latest news

വെള്ളര്‍വള്ളി: പേരാവൂര്‍ ക്ഷീരവികസന വകുപ്പിന്റെയും വെള്ളര്‍വള്ളി ക്ഷീരോല്‍പാദക സഹകരണ സംഘത്തിന്റെയും സംയുക്താഭിമുഖ്യത്തില്‍ ക്ഷീര കര്‍ഷക സമ്പര്‍ക്ക പരിപാടി വെള്ളര്‍വള്ളി ക്ഷീരോല്‍പാദക സഹകരണ സംഘത്തില്‍ നടന്നു. വാര്‍ഡ് മെമ്പര്‍ നിഷ പ്രദീപന്‍ ഉദ്ഘാടനം ചെയ്തു. സംഘം പ്രസിഡണ്ട് ജോസ് കിഴക്കേടത്ത് അധ്യക്ഷത വഹിച്ചു. ശുദ്ധമായ പാലുല്‍പാദനം എന്ന വിഷയത്തില്‍ പേരാവൂര്‍ ക്ഷീര വികസന ഓഫീസര്‍ കെ അനുശ്രീയും, ക്ഷീര കര്‍ഷകര്‍ നേരിടുന്ന വെല്ലുവിളികള്‍ പിരഹാരങ്ങള്‍ എന്ന വിഷയത്തില്‍ ബിനു രാജും ക്ലാസെടുത്തു. 16-ാം വാര്‍ഡ് മെമ്പര്‍ ജോസ് ആന്റണി, സംഘം സെക്രട്ടറി പി.എം മിഥുല, ടി.ഡി തങ്കച്ചന്‍, ടി ബാലകൃഷ്ണന്‍ എന്നിവര്‍ സംസാരിച്ചു.

പാല്‍ച്ചുരം: റോഡില്‍ മണ്ണിടിഞ്ഞ് വീണ് ചെളി രൂപപ്പെട്ടതിനെ തുടര്‍ന്ന് പേരാവൂര്‍ ഫയര്‍ ആന്റ് റെസ്‌ക്യൂ അംഗങ്ങള്‍ വെള്ളം ഉപയോഗിച്ച് റോഡ് വൃത്തിയാക്കി. ഫയര്‍ഫോഴ്സ് അംഗങ്ങളായ ബെന്നി, ജിതിന്‍ എന്നിവര്‍ നേതൃത്വം നല്‍കി.

പൂളക്കുറ്റി: കണിച്ചാര്‍ മണ്ഡലം കോണ്‍ഗ്രസ് കമ്മിറ്റിയുടെയും, ഇന്ദിരാ ഗാന്ധി സഹകരണ ആശുപത്രിയുടെയും സംയുക്താഭിമുഖ്യത്തില്‍ പൂളക്കുറ്റി സെന്റ് മേരീസ് ദേവാലയ പരിസരത്ത് വെച്ച് മെഡിക്കല്‍ ക്യാമ്പ് സംഘടിപ്പിച്ചു. പൂളക്കുറ്റി സെന്റ് മേരീസ് ദേവാലയ വികാരി മാര്‍ട്ടിന്‍ വരിക്കാനിക്കന്‍ ഉദ്ഘാടനം ചെയ്തു. പേരാവൂര്‍ എം.എല്‍.എ അഡ്വ. സണ്ണി ജോസഫ്, ഇന്ദിരാ ഗാന്ധി ആശുപത്രി പ്രസിഡണ്ട് കെ.പി സാജു, പി.ആര്‍.ഒ സജിത്ത്കുമാര്‍ എന്നിവര്‍ സന്നിഹിതരായിരുന്നു. ഡോക്ടര്‍മാരായ മുനീര്‍, രൂപക് മോഹന്‍ എന്നിവര്‍ ക്യാമ്പിന് നേതൃത്വം നല്‍കി.

