കോതമംഗലം എംഎ കോളേജില്‍ വെച്ച് നടന്ന സംസ്ഥാന ജൂനിയര്‍,സീനിയര്‍ ആര്‍ച്ചറി ചാമ്പ്യന്‍ഷിപ്പില്‍ ഇരട്ട ഓവറോള്‍ കിരീട നേട്ടം സ്വന്തമാക്കി കണ്ണൂര്‍.ജൂനിയര്‍ ചാമ്പ്യന്‍ഷിപ്പില്‍ റികര്‍വ്വ് റൗണ്ട് ഗേള്‍സ് വിഭാഗത്തില്‍ ശ്രീരുദ്ര വിനോദ് ,ഇന്ത്യന്‍ റൗണ്ട് ഗേള്‍സ് വിഭാഗത്തില്‍ റിയ മാത്യു , ഇന്ത്യന്‍ റൗണ്ട് ബോയ്‌സ് വിഭാഗത്തില്‍ ഇ വി നന്ദു എന്നിവര്‍ സ്വര്‍ണ്ണവും, അഭിമന്യു രാജഗോപാല്‍ വെങ്കലം, റികര്‍വ്വ് റൗണ്ട് ബോയ്‌സ് വിഭാഗത്തില്‍ വി സോനു വെള്ളി മെഡല്‍ ഉള്‍പ്പെടെ 19 പോയന്റ് നേടി.തുടര്‍ച്ചയായ 7 ാം വര്‍ഷമാണ് കണ്ണൂര്‍ ജൂനിയര്‍ ആര്‍ച്ചറി ചാമ്പ്യന്‍ഷിപ്പ് സ്വന്തമാക്കുന്നത്. സീനിയര്‍ ആര്‍ച്ചറി ചാമ്പ്യന്‍ഷിപ്പില്‍ 17 പോയന്റ് നേടിയാണ് കണ്ണൂര്‍ സീനിയര്‍ ഓവറോള്‍ ചാമ്പ്യന്‍ഷിപ്പ് നേടിയത്.സീനിയര്‍ ചാമ്പ്യന്‍ഷിപ്പില്‍ ഇന്ത്യന്‍ റൗണ്ട് പുരുഷ വിഭാഗത്തില്‍ ദശരഥ് രാജഗോപാല്‍ സ്വര്‍ണ്ണവും,ഇന്ത്യന്‍ റൗണ്ട് വനിത വിഭാഗത്തില്‍ റിയ മാത്യു വെള്ളിയും,റികര്‍വ്വ് റൗണ്ട് വനിത വിഭാഗത്തില്‍ അനാമിക സുരേഷ് സ്വര്‍ണ്ണവും,ശ്രീരുദ്ര വിനോദ് വെള്ളിയും,യു അളകനന്ദ വെങ്കല മെഡലും നേടിയാണ് കണ്ണൂര്‍ കിരീടം ഉറപ്പിച്ചത്. നാലാം സ്ഥാനം നേടിയ എസ് ശ്രീലക്ഷ്മി, അളകനന്ദ ഉള്‍പ്പെടെ 12 പേര്‍ ദേശീയ ചാമ്പ്യന്‍ഷിപ്പില്‍ പങ്കെടുക്കാന്‍ യോഗ്യത നേടി. കോച്ച് സി ആര്‍ ബാലകൃഷ്ണനാണ് കോച്ച്, ജോസബിന്‍, ബീന രാജേഷ് എന്നിവര്‍ ടീം മാനേജര്‍മാരും
