Kerala news

പതിവ് തെറ്റിക്കാതെ ഇക്കുറിയും മലയാളികള്‍ ഓണം ആഘോഷമാക്കിയതോടെ മദ്യവില്‍പനയില്‍ പുതിയ റെക്കോര്‍ഡ് കുറിച്ച് ബിവറേജസ് കോര്‍പ്പറേഷന്‍. റെക്കോര്‍ഡ് വില്‍പനയാണ് ഈ ഓണത്തിനും ബെവ്‌കോയ്ക്ക് ഉണ്ടായത്. ഉത്രാടം നാളായ ബുധനാഴ്ച 117 കോടി രൂപയുടെ മദ്യമാണ് സംസ്ഥാത്തെ ബെവ്‌കോ മദ്യവില്‍പനശാലകളിലൂടെ വിറ്റത്. കഴിഞ്ഞ വര്‍ഷം ഉത്രാടത്തിന് 85 കോടി രൂപയുടെ മദ്യം വിറ്റ സ്ഥാനത്താണിത്. 32 കോടി രൂപയുടെ അധികവരുമാനമാണ് ഈ വര്‍ഷമുണ്ടായത്.

ഉത്രാടംവരെ ഏഴു ദിനത്തെ കണക്ക് നോക്കിയാല്‍ വിലപ്പന 624 കോടി, കഴിഞ്ഞ വര്‍ഷം ഇതേ കാലയാളവില്‍ 529 കോടിയുടെ മദ്യം വിറ്റ സ്ഥാനത്താണിത്. ഏഴു ദിവസത്തെ മദ്യവില്‍പ്പനയിലൂടെ വിവിധ നികുതിയിനത്തില്‍ സര്‍ക്കാര്‍ ഖജനാവിലേക്കെത്തുക 550 കോടി രൂപയാണ്.

ഇക്കുറി നാല് മദ്യവില്‍പനശാലകളില്‍ വില്‍പന ഒരു കോടി കഴിഞ്ഞു. കൊല്ലം ആശ്രാമം ഔട്ട് ലെറ്റിലാണ് കൂടുതല്‍ മദ്യം വിറ്റു പോയത്. ഇവിടെ മാത്രം വിറ്റത് 106 കോടി രൂപയുടെ മദ്യമാണ് . തിരുവനന്തപുരം പവര്‍ ഹൗസ് റോഡിലെ ഔട്ട് ലെറ്റില്‍ വിറ്റത് 102 കോടി രൂപയുടെ മദ്യമാണ്. ഇരിങ്ങാലക്കുടയില്‍ 101 കോടി രൂപയുടെ മദ്യവും വിറ്റു. ചേര്‍ത്തല കോര്‍ട്ട് ജംഗഷനിലെ ഔട്ട് ലെറ്റില്‍ വിറ്റത് 100 കോടി രൂപയുടെ മദ്യമാണ്. 99.9 ലക്ഷം രൂപയുടെ മദ്യം വിറ്റ പയ്യന്നൂരിലെ ബെവ്‌കോ ഔട്ട്‌ലെറ്റിന് നേരിയ വ്യത്യാസത്തില്‍ കോടി നേട്ടം നഷ്ടമായി.

സംസ്ഥാനത്ത് തുടര്‍ച്ചയായ രണ്ടാം ദിവസവും സ്വര്‍ണവില ഉയര്‍ന്നു. ഇന്ന് ഒരു പവന്‍ സ്വര്‍ണത്തിന് 80 രൂപയുടെ വര്‍ദ്ധനവാണ് ഉണ്ടായത്. ഇന്നലെ 200 രൂപ വര്‍ദ്ധിച്ചിരുന്നു. ഒരു പവന്‍ സ്വര്‍ണത്തിന്റെ നിലവിലെ വിപണി വില 37400 രൂപയാണ്.

ഒരു ഗ്രാം 22 കാരറ്റ് സ്വര്‍ണത്തിന്റെ വില ഇന്ന് 10 രൂപയാണ് ഉയര്‍ന്നത്. ഇന്നലെ 25 രൂപ കൂടിയിരുന്നു. ഒരു ഗ്രാം 22 കാരറ്റ് സ്വര്‍ണത്തിന്റെ ഇന്നത്തെ വിപണി വില 4675 രൂപയാണ്. 18 കാരറ്റ് സ്വര്‍ണത്തിന്റെ വിലയും ഉയര്‍ന്നു. 10 രൂപയാണ് ഇന്നും ഉയര്‍ന്നത്. ഇന്നലെ 20 രൂപയാണ് ഉയര്‍ന്നത്. ഒരു ഗ്രാം 18 കാരറ്റ് സ്വര്‍ണത്തിന്റെ നിലവിലെ വിപണി വില 3865 രൂപയാണ്.

