സംസ്ഥാനത്ത് സ്വര്ണവിലയില് നേരിയ വര്ധന. ഇന്ന് ഗ്രാമിന് 20 രൂപ വര്ധിച്ചു. ഇതോടെ ഒരു ഗ്രാം സ്വര്ണത്തിന് വില 6605 രൂപയായി. ഒരു പവന് സ്വര്ണത്തിന് വില 52,840 രൂപയിലുമെത്തി. 18 കാരറ്റിന്റെ ഒരു ഗ്രാം സ്വര്ണത്തിന് വില 10 രൂപ വര്ധിച്ച് 5500 രൂപയായി.
കേരളത്തില് സ്വര്ണവിലയില് ചാഞ്ചാട്ടം തുടരുകയാണ്. ഏപ്രിലില് തുടര്ച്ചയായി സ്വര്ണവില പല തവണ റെക്കോര്ഡ് തിരുത്തുന്നത് കണ്ടിരുന്നു. പിന്നാലെ ഏപ്രില് 19ന് സ്വര്ണവില ഏറ്റവും ഉയര്ന്ന നിരക്കായ 6815 രൂപയിലെത്തി. പവന് 54520 രൂപയായിരുന്നു അന്നത്തെ വില.
സ്വര്ണ്ണത്തിന്റെ ക്രമാതീതമായ വില വര്ധന 18 കാരറ്റ് സ്വര്ണാഭരണങ്ങളുടെ ഡിമാന്ഡ് വര്ധിപ്പിക്കുകയാണ്. 22 കാരറ്റ് സ്വര്ണാഭരണങ്ങളും 18 കാരറ്റ് സ്വര്ണാഭരണങ്ങളും തമ്മില് ആയിരത്തിലധികം രൂപയുടെ വില വ്യത്യാസം ആണ് ഗ്രാമിനുള്ളത്. ടീനേജുകാര് ഏറ്റവും കൂടുതല് ഉപയോഗിക്കുന്ന ലൈറ്റ് വെയിറ്റ് ആഭരണങ്ങള് നിര്മ്മിക്കപ്പെടുന്നത് 18 കാരറ്റിലാണ്. ഡയമണ്ട് ആഭരണങ്ങള് നിര്മ്മിക്കുന്നതും 18 കാരറ്റിലാണ്. പുതിയ തലമുറയ്ക്ക് ലൈറ്റ് വെയിറ്റ് ആഭരണങ്ങളോടുള്ള കമ്പം 18 കാരറ്റ് ആഭരണങ്ങള് വലിയതോതില് വിപണിയില് ലഭ്യമാകുന്നു.