ആറളം: എസ്എസ്എഫ് വിദ്യാര്‍ത്ഥികള്‍ക്ക് സ്‌കൂള്‍ ബാഗ് അടങ്ങുന്ന പഠനോപകരണങ്ങള്‍ വിതരണം ചെയ്തു. ആറളം സെക്ടര്‍ പരിധിയിലെ ഏഴ് സ്‌കൂളുകളിലായി ഐസിഎഫ്, ആര്‍എസ്‌സി ആറളം കൂട്ടായ്മയുടെ സഹകരണത്തോടെയാണ് പദ്ധതി നടപ്പിലാക്കുന്നത്.എസ്എസ്എഫ് ഇരിട്ടി ഡിവിഷന്‍ പ്രസിഡണ്ട് അഡ്വ.മിദ്ലാജ് സഖാഫി ഇടവേലി ഗവ എല്‍ പി സ്‌കൂളില്‍ വെച്ച് പഠനോപകാരങ്ങളുടെ വിതരണോദ്ഘാടനം നിര്‍വഹിച്ചു. എസ്എസ്എഫ്, എസ് വൈ എസ് ആറളം സെക്ടര്‍ ഭാരവാഹികളും പങ്കെടുത്തു.തുടര്‍ച്ചയായി പത്താം വര്‍ഷമാണ് എസ് എസ് എഫ് നൂറിലേറെ നിര്‍ധനരായ വിദ്യാര്‍ത്ഥികള്‍ക്ക് പഠനോപകരണങ്ങള്‍ വിതരണം ചെയ്യുന്നത്
