മാവേലിക്കര മുന് എംഎല്എയും കോണ്ഗ്രസ് നേതാവുമായ എം. മുരളി (73) അന്തരിച്ചു. തിരുവനന്തപുരത്തെ സ്വകാര്യ ആശുപത്രിയില് ചികിത്സയിലിരിക്കെയായിരുന്നു അന്ത്യം. നിലവില് രാജീവ് ഗാന്ധി പഞ്ചായത്തീരാജ് സമിതി സംസ്ഥാന ചെയര്മാനായി പ്രവര