സ്‌കൂളുകളിലെ ഉച്ചഭക്ഷണ പദ്ധതി ഫണ്ട് കുടിശ്ശിക വരുത്തിയതുമായി ബന്ധപ്പെട്ട ഹര്‍ജി ഹൈക്കോടതി ഇന്ന് വീണ്ടും പരിഗണിക്കും. ഉച്ചഭക്ഷണ പദ്ധതി ഫണ്ട് കുടിശ്ശിക പ്രധാനാധ്യാപകര്‍ക്ക് എന്ന് നല്‍കാനാകുമെന്നത് സംബന്ധിച്ച് സര്‍ക്കാര്‍ ഇന്ന് ഹൈക്കോടതിയില്‍ മറുപടി വ്യക്തമാക്കും. ക്യാബിനറ്റ് യോഗത്തിലെടുത്ത തീരുമാനങ്ങളടക്കമാകും സര്‍ക്കാര്‍ വിശദീകരിക്കുക.
വിഷയത്തില്‍ ഇടപെടണമെന്നാവശ്യപ്പെട്ട് അധ്യാപക സംഘടനയായ കെ.പി എസ്.ടി.എ നല്‍കിയ ഹര്‍ജിയിലായിരുന്നു ഹൈക്കോടതി സര്‍ക്കാരിനോട് മറുപടി ആവശ്യപ്പെട്ടത്.
