ഉത്തരാഖണ്ഡിലെ ഹെലികോപ്റ്റര് അപകടത്തില് ഹെലികോപ്റ്ററിലുണ്ടായിരുന്ന ഏഴുപേരും മരിച്ചു. ഗൗരികുണ്ടിലെ ഉള്പ്രദേശത്താണ് ഹെലികോപ്റ്റര് തകര്ന്ന് വീണത്. ഇന്ന് പുലര്ച്ചെ അഞ്ച് മണിക്കാണ് അപകടമുണ്ടായത്. പൈലറ്റടക്കം ഏഴ് പേരാണ് ഹെലികോപ്ടറില് ഉണ്ടായിരുന്നത്. തീര്ത്ഥാടക സംഘമാണ് അപകടത്തില്പ്പെട്ടത്.
കേദാര്നാഥില് നിന്ന് ഗുപ്തകാശിയിലേക്ക് പോകുകയായിരുന്നു സംഘമാണ് അപകടത്തില്പ്പെട്ടത്. സംഘത്തില് ഒരു കുട്ടിയും ഉണ്ടായിരുന്നു. ഉത്തരാഖണ്ഡ്, മഹാരാഷ്ട്ര എന്നിവിടങ്ങളില് നിന്നുള്ളവരാണ് ഹെലികോപ്ടറില് ഉണ്ടായിരുന്നത്.
ആര്യന് ഏവിയേഷന് കമ്പനിയുടെ ഹെലികോപ്റ്ററാണ് അപകടത്തില്പ്പെട്ടത്. ടേക്ക് ഓഫിന് തൊട്ടുപിന്നാലെയാണ് അപകടമുണ്ടായതെന്ന് റിപ്പോര്ട്ട്. സംസ്ഥാന ദുരന്തനിവാരണ സേനയും പൊലീസും ഫയര്ഫോഴ്സുമടക്കം രക്ഷാപ്രവര്ത്തനത്തില് പങ്കെടുക്കുന്നുണ്ട്. അപകടത്തില്പ്പെട്ടവര്ക്കായി പ്രാര്ത്ഥിക്കുന്നുവെന്ന് മുഖ്യമന്ത്രി പുഷ്കര് സിംഗ് ധാമി പ്രതികരിച്ചു.
