സംസ്ഥാന സര്‍ക്കാരിന്റെ ഔദ്യോഗിക വെബ്സൈറ്റ് ഹാക്ക് ചെയ്തു. പൊതുഭരണ വകുപ്പിന്റെ വെബ്സൈറ്റാണ് ഹാക്ക് ചെയ്യപ്പെട്ടത്. പാകിസ്താന് അനുകൂല മുദ്രാവാക്യം വെബ്സൈറ്റില്‍ പ്രസിദ്ധീകരിച്ചിട്ടുണ്ട്. ടീം ബ്ളാക്ക്ലീറ്റ്സ് ആണ് ഹാക്ക് ചെയ്തതെന്നും പബ്ലിഷ് ചെയ്തു
പൊതുഭരണവകുപ്പുമായി ബന്ധപ്പെട്ട കാര്യങ്ങള്‍ പ്രസിദ്ധീകരിക്കുന്ന വെബ്സൈറ്റാണിതെന്നാണ് വിവരം. വെബ്സൈറ്റ് തിരിച്ചെടുക്കാനുള്ള നീക്കം ആരംഭിച്ചു.
കെഎസ്ആര്‍ടിസിക്ക് പുതിയ ബസുകള്‍ വാങ്ങുന്നതിനായി എംഎല്‍എമാരുടെ ആസ്തി വികസന ഫണ്ട് ഉപയോഗിക്കാന്‍ അനുമതി നല്‍കി സംസ്ഥാന സര്‍ക്കാര്‍ ഉത്തരവിറക്കി. പൊതുഗതാഗത സൗകര്യം കൂടുതല്‍ മെച്ചപ്പെടുത്തുന്നതിന്റെ ഭാഗമായാണ് സര്‍ക്കാരിന്റെ ഈ സുപ്രധാന തീരുമാനം. ഉത്തരവ് അനുസരിച്ച് ഒരു നിയമസഭാ മണ്ഡലത്തില്‍ പരമാവധി മൂന്ന് ബസുകള്‍ വരെ എംഎല്‍എ ഫണ്ട് ഉപയോഗിച്ച് വാങ്ങാന്‍ അനുവാദമുണ്ട്.
ഈ ബസുകള്‍ അനുവദിക്കുന്ന മണ്ഡലങ്ങളിലെ യാത്രക്കാരുടെ യാത്രാവശ്യങ്ങള്‍ക്കായിരിക്കും സര്‍വീസുകളില്‍ ആദ്യ മുന്‍ഗണന നല്‍കുക. വാങ്ങാന്‍ ഉദ്ദേശിക്കുന്ന ബസുകളുടെ ഇരിപ്പിട ശേഷി, ബോഡി തരം, ഇന്ധന വിഭാഗം എന്നിവ കെഎസ്ആര്‍ടിസി ചെയര്‍മാന്‍ ആന്‍ഡ് മാനേജിങ് ഡയറക്ടറുമായി (സിഎംഡി) ആലോചിച്ചായിരിക്കും എംഎല്‍എമാര്‍ അന്തിമമായി തീരുമാനിക്കുക.
എംഎല്‍എമാരില്‍ നിന്ന് ഫണ്ട് ഉറപ്പാക്കുന്നതിനുള്ള നടപടികളും വേഗത്തിലാക്കിയിട്ടുണ്ട്. നികുതികളും രജിസ്‌ട്രേഷന്‍ ചാര്‍ജുകളും ഉള്‍പ്പെടെ ഒരു ബസിന് വരുന്ന ആകെ ചെലവ് വ്യക്തമാക്കുന്ന പട്ടിക സെപ്റ്റംബര്‍ 30-നകം കെഎസ്ആര്‍ടിസി സിഎംഡി ജനപ്രതിനിധികള്‍ക്ക് കൈമാറണം. തുടര്‍ന്ന്, ബസുകള്‍ വാങ്ങുന്നതിനായി തങ്ങളുടെ വിഹിതം അനുവദിച്ച് കൊണ്ടുള്ള നിര്‍ദേശം ഒക്ടോബര്‍ 15-നകം എംഎല്‍എമാര്‍ ബന്ധപ്പെട്ട ജില്ലാ കളക്ടര്‍മാര്‍ക്ക് സമര്‍പ്പിക്കണമെന്നും ഉത്തരവില്‍ വ്യക്തമാക്കുന്നു.
