കോണ്‍ഗ്രസ് നേതാക്കളായ പി.പി മുസ്തഫ, കെ.പി നമേഷ്, രാധാകൃഷ്ണന്‍, സഫീറ ഹസ്സന്‍, ദീപ ഗിരീഷ് എന്നിവര്‍ പങ്കെടുത്തു.

ആറളം: സി.പി.ഐ ഇരുപത്തിനാലാം പാര്‍ട്ടി കോണ്‍ഗ്രസിന്റെ ഭാഗമായി ആറളം ഫാം എഴാം ബ്ലോക്കില്‍ ആദിവാസി സംഗമവും, ബഫര്‍സോണ്‍ വിഷയത്തില്‍ ജനങ്ങളുടെ ആശങ്ക അകറ്റുക എന്ന വിഷയത്തില്‍ സെമിനാറും സംഘടിപ്പിച്ചു. സെമിനാര്‍ അഡ്വ. പി. സന്തോഷ് കുമാര്‍ എം.പി ഉദ്ഘാടനം ചെയ്തു. പായം ബാബുരാജ് അധ്യക്ഷത വഹിച്ചു. എം.കെ ശശി, കെ.ടി ജോസ്, കെ.പി കുഞ്ഞികൃഷ്ണന്‍, എ.കെ ഷീജന്‍ എന്നിവര്‍ സംസാരിച്ചു.

കേളകം : ശാന്തിഗിരിയില്‍ സ്വകാര്യ വ്യക്തിയുടെ കൃഷിയിടത്തില്‍ ഗര്‍ത്തം കണ്ടെത്തി. ശാന്തിഗിരി സ്വദേശി ഇമ്പിക്കാട്ട് സജിയുടെ കൃഷിയിടത്തിലാണ് വലിയ ഗര്‍ത്തം കണ്ടെത്തിയത്. മൂന്ന് മീറ്റര്‍ താഴ്ചയും നാല് മീറ്റര്‍ വ്യാസവുമുള്ള ഗര്‍ത്തമാണ് കണ്ടെത്തിയത്. ഭൂമിക്ക് വിള്ളല്‍ സംഭവിച്ച സ്ഥലങ്ങള്‍ക്ക് സമീപത്തായാണ് ഗര്‍ത്തം കണ്ടെത്തിയത്. സ്ഥലം കേളകം പഞ്ചായത്ത് പ്രസിഡണ്ട് സി.ടി അനീഷ്, സ്ഥിരം സമിതി അധ്യക്ഷന്‍ സജീവന്‍ പാലുമ്മി എന്നിവര്‍ സന്ദര്‍ശിച്ചു.

കൊട്ടിയൂര്‍ : എസ്.എന്‍.ഡി.പി ശാഖായോഗം വാര്‍ഷിക പൊതുയോഗവും എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നത വിജയം നേടിയവരെ അനുമോദിക്കലും കൊട്ടിയൂര്‍ ശ്രീ നാരായണ എല്‍.പി സ്‌കൂള്‍ ഹാളില്‍ നടന്നു. എസ്.എന്‍.ഡി.പി യോഗം ഇരിട്ടി യൂണിയന്‍ പ്രസിഡണ്ട് കെ.വി അജി ഉദ്ഘാടനം ചെയ്തു. യൂണിയന്‍ സെക്രട്ടറി പി.എന്‍ ബാബു അധ്യക്ഷത വഹിച്ചു. സി.കെ വിനോദ് അനുശോചന പ്രമേയം അവതരിപ്പിച്ചു. കെ.കെ ധനേന്ദ്രന്‍, പി.തങ്കപ്പന്‍, കെ.പി വിദ്യാനന്ദന്‍, ശ്രീജേഷ്, പ്രസാദ്, മിനി, പ്രേമന്‍ എന്നിവര്‍ സംസാരിച്ചു. തുടര്‍ന്ന് വിദ്യാര്‍ത്ഥികളെ അനുമോദിച്ചു.