പേരാവൂര്‍:കേരള സംസ്ഥാന ചെറുകിട റൈസ്, ഫ്‌ളവര്‍ & ഓയില്‍ മില്ലേഴ്സ് അസോസിയേഷന്‍ ഇരിട്ടി താലൂക്ക് പേരാവൂര്‍ റോബിന്‍സ് ഓഡിറ്ററിയത്തില്‍ വച്ച് ഉന്നത വിജയം നേടിയ വിദ്യാര്‍ത്ഥികള്‍ക്കുള്ള അനുമോദനവും ആദ്യകാല മില്ലുടമകളെ ആദരിക്കല്‍ ചടങ്ങും സംഘടിപ്പിച്ചു. മില്ലുടമകള്‍ക്കും തൊഴിലാളികള്‍ക്കും ആയി തപാല്‍ വകുപ്പിന്റെ നേതൃത്വത്തില്‍ ഇന്‍ഷുറന്‍സ് ക്യാമ്പും സംഘടിപ്പിച്ചു.പേരാവൂര്‍ ബ്ലോക്ക് ഇന്‍ഡസ്ട്രിയല്‍ എക്‌സ്റ്റന്‍ഷന്‍ ഓഫീസര്‍ രാജേഷ് സി ടി ഉദ്ഘാടനം ചെയ്തു.ഇരിട്ടി താലൂക്ക് പ്രസിഡന്റ് ഷാജി.അധ്യക്ഷത വഹിച്ചു.കണ്ണൂര്‍ ജില്ലാ സെക്രട്ടറി സഞ്ജീവ് ചെള്ളത്ത് ആദ്യകാല മില്ലുടമകളെ ആദരിച്ചു.
പോസ്റ്റല്‍ ഡിപ്പാര്‍ട്ട്‌മെന്റ് ഓഫീസര്‍ ആകാശ് സി, സമിത്ത് എ എന്നിവര്‍ ഇന്‍ഷുറന്‍സ് ക്യാമ്പിന് നേതൃത്വം നല്‍കി.സെക്രട്ടറി ബെന്നി ,ശ്രീശന്‍, പ്രദീപന്‍ , സദത്.എം കെ, നാസര്‍ പികെ,ജില്ലാ ട്രഷറര്‍ നൗഷാദ് ,താലൂക്ക് ട്രഷറര്‍ ബിനു പി ടി എന്നിവര്‍ സംസാരിച്ചു.