സംസ്ഥാനത്തെ 38 തദ്ദേശ സ്വയംഭരണ വാര്‍ഡുകളിലേക്കുള്ള ഉപതിരഞ്ഞെടുപ്പ് നാളെ. രാവിലെ ഏഴുമുതല്‍ വൈകിട്ട് ആറുമണിവരെയാണ് വോട്ടെടുപ്പ്. നിയമസഭാംഗമായതിനാല്‍ വാര്‍ഡ് മെമ്പര്‍ സ്ഥാനം രാജിവച്ചതിനെ തുടര്‍ന്നാണ് ചില സ്ഥലങ്ങളില്‍ ഉപതെരഞ്ഞെടുപ്പ് നടക്കുന്നത്. കൊല്ലം, ആലപ്പുഴ ഒഴികെ 12 ജില്ലകളിലെ തദ്ദേശ സ്വയംഭരണ വാര്‍ഡുകളിലായി 126 സ്ഥാനാര്‍ഥികള്‍ ജനവിധി തേടുന്നുണ്ട്.
സംസ്ഥാനത്തെ 38 തദ്ദേശ സ്വയംഭരണ വാര്‍ഡുകളിലേക്കുള്ള ഉപതിരഞ്ഞെടുപ്പ് നാളെ Read More »
ഇന്ന് ലോക വിനോദസഞ്ചാര ദിനം. ടൂറിസത്തിന്റെ പുനര്‍രൂപകല്‍പ്പനയ്ക്ക് ഡിജിറ്റല്‍ അജണ്ടയും ആര്‍ട്ടിഫിഷ്യല്‍ ഇന്റലിജന്‍സും എന്നതാണ് ഈ വര്‍ഷത്തെ പ്രമേയം. യുണൈറ്റഡ് നേഷന്‍സ് വേള്‍ഡ് ടൂറിസം ഓര്‍ഗനൈസേഷന്റെ ആഹ്വാനപ്രകാരം 1980 മുതലാണ് ഈ ദിനം ആചരിക്കുന്നത്. ഓരോ യാത്രയും പുതിയ അറിവുകളും സൗഹൃദങ്ങളുമാണ് നമ്മള്‍ക്ക് സമ്മാനിക്കുന്നത്. വിനോദസഞ്ചാരത്തെ കേവലം ഉല്ലാസയാത്ര എന്നതിലുപരിയായി സാമ്പത്തിക വളര്‍ച്ചയും സാംസ്‌കാരിക വിനിമയവും ഉറപ്പാക്കുന്ന ശക്തിയായാണ് ഇന്ന് ലോകം കാണുന്നു.
152 കോടി രാജ്യാന്തര വിനോദസഞ്ചാരികളാണ് കഴിഞ്ഞ വര്‍ഷം ലോകത്തെ വിവിധ രാജ്യങ്ങള്‍ സന്ദര്‍ശിച്ചത്. ഇക്കൂട്ടത്തില്‍ ലോകത്ത് ഏറ്റവുമധികം വിനോദസഞ്ചാരികളെത്തിയ രാജ്യം ഫ്രാന്‍സാണ്-മൊത്തം 10.2 കോടി പേര്‍. തൊട്ടുപിന്നില്‍ സ്‌പെയിനും അമേരിക്കയുമാണുള്ളത്. ലോക സാമ്പത്തിക ഫോറത്തിന്റെ ട്രാവല്‍ ആന്റ് ടൂറിസം ഡവലപ്‌മെന്റ് ഇന്‍ഡെക്‌സിന്റെ റിപ്പോര്‍ട്ട് പ്രകാരം 119 രാജ്യങ്ങളില്‍ 39-ാം സ്ഥാനത്താണ് ഇന്ത്യ.