പേരാവൂര്‍: ഇരിട്ടി റോഡില്‍ കെ.കെ ടയേഴ്സിന് മുന്‍വശം റോഡിലെ കുഴി വാഹനയാത്രക്കാര്‍ക്ക് അപകടകെണിയൊരുക്കുന്നു. വളവ് തിരിഞ്ഞ് വരുന്ന് ഭാഗത്തെ റോഡിലെ വലിയ കുഴിയില്‍ വീണ് ഇരുചക്രവാഹനങ്ങള്‍ അപകടത്തില്‍പെടുന്നത് പതിവാകുന്നു. കുഴി വെട്ടിച്ച് പോകുമ്പോള്‍ എതിര്‍ദിശയില്‍ നിന്ന് വരുന്ന വാഹനത്തില്‍ ഇടിച്ച് അപകടത്തില്‍ പെടാനും സാധ്യത ഉണ്ട്. ഭാഗ്യം കൊണ്ടാണ് അപകടത്തില്‍പെടാതെ ഇതുവഴി യാത്ര ചെയ്യുന്നത്.

മങ്കിപോക്സ് രോഗലക്ഷണങ്ങളോടെ ഏഴ് വയസുകാരി പരിയാരം മെഡിക്കല്‍ കോളേജില്‍ ചികിത്സയില്‍. ശ്രവ സാമ്പിള്‍ പരിശോധനയ്ക്ക് അയച്ചു. കുട്ടിക്കൊപ്പം വിദേശത്ത് നിന്നെത്തിയ അച്ഛനും അമ്മയും നിരീക്ഷണത്തിലാണ്. മൂന്ന് പേരുടെയും ആരോഗ്യനില തൃപ്തികരമാണ്.

ഇരിട്ടി: ലൈറ്റ് ആന്‍ഡ് സൗണ്ട് വെല്‍ഫെയര്‍ അസോസിയേഷന്‍ ഓഫ് കേരള ഇരിട്ടി മേഖല ഓഫീസ് ഉദ്ഘാടനവും പൊതുയോഗവും ഇരിട്ടി നഗരസഭ ചെയര്‍പേഴ്‌സണ്‍ കെ. ശ്രീലത ഉദ്ഘാടനം ചെയ്തു. ടി.വി തോമസ് അധ്യക്ഷത വഹിച്ചു. കെ.പി രാജേഷ്, കെ.എം അഖില്‍, അബ്ദുല്‍ റഹീം, എ.കെ മനോജ്, വി.പി റഷീദ്, ലിജോ തോമസ്, എം.വി അനീഷ്, ശ്രീനിവാസ്, രജീഷ് ടി.വി ജനാര്‍ദ്ദനന്‍ തുടങ്ങിയവര്‍ സംസാരിച്ചു.

പേരാവൂർ:കാഞ്ഞിരപ്പുഴ പാലത്തിനു സമീപം കാർ നിയന്ത്രണംവിട്ട് അപകടം ഒരാൾക്ക് പരിക്ക്
മണത്തണ സ്വദേശി പാമ്പാറ
സന്തോഷിനാണ് പരിക്കേറ്റത്.
സാരമായി പരിക്കേറ്റ സന്തോഷിനെ ആദ്യം പേരാവൂർ സൈറസ് ആശുപത്രിയിലും പിന്നീട് കണ്ണൂരിലെ സ്വകാര്യ ആശുപത്രിയിലേക്കും കൊണ്ടുപോയി.
ഞായറാഴ്ച രാത്രി 10.30ഓടെയായിരുന്നു അപകടം. അപകടത്തിൽ വാഹനത്തിന്റെ മുൻഭാഗം പൂർണമായും തകർന്നു.
നിയന്ത്രണം വിട്ട കാർ വൈദ്യുത തൂണിൽ ഇടിച്ച ശേഷം പാലത്തിന്റെ സംരക്ഷണ ഭിത്തിയിൽ ഇടിച്ചാണ് നിന്നത്.അപകടത്തെ തുടർന്ന് പ്രദേശത്തെ വൈദ്യുതി ബന്ധവും താറുമാറായി

