ആര്‍.സി, ഡ്രൈവിങ് ലൈസന്‍സ് അച്ചടി ഉടന്‍ പുനരാരംഭിക്കും.നവംബര്‍ മുതലാണ് അച്ചടി നിര്‍ത്തിവച്ചത്. ഫെബ്രുവരി വരെ ഇരുവിഭാഗങ്ങളിലുമായി പത്തുലക്ഷത്തോളം കാര്‍ഡുകള്‍ അച്ചടിക്കേണ്ടതുണ്ട്.നവംബര്‍ വരെയുള്ള അച്ചടിക്കൂലി കുടിശ്ശികയായ 8.66 കോടി രൂപ ഐ.ടി.ഐ. ലിമിറ്റഡിന് അനുവദിച്ചതോടെയാണ് അച്ചടി പുനരാരംഭിക്കുന്നത്.വാഹന ഉടമകള്‍ മൂന്നുമാസമായി അനുഭവിക്കുന്ന പ്രശ്‌നത്തിനാണ് താത്കാലിക പരിഹാരമായത്. രേഖകളുടെ വിതരണം മോട്ടോര്‍വാഹനവകുപ്പ് ഓഫീസുകള്‍ വഴിയായിരിക്കും.