ഇന്ന് ലോക വിനോദസഞ്ചാര ദിനം Read More »
പ്ലസ് ടു വിദ്യാര്‍ഥിനിയെ കെഎസ്ആര്‍ടിസി കണ്ടക്ടര്‍ ടിക്കറ്റ് നല്‍കാതെ അവഹേളിച്ചെന്ന് പരാതി. ഗുരുവായൂര്‍ എറണാകുളം റൂട്ടില്‍ ഓടുന്ന ബസിലെ കണ്ടക്ടര്‍ക്കെതിരെ പെണ്‍കുട്ടി പൊലീസില്‍ പരാതി നല്‍കി.
ശനിയാഴ്ച ഉച്ചയ്ക്ക് 2.30ഓടെ സുഹൃത്തുക്കള്‍ക്കൊപ്പം യാത്ര ചെയ്യുകയായിരുന്നു പെണ്‍കുട്ടി. അഞ്ച് പേരാണ് യാത്ര ചെയ്തിരുന്നത്. നാല് പേര്‍ട്ട് കണ്ടക്ടര്‍ പ്രിയദര്‍ശിനി ടിക്കറ്റ് കൊടുത്തു. എന്നാല്‍, ഈ പെണ്‍കുട്ടിക്ക് മാത്രം കൊടുത്തില്ല. ടിക്കറ്റ് ചാര്‍ജ് വേണമെന്നും പറഞ്ഞു. ഇത് ചോദ്യം ചെയ്തപ്പോള്‍ നിന്നെ കണ്ടാല്‍ പെണ്ണായി തോന്നുന്നില്ലെന്ന് പറഞ്ഞ് പെണ്‍കുട്ടിയെ അപമാനിച്ചുവെന്നാണ് പരാതിയില്‍ പറയുന്നത്. ചില യാത്രക്കാരും കണ്ടക്ടര്‍ക്കൊപ്പം ചേര്‍ന്നുവെന്നും മുടി കുറവാണെന്നതടക്കം പറഞ്ഞ് പരിഹസിച്ചുവെന്നും വ്യക്തമാക്കുന്നു. അപമാനം സഹിച്ചുകൊണ്ട് വാഹനത്തില്‍ തന്നെ യാത്ര ചെയ്യേണ്ടി വന്നു. വാഹനത്തില്‍ നിന്ന് ഇറങ്ങിയതിന് ശേഷവും കണ്ടക്ടറുടെയും ചില യാത്രക്കാരുടെയും ഭാഗത്ത് നിന്ന് മോശം അനുഭവമുണ്ടായെന്നും വ്യക്തമാക്കിയിട്ടുണ്ട്.
പറവൂര്‍ എസ്എച്ച്ഒയ്ക്കാണ് പരാതി നല്‍കിയത്. കണ്ടക്ടര്‍ക്കെതിരെ നടപടി വേണമെന്നാണ് ആവശ്യം. വിഷയത്തില്‍ പൊലീസ് അന്വേഷണം ആരംഭിച്ചുകഴിഞ്ഞു
സംസ്ഥാനത്ത് പകര്‍ച്ചപ്പനി വ്യാപകമാകുന്ന സാഹചര്യത്തിലാണ് പ്രതിരോധപ്രവര്‍ത്തനം ഊര്‍ജിതമാക്കാന്‍ നിര്‍ദ്ദേശം നല്‍കിയത്. ആരോഗ്യവകുപ്പും തദ്ദേശവകുപ്പും സംയുക്തമായി പ്രതിരോധ പ്രവര്‍ത്തനങ്ങള്‍ ഏകോപിപ്പിക്കും. ഇതിനായി ഇരുവകുപ്പിന്റെയും മന്ത്രിമാരുടെ യോഗം