ചുങ്കക്കുന്ന്: ഒറ്റപ്ലാവ് പ്രിയദര്‍ശനി ആര്‍ട്‌സ് ആന്റ് സ്‌പോര്‍ട്സ് ക്ലബ്ബിന്റെ നേതൃത്വത്തില്‍ ഓണാഘോഷം സംഘടിപ്പിച്ചു. കുട്ടികള്‍ക്കും മുതിര്‍ന്നവര്‍ക്കുമായി വിവിധ മത്സരങ്ങള്‍ സംഘടിപ്പിച്ചു. ചടങ്ങില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികളെ ആദരിച്ചു. അല്‍ഫോണ്‍സാ പള്ളി വികാരി ഫാ.വിനോദ് ഉദ്ഘാടനം ചെയ്തു. പഞ്ചായത്ത് പ്രസിഡന്റ് റോയി നമ്പു ടാകം, മെമ്പര്‍ മിനി പൊട്ടുങ്കല്‍,ആല്‍ബിന്‍, ബെറ്റി തുടങ്ങിയവര്‍ സംസാരിച്ചു.

തില്ലങ്കേരി: ഗ്രാമ പഞ്ചായത്തിലെ ഹരിത കര്‍മ്മ സേനാംഗങ്ങള്‍ക്ക് എം.എല്‍.എ കെ.കെ ശൈലജ ടീച്ചര്‍ ഓണക്കോടി കൈമാറി. പഞ്ചായത്ത് പ്രസിഡണ്ട് പി ശ്രീമതി, ക്ഷേമകാര്യ സ്റ്റാന്‍ഡിംഗ് കമ്മറ്റി ചെയര്‍മാന്‍ പി കെ രതീഷ്, സെക്രട്ടറി അശോകന്‍ തുടങ്ങിയവര്‍ സംബന്ധിച്ചു.

കേളകം: സെന്റ് തോമസ് ഹയര്‍ സെക്കന്‍ഡറി സ്‌കൂള്‍ സ്‌കൗട്ട് ആന്‍ഡ് ഗൈഡ്‌സ് യൂണിറ്റും കേളകം പാലിയേറ്റീവ് കെയര്‍ ഫൗണ്ടേഷനും ചേര്‍ന്ന് പഞ്ചായത്തിലെ രോഗികളും വൃദ്ധരും നിരാലംബരുമായിട്ടുള്ള ആള്‍ക്കാരുടെ ഭവനം സന്ദര്‍ശിക്കുകയും ഓണക്കിറ്റ് നല്‍കുകയും ചെയ്തു. കേളകം പഞ്ചായത്ത് പരിധിയിലുള്ള 25 ലധികം വീടുകള്‍ സന്ദര്‍ശിച്ചാണ് ഓണ വിഭവങ്ങളും ഓണക്കോടിയും നല്‍കിയത്. വിദ്യാര്‍ത്ഥികളോടൊപ്പം ടി.കെ ബാഹുലേയന്‍, റോയി കെ.പി, മനോജ് വെട്ടുവേലില്‍, കെ.കെ. അനന്ദന്‍, ശാന്തിനി ബാഹുലേയന്‍, കെ.വി. ബിജു തുടങ്ങിയവര്‍ പരിപാടികള്‍ക്ക് നേതൃത്വം നല്‍കി.

ഇരിട്ടി: പ്രഗതി വിദ്യാനികേതനില്‍ ഓണാഘോഷം സംഘടിപ്പിച്ചു. രണ്ടു ദിവസങ്ങളിലായി നടന്ന ആഘോഷ പരിപാടികള്‍ക്ക് പ്രിന്‍സിപ്പാള്‍ വത്സന്‍ തില്ലങ്കേരി, എം രതീഷ്, മനോജ്, വിനീത് തുടങ്ങിയവര്‍ നേതൃത്വം നല്‍കി. വിദ്യാര്‍ത്ഥികള്‍ക്ക് വേണ്ടി വിവിധ നാടന്‍ കലാകായിക മത്സരങ്ങളും സംഘടിപ്പിച്ചു. തുടര്‍ന്ന് പഴശ്ശിരാജ കളരി അക്കാദമി പാലപ്പുഴയിലെ വിദ്യാര്‍ത്ഥികളുടെ കളരിപ്പയറ്റ് പ്രദര്‍ശനവും നടന്നു.

