നമ്പര്‍ പ്ലേറ്റ് ഇല്ലാതെയും രൂപഘടനയില്‍ മാറ്റം വരുത്തിയും ഓടിയ കാര്‍ മോട്ടോര്‍ വാഹന വകുപ്പ് കസ്റ്റഡിയില്‍ എടുത്തു. കൊല്ലം ജില്ലയിലെ പത്തനാപുരത്താണ് സംഭവം. കാര്‍ കസ്റ്റഡിയില്‍ എടുത്തതിന്റെ പേരില്‍ ഒരു സംഘം ആളുകള്‍ മോട്ടോര്‍ വാഹന വകുപ്പ് ഉദ്യോഗസ്ഥരെ ഭീഷണിപ്പെടുത്തി. പത്തനാപുരം പൊലീസ് സ്റ്റേഷനില്‍ വച്ചാണ് മോട്ടോര്‍ വാഹന വകുപ്പ് ഉദ്യോഗസ്ഥരോട് തട്ടിക്കയറിയത്. മലപ്പുറം സ്വദേശിയുടെ പേരിലുള്ളതാണ് കാര്‍. കൊല്ലം സ്വദേശി കാര്‍ വാങ്ങിയെങ്കിലും പേരുമാറ്റം നടത്തിയിരുന്നില്ല.
