സംസ്ഥാനത്ത് റോഡിലെ ക്യാമറകളില് പതിയുന്ന നിയമലംഘനങ്ങള്ക്ക് പിഴ ഈടാക്കി തുടങ്ങി. ഇരുചക്രവാഹനത്തില് മൂന്നാമത്തെ ആളായി യാത്ര ചെയ്യാന് 12 വയസില് താഴെയുള്ള കുട്ടികള്ക്ക് ഇളവ് അനുവദിച്ചിട്ടുണ്ട്.സംസ്ഥാനത്തുടനീളം റോഡില് ക്യാമറകള് സജ്ജമായി. നിയമം ലംഘിക്കുന്നവരെ ഉടനടി പിടികൂടും. ഓരോ തവണ നിയമം ലംഘിക്കുമ്പോഴും വലിയ പിഴയാണ് ചുമത്തുന്നത്. ഹെല്മെറ്റും സീറ്റ് ബെല്റ്റും ഇല്ലെങ്കില് 500 രൂപ പിഴയീടാക്കും. ഡ്രൈവിംഗിനിടെ ഫോണ് ഉപയോഗിച്ചാല് 2000 ഈടാക്കും. അനധികൃത പാര്ക്കിംഗിന് 250 രൂപയും അമിത വേഗത്തിന് 1500 രൂപയും ഈടാക്കും. നിയമലംഘനം ഓരോ തവണ ക്യാമറയില് പകര്ത്തുമ്പോഴും പിഴ ആവര്ത്തിക്കും.രണ്ടിലേറേ പേര് ടൂവീലറില് യാത്ര ചെയ്താല് 1000 രൂപയാണ് പിഴ. മൂന്നാമത്തെയാള് 12 വയസസില് താഴെയുള്ള കുട്ടിയെങ്കില് തല്ക്കാലം പിഴ നോട്ടീസ് അയക്കില്ല. രാത്രികാല ദൃശ്യങ്ങള് അടക്കം പകര്ത്താനാകുന്ന 692 ക്യാമറകളാണ് സജ്ജമായിട്ടുള്ളത്. 34 ക്യാമറകള് കൂടി ഉടന് സജ്ജമാകും. തുടക്കത്തില് ദിവസം 25,000 പേര്ക്ക് നോട്ടീസ് അയക്കും. അപ്പീലിനും അവസരമുണ്ടാകും.