ഗാനരചയിതാവ് ജി.കെ.പള്ളത്ത് (പി.ഗോവിന്ദന്കുട്ടി) അന്തരിച്ചു. തൃശ്ശൂര് അമല ആശുപത്രിയിലായിരുന്നു അന്ത്യം. വാര്ധക്യസഹജ രോഗത്തെ തുടര്ന്ന് മൂന്നു ദിവസത്തിലേറെയായി ആശുപത്രിയില് ചികിത്സയിലായിരുന്നു. ഇന്ന് ഉച്ചയ്ക്ക് പന്ത്രണ്ട് മണിയോടെയായിരുന്നു മരണം.
1958ല് തൃശൂരില് നടന്ന കമ്യൂണിസ്റ്റ് പാര്ട്ടിയുടെ പ്ലീനത്തില് കെ.എസ്.ജോര്ജും സുലോചനയും ആലപിച്ച ‘രക്തത്തിരകള് നീന്തിവരും’ എന്ന ഗാനമാണ് ജി.കെ പള്ളത്ത് ആദ്യമായി എഴുതിയത്. തുടര്ന്ന് അറുപതോളം നാടകങ്ങള്ക്കും 10 സിനിമകള്ക്കും ഗാനം രചിച്ചിട്ടുണ്ട്. സുഹൃത്തായ ടിജി രവി നിര്മ്മിച്ച പാദസരം എന്ന ചിത്രത്തിലൂടെയാണ് ചലച്ചിത്ര ഗാനരചയിതാവായത്. തുടര്ന്ന് ചോര ചുവന്ന ചോര, ചാകര, അമൃതഗീതം, കാട്ടുതീ, കാളീചക്രം, വീരശൃംഖല, കുങ്കുമപ്പൊട്ട്, വാല്ക്കണ്ണാടി, എന്നീ ചിത്രങ്ങള്ക്ക് ഗാനങ്ങള് എഴുതി.
സംസ്കാരം നാളെ വൈകിട്ട് നാലിന് പാറമേക്കാവ് ശാന്തി ഘട്ടില് നടക്കും.