മന്ദംചേരി: ശ്രീനാരായണ പബ്ലിക് ലൈബ്രറി കാര്‍ഷിക ക്ലബിന്റെ ആഭിമുഖ്യത്തില്‍ ഭാരതീയ പ്രകൃതി കൃഷി-വൃക്ഷായുര്‍വേദ വളക്കൂട്ട് . സി.എ.രാജപ്പന്‍ ഉദ്ഘാടനം ചെയ്തു. ചടങ്ങില്‍ എ.എന്‍ ഷാജി, നന്ദനന്‍ തുണ്ടുതറ, പി.കെ ജയരാജന്‍, മോഹനന്‍ മുണ്ടയ്ക്കല്‍, വത്സ ചന്ദ്രന്‍, രമണി കെ.ബി എന്നിവര്‍ സംസാരിച്ചു.

ഇരിട്ടി: എസ്.എസ്.എഫ് ഇരിട്ടി ഡിവിഷന്‍ സാഹിത്യോത്സവം ആറളം ഫൈസി ഉസ്താദ് നഗറില്‍ മുഹമ്മദലി കിനാലൂര്‍ ഉദ്ഘാടനം ചെയ്തു. ഡിവിഷന്‍ പ്രസിഡന്റ് അഡ്വ.മിദ് ലാജ് സഖാഫി അധ്യക്ഷനായി. അഷ്‌റഫ് സഖാഫി കാടാച്ചിറ, യൂസഫ് ദാരിമി, അബ്ദുറഹ്മാന്‍ ഹാജി ആറളം, ജില്ലാ സെക്രട്ടറി റമീസ് മാഹി, അബൂബക്കര്‍ മുസ്ല്യാര്‍ ഏളന്നൂര്‍, അബ്ദുറഹ്മാന്‍ മാസ്റ്റര്‍, സമീര്‍ ഹുമൈദി, അബ്ദുറഹ്മാന്‍ ഹാജി ചാക്കാട്, സാജിദ് മാസ്റ്റര്‍ ആറളം, ഷാജഹാന്‍ മിസ്ബാഹി, ഉമര്‍ മുഖ്ദാര്‍ എന്നിവര്‍ സംസാരിച്ചു. ഡിവിഷണിലെ 6 സെക്ടറില്‍ നിന്നായി അഞ്ചൂറോളം വിദ്യാര്‍ത്ഥികള്‍ മത്സരത്തില്‍ പങ്കെടുക്കുന്നുണ്ട്.

പൂളക്കുറ്റി: മേഖലയില്‍ ഉണ്ടായ ഉരുള്‍പൊട്ടലിന്റെ പശ്ചാത്തലത്തില്‍ ദുരിതാശ്വാസ ക്യാമ്പില്‍ കഴിയുന്നവര്‍ക്കായി കണിച്ചാര്‍ ഗ്രാമപഞ്ചായത്തിന്റെ നേതൃത്വത്തില്‍ കണ്ണൂര്‍ ബേബി മെമ്മോറിയല്‍ ഹോസ്പിറ്റലിന്റെ സഹകരണത്തോടെ മെഡിക്കല്‍ ക്യാമ്പ് സംഘടിപ്പിച്ചു. പൂളക്കുറ്റി ഹോമിയോ ഡിസ്‌പെന്‍സറിയില്‍ നടന്ന മെഡിക്കല്‍ ക്യാമ്പ് പഞ്ചായത്ത് പ്രസിഡണ്ട് ആന്റണി സെബാസ്റ്റ്യന്‍ ഉദ്ഘാടനം ചെയ്തു. വൈസ് പ്രസിഡണ്ട് ഷാന്റി തോമസ്, പഞ്ചായത്തംഗം ഷോജറ്റ് ചന്ദ്രന്‍ കുന്നേല്‍, വില്ലേജ് ഓഫീസര്‍ ബിജി ജോണ്‍ എന്നിവര്‍ സംബന്ധിച്ചു. ജനറല്‍ മെഡിസിന്‍, ഓര്‍ത്തോ, ശിശുരോഗം എന്നീ വിഭാഗങ്ങളിലാണ് പരിശോധന നടന്നത്. രോഗികള്‍ക്ക് സൗജന്യമായി മരുന്ന് വിതരണം ചെയ്തു.