മദ്യവര്ജനമാണ് ഇടതുസര്ക്കാരിന്റെ നയമെന്ന് എക്സൈസ് മന്ത്രി എം.ബി രാജേഷ്. യാഥാര്ത്ഥ്യബോധത്തോടെയാണ് സര്ക്കാര് പ്രവര്ത്തിക്കുന്നത്. മദ്യവും മയക്കുമരുന്നും ഒഴുകുന്നുവെന്ന പ്രതിപക്ഷ നേതാവിന്റെ വിമര്ശനം കേരളത്തെ അപകീര്ത്തിപ്പെടുത്തുന്നതാണ്. കള്ളുചെത്ത് വ്യവസായത്തെ നവീകരിക്കുന്നതിനാണ് പുതിയ നയം ഊന്നല് നല്കുന്നതെന്നും മന്ത്രി വ്യക്തമാക്കി.
കര്ണാടകയില് 3980ഉം തമിഴ്നാട്ടില് 6380ഉം ഔട്ട്ലെറ്റുകളുള്ളപ്പോള് കേരത്തില് 309 ഔട്ട്ലെറ്റുകള് മാത്രമാണുള്ളത്. കേരളത്തിലെ മദ്യ ഉപഭോഗം ദേശീയ ശരാശരിയേക്കാള് കുറവാണെന്ന് പറഞ്ഞ മന്ത്രി മദ്യവര്ജനമാണ് ഇടതുപക്ഷ നയമെന്ന് ആവര്ത്തിച്ചു.