ചേരും. ജില്ലാ കളക്ടര്‍മാരുടെ നേതൃത്വത്തില്‍ ഏകോപന സമിതി ഉണ്ടാക്കാന്‍ ആരോഗ്യവകുപ്പ് നിര്‍ദ്ദേശം നല്‍കിട്ടുണ്ട്. പ്രാദേശിക തലത്തിലും സമിതികള്‍ ഉണ്ടാക്കും. ഡെങ്കിപ്പനി കേസുകള്‍ കൂടുന്നുണ്ട്. ഹോട്ട്‌സ്‌പോട്ടുകള്‍ കണ്ടെത്തി പ്രതിരോധിക്കാനും നിര്‍ദ്ദേശിച്ചിട്ടുണ്ട്. ഇന്‍ഫ്‌ലുവന്‍സ വൈറസ് ബാധയില്‍ കേസുകള്‍ കൂടി. അഞ്ചാം പനി വ്യാപനത്തിലും വര്‍ധന. ഈ സാഹചര്യത്തിലാണ് അടിയന്തര നടപടികള്‍ സ്വീകരിക്കാന്‍ നിര്‍ദ്ദേശം നല്‍കിയത്. എന്നാല്‍ എലിപ്പനിയുടെ വ്യാപനം കുറഞ്ഞു. ഇടവിട്ടുള്ള മഴ പകര്‍ച്ചപ്പനി സാഹചര്യം കൂട്ടാനുള്ള സാധ്യതയുണ്ട് ആരോഗ്യവകുപ്പ് വ്യക്തമാക്കുന്നു. സംസ്ഥാനത്ത് ദിനംപ്രതി 7000 പേരാണ് പനിക്ക് ചികിത്സ തേടുന്നത്. വടക്കന്‍ ജില്ലകളിലാണ് പനി വ്യാപനം കൂടുതല്‍ . മരുന്ന് ഇല്ലാത്തതും സര്‍ക്കാര്‍ ആശുപത്രിയിലെത്തുന്ന രോഗികളെ വലയ്ക്കുന്നുണ്ട്.
നാളെ മുതല്‍ മൂന്ന് ദിവസം പണിമുടക്കായതിനാല്‍ രാജ്യത്ത് ഇന്ന് ബാങ്കുകള്‍ പ്രവര്‍ത്തിക്കും. അടുത്ത മൂന്നു ദിവസം എടിഎം ഉപയോഗിക്കാന്‍ ചാര്‍ജ് ഇല്ല. എത്ര തവണ വേണമെങ്കിലും സൗജന്യമായി എടിഎം ഉപയോഗിക്കാം. മറ്റു ബാങ്കുകളുടെ എടിഎം ഉപയോഗിക്കുന്നതിനും പ്രശ്‌നമില്ല. പണിമുടക്ക് ദിവസങ്ങളില്‍ ഓണ്‍ലൈന്‍ ഇടപാടുകള്‍ തടസമില്ലാതെ നടക്കും.വായ്പ തവണകള്‍ കൃത്യമായി ഓണ്‍ലൈനായി അടയ്ക്കണം. ഒക്ടോബര്‍ രണ്ട് അവധി ആയതിനാല്‍ ഈ ആഴ്ച ബാങ്കുകള്‍ രണ്ടു ദിവസം മാത്രമേ പ്രവര്‍ത്തിക്കൂ.
തുടര്‍ച്ചയായി അഞ്ച് ദിവസം ബാങ്കുകളുടെ പ്രവര്‍ത്തനം സ്തംഭിക്കുന്നത് ഒഴിവാക്കാനായി കേന്ദ്ര സര്‍ക്കാര്‍ നിര്‍ദ്ദേശ പ്രകാരമാണ് ഞായറാഴ്ച പ്രവൃത്തി ദിനമാക്കിയത്.
