ഇരിട്ടി: മഹാത്മാഗാന്ധി കോളേജ് പ്രിന്‍സിപ്പാളായി ഡോ. സ്വരൂപ ആര്‍ നിയമിതയായി. നിലവില്‍ കണ്ണൂര്‍ സര്‍വ്വകലാശാല സെനറ്റ് മെമ്പറും കൊമേഴ്‌സ് വിഭാഗം മേധാവിയുമായ ഡോ. സ്വരൂപ ആര്‍ കണ്ണൂര്‍ സ്വദേശിനിയാണ്. 1998 മുതല്‍ മഹാത്മാഗാന്ധി കോളേജ് അധ്യാപികയാണ്.വിവിധ സര്‍വ്വകലാശാലകളിലെയും സ്വയം ഭരണ കോളേജിലേയും ബോര്‍ഡ് ഓഫ് സ്റ്റഡീസ്, അക്കാദമിക് കമ്മിറ്റി, പരീക്ഷാ ബോര്‍ഡ് ചെയര്‍മാന്‍, ഫാക്കല്‍റ്റി മെമ്പര്‍ എന്നീ നിലകളിലും പ്രവര്‍ത്തിച്ചു വരുന്നു. കണ്ണൂര്‍ സര്‍വ്വകലാശാല റിസര്‍ച്ച് ഗൈഡായ ഡോ. സ്വരൂപയുടെ നേതൃത്വത്തില്‍ 4 പേര്‍ പി.എച്ച് ഡി. നേടിയിട്ടുണ്ട്. നാല്‍പതിലധികം ഗവേഷണ പ്രബന്ധങ്ങള്‍ പ്രസിദ്ധീകരിച്ചിട്ടുണ്ട്. ദേശീയ, അന്തര്‍ദേശീയ സെമിനാറുകളില്‍ റിസോഴ്‌സ്‌പേഴ്‌സണായും പ്രവര്‍ത്തിച്ചു വരുന്നു.
