സംസ്ഥാനത്ത് ഇന്നും ഒറ്റപ്പെട്ടയിടങ്ങളില് അതിശക്തമായ മഴക്ക് സാധ്യത. പത്തനംതിട്ടയിലും ഇടുക്കിയിലും ഓറഞ്ച് അലര്ട്ട് തുടരുകയാണ്. ആലപ്പുഴ, കോട്ടയം, എറണാകുളം, തൃശ്ശൂര് എന്നീ ജില്ലകളില് യെല്ലോ അലേര്ട്ടും പ്രഖ്യാപിച്ചിട്ടുണ്ട്. മലയോരമേഖലകളില് ജാഗ്രത തുടരണമെന്നാണ് നിര്ദ്ദേശം. മറ്റന്നാള് 11 ജില്ലകളിലും വെള്ളിയാഴ്ച 12 ജില്ലകളിലും യെല്ലോ അലര്ട്ടാണ്. വടക്ക് പടിഞ്ഞാറന് ബംഗാള് ഉള്ക്കടലിലെ അടുത്ത മണിക്കൂറുകളില് ന്യൂനമര്ദ്ദം രൂപപ്പെടും. ഇതിന്റെ സ്വാധീനഫലമായാണ് ഈ ദിവസങ്ങളില് കാലവര്ഷം സജീവമാകുന്നത്.