ബാങ്ക് ജീവനക്കാരുടെ സംഘടനയായ യുണൈറ്റഡ് ഫോറം ഓഫ് ബാങ്ക് യൂണിയനാണ് സെപ്റ്റംബര്‍ 28 മുതല്‍ 30 വരെ പണിമുടക്കിന് ആഹ്വാനം ചെയ്തത്. ബാങ്കുകളുടെ പ്രവൃത്തിദിനം ആഴ്ചയില്‍ അഞ്ചാക്കി മാറ്റുക എന്നതാണ് സംഘടനയുടെ പ്രധാന ആവശ്യം. പെന്‍ഷന്‍ പരിഷ്‌കരണം നടപ്പിലാക്കുക, എന്‍പിഎസ് ജീവനക്കാര്‍ക്ക് പഴയ പെന്‍ഷന്‍ പദ്ധതിയിലേക്ക് മാറാന്‍ അവസരം നല്‍കുക തുടങ്ങിയ ആവശ്യങ്ങളും യൂണിയനുകള്‍ ഉന്നയിക്കുന്നുണ്ട്. നേരത്തെ ഇന്ത്യന്‍ ബാങ്ക്‌സ് അസോസിയേഷന്‍ ഈ ആവശ്യങ്ങള്‍ അംഗീകരിച്ച് സര്‍ക്കാര്‍ അനുമതിക്കായി സമര്‍പ്പിച്ചിരുന്നുവെങ്കിലും അന്തിമ തീരുമാനം ആയിട്ടില്ല.
ബാങ്കുകള്‍ ഇന്ന് പ്രവര്‍ത്തിക്കും; നാളെ മുതല്‍ മൂന്ന് ദിവസം പണിമുടക്ക് Read More »
എക്സാലോജിക്-സിഎംആര്‍എല്‍ ഇടപാടില്‍ ഇഡിക്കെതിരെ രൂക്ഷവിമര്‍ശനവുമായി പ്രതിപക്ഷനേതാവ് പിണറായി വിജയന്‍. ചെയ്ത സേവനത്തിനാണ് മകള്‍ വീണ പണം സ്വീകരിച്ചത്. ”നിന്നെയല്ല നിന്റെ അച്ഛനെ നോക്കുന്നു” എന്നാണ് ഇഡി നിലപാട്. അച്ഛന്‍ എന്തൊക്കെ കണ്ടതാണെന്നും പിണറായി വിജയന്‍ പറഞ്ഞു. ഇഡി സിപിഐഎമ്മിനെ ലക്ഷ്യമിടുകയാണെന്നും പിണറായി വിജയന്‍ കുറ്റപ്പെടുത്തി.
എക്സാലോജിക് സിഎംആര്‍എല്‍ കരാര്‍ ഉണ്ടാക്കിയിരുന്നു. അതുപ്രകാരം സിഎംആര്‍എല്ലിന് സേവനം നല്‍കുകയും ചെയ്തു. കരാര്‍ കൃത്യമാണെന്ന് പിണറായി വിജയന്‍ വിശദീകരിച്ചു. അതിന്റെ പ്രതിഫലം എക്സാലോജിക് സ്വീകരിച്ചു. ആ പണം കാണാനില്ല എന്ന് പറഞ്ഞാല്‍ കുറ്റമാണ്. പക്ഷെ പണം കണക്കില്‍ ഉണ്ട്. നിയമപ്രകാരം എല്ലാ നികുതികളും അടച്ചാണ് പണം സ്വീകരിച്ചതെന്ന് പിണറായി വിജയന്‍ കൂട്ടിച്ചേര്‍ത്തു.
എക്സാലോജിക് സിഎംആര്‍എല്‍ ഇടപാടില്‍ എന്താണ് കുറ്റമെന്നും പിണറായി വിജയന്‍ ചോദിച്ചു. നിയമപ്രകാരം എല്ലാ നികുതികളും അടച്ചതാണെന്ന് അദേ?ഹം കൂട്ടിച്ചേര്‍ത്തു. സിപിഐഎമ്മിനെ ലക്ഷ്യമിട്ട് ഇഡി നീങ്ങുകയാണ്. ആര്‍എസ്എസും ബിജെപിയുമാണ് പിന്നില്‍. കോണ്‍?ഗ്രസ് പിന്തുണ നല്‍കുന്നുവെന്ന് പിണറായി വിജയന്‍ കുറ്റപ്പെടുത്തി. രാഷ്ട്രീയമായി നിയമപരമായും സിപിഐഎം നേരിടുമെന്ന് അദേഹം ആവര്‍ത്തിച്ചു.