സംസ്ഥാനത്ത് ഇന്ന് സ്വര്‍ണ വില ഉയര്‍ന്നു. ഇന്നലെ കുത്തനെ കുറഞ്ഞ സ്വര്‍ണ വിലയാണ് ഇന്ന് ഇടിഞ്ഞത്. ഇന്നലെ ഒരു പവന്‍ സ്വര്‍ണത്തിന് 400 രൂപയുടെ ഇടിവുണ്ടായി. ഇന്ന് 200 രൂപയുടെ വര്‍ദ്ധനവാണ് ഉണ്ടായത്. ഇതോടെ ഒരു പവന്‍ സ്വര്‍ണത്തിന്റെ നിലവിലെ വിപണി വില 37320 രൂപയാണ്. ഒരു ഗ്രാം 22 കാരറ്റ് സ്വര്‍ണത്തിന്റെ വില 25 രൂപ ഉയര്‍ന്നു. ഇന്നലെ 50 രൂപ കുറഞ്ഞിരുന്നു. ഒരു ഗ്രാം 22 കാരറ്റ് സ്വര്‍ണത്തിന്റെ ഇന്നത്തെ വിപണി വില 4665 രൂപയാണ്. 18 കാരറ്റ് സ്വര്‍ണത്തിന്റെ വിലയും ഉയര്‍ന്നു. 20 രൂപയാണ് ഉയര്‍ന്നത്. ഇന്നലെ 40 രൂപയാണ് കുറഞ്ഞിരുന്നു. ഒരു ഗ്രാം 18 കാരറ്റ് സ്വര്‍ണത്തിന്റെ നിലവിലെ വിപണി വില 3855 രൂപയാണ്.

വറുതിയുടെ കര്‍ക്കിടത്തിന് ശേഷം സമൃദ്ധിയുടെ ചിങ്ങമാസത്തിലെ തിരുവോണം ഇന്ന്. മലയാളികളുടെ ഉത്സവമാണ്.ആഘോഷമാണിത്. രണ്ട് വര്‍ഷം കൊവിഡ് മഹാമാരിയുടെ കെട്ടില്‍പെട്ട് നിറംമങ്ങിയ ഓണം വീണ്ടും ആഘോഷമാക്കുകയാണ് ആഘോഷമാക്കുകയാണ് മലയാളി.ലോകമെങ്ങുമുള്ള മലയാളികള്‍ ഓണം ആഘോഷിക്കുകയാണ്. ഓണക്കോടിയും, പൂക്കളവും, സദ്യവും, വര്‍ണ്ണാഭമായ പരിപാടികളും ഓണാഘോഷത്തിന് മാറ്റുകൂട്ടുന്നു.

ശക്തമായ മഴയെ തുടര്‍ന്ന് മുരിങ്ങോടി പുരളിമല മുത്തപ്പന്‍ ക്ഷേത്രത്തിലെ കുളത്തിന്റെ ഭിത്തി ഇടിഞ്ഞ് താണു. ബുധനാഴ്ച്ച ഉച്ചയ്ക്ക് 2 മണിയോടെയാണ് കരിങ്കല്ല് കൊണ്ട് നിര്‍മ്മിച്ച ഭിത്തി ഇടിഞ്ഞ് കുളത്തിലേക്ക് വീണത്. സാധാരണ ദിവസങ്ങളില്‍ കുട്ടികള്‍ ഇവിടെ നീന്തല്‍ പരിശീലനത്തിന് എത്താറുണ്ടെങ്കിലും മഴയെ തുടര്‍ന്ന് കുട്ടികള്‍ എത്താതിരുന്നതിനാല്‍ വന്‍ ദുരന്തമാണ് വഴിമാറിയത്. പേരാവൂര്‍ ബ്ലോക്ക് പഞ്ചായത്തിന്റെ 2015-16 വരള്‍ച്ച ദുരിതാശ്വാസ പദ്ധതിയില്‍ ഉള്‍പ്പെടുത്തി നവീകരിച്ച കുളത്തിന്റെ ഭിത്തിയാണ് ഇടിഞ്ഞ് താഴ്ന്നത.്

ആറ്റാം ചേരി ക്ഷീരോത്പാദ സഹകരണ സംഘത്തിലെ പാല്‍ അളക്കുന്ന 114 ക്ഷീര കര്‍ഷകര്‍ക്ക് ഒരു ലിറ്റര്‍ പാലിന് 80 പൈസ രീതിയില്‍ ഓണം ബോണസ് നല്‍കി.
സംഘം ഓഫീസില്‍ നടന്ന ഓണം ബോണസ് വിതരണം വാര്‍ഡ് മെമ്പര്‍ സുനി ജസ്റ്റിന്റെ അധ്യക്ഷതയില്‍ എം.എല്‍.എ അഡ്വ.സണ്ണി ജോസഫ് നിര്‍വഹിച്ചു. സംഘം പ്രസിഡണ്ട് പ്രമോദ് കുന്നത്ത്, ജോജന്‍ എടത്താഴെ, ജോബിന്‍ തുടങ്ങിയവര്‍ സംബന്ധിച്ചു.