ഇടതുപക്ഷ ജനാധിപത്യമുന്നണി നേതാവും മുന് എം പിയും ചലച്ചിത്ര നടനുമായ ഇന്നസെന്റിന്റെ ചിത്രം എന്ഡിഎ സ്ഥാനാര്ത്ഥി സുരേഷ് ഗോപി പ്രചരണ ബോര്ഡുകളില് വച്ചതിനെതിരെ എല്ഡിഎഫ് പരാതി നല്കി. ഇരിങ്ങാലക്കുട മണ്ഡലം തെരഞ്ഞെടുപ്പ് കമ്മിറ്റി സെക്രട്ടറി പി. മണിയാണ് ജില്ലാ കളക്ടര്ക്ക് പരാതി നല്കിയത്.
മുന്നണിയുടെയോ ഇന്നസെന്റിന്റെ കുടുബത്തിന്റെയോ അനുമതിയില്ലാതെയാണ് ചിത്രം ആലേഖനം ചെയ്തത്. ഇന്നസെന്റിന്റെ കുടുബം ഇതിനെതിരെ പരസ്യമായി രംഗത്തുവന്നിരുന്നു. തെരഞ്ഞെടുപ്പ് ചട്ടലംഘനം നടത്തിയ സുരേഷ് ഗോപിക്കെതിരെ നിയമനടപടികള് സ്വീകരിക്കണമെന്നും, ദുരുപയോഗം ചെയ്ത് സ്ഥാപിച്ച ബോര്ഡുകള് മാറ്റണമെന്നും പരാതിയില് ആവശ്യപ്പെട്ടു.