കല്‍പ്പറ്റ നാരായണന്‍ സാഹിത്യ അക്കാദമി ചെയര്‍മാന്‍. ജി വേണുഗോപാല്‍ സംഗീത നാടക അക്കാദമി ചെയര്‍മാനാകും. പ്രേം കുമാറാണ് കേരള സ്റ്റേറ്റ് ഫിലിം ഡെവലപ്‌മെന്റ് കോര്‍പ്പറേഷന്‍ ചെയര്‍മാന്‍. എം രഞ്ജിത്ത് കേരള സാംസ്‌കാരിക ക്ഷേമനിധി ബോര്‍ഡ് ചെയര്‍മാനാകും. പ്രൊഫസര്‍ പ്രകാശ് മൂര്‍ത്തിയെ കേരള ലളിതകലാ അക്കാദമി ചെയര്‍മാനായും തിരഞ്ഞെടുത്തു.
കേരള ചലച്ചിത്ര അക്കാദമി ജനറല്‍ കൗണ്‍സില്‍ ഇന്നലെ സര്‍ക്കാര്‍ പുനഃസംഘടിപ്പിച്ചിരുന്നു. ചലച്ചിത്ര താരം രവീന്ദ്രന്‍ കേരള ചലച്ചിത്ര അക്കാദമിയുടെ ചെയര്‍മാനാകും. നടി പ്രിയങ്ക നായര്‍ ചലച്ചിത്ര അക്കാദമി വൈസ് ചെയര്‍മാനാകും. നടന്‍ സലീം ഹസന്‍, യുവ സംവിധായകന്‍ ജോഫിന്‍ ടി ചാക്കോ എന്നിവര്‍ എക്‌സിക്യൂട്ടീവ് കമ്മിറ്റി അംഗങ്ങളാകും. ദീപു കരുണാകരന്‍, വൈക്കം വിജയലക്ഷ്മി, എം.വി ഗിരീഷ്‌കുമാര്‍, സലിം ഹസ്സന്‍, ബി. രാകേഷ്, സജീവന്‍ അന്തിക്കാട്, ജോഫിന്‍.ടി.ചാക്കോ,സക്കരിയ, ആര്‍.എസ് പണിക്കര്‍, ധര്‍മ്മജന്‍ ബോള്‍ഗാട്ടി, വാഴൂര്‍ ജോസ്, എ. കബീര്‍, സാബു ശങ്കര്‍, ഷെര്‍ഗ സന്ദീപ്, അബ്ദുള്‍ ഹനാന്‍ എന്നിവരെ ഉള്‍പ്പെടുത്തിയാണ് ജനറല്‍ കൗണ്‍സില്‍ പുനഃസംഘടിപ്പിച്ചത്.
വടകര എംഡിഎംഎ കേസ് പ്രതി കീര്‍ത്തനക്ക് കുത്തേറ്റു. പങ്കാളി വിനീഷ് ആണ് ആക്രമിച്ചത്. പൊലീസ് സ്റ്റേഷനില്‍ ഒപ്പിടാനെത്തിയപ്പോഴാണ് ആക്രമണം. ഇന്ന് രാവിലെ വടകര പൊലീസ് സ്റ്റേഷന് മുന്നിലായിരുന്നു സംഭവം. ഹൈക്കോടതിയുടെ ജാമ്യവ്യവസ്ഥ പ്രകാരം വടകര പൊലീസ് സ്റ്റേഷനില്‍ ഹാജരാകാന്‍ എത്തിയതായിരുന്നു കീര്‍ത്തന. സ്റ്റേഷന് സമീപം വിനീഷ് ആക്രമിക്കുകയായിരുന്നു. പ്രതി വിനീഷിനെ ഉടന്‍ പോലീസ് കസ്റ്റഡിയില്‍ എടുത്തു. വടകര താലൂക്ക് ആശുപത്രിയില്‍ പ്രവേശിപ്പിച്ച കീര്‍ത്തനയെ മെഡിക്കല്‍ കോളേജിലേക്ക് മാറ്റി.
വടകര എംഡിഎംഎ കേസ് പ്രതി കീര്‍ത്തനക്ക് കുത്തേറ്റു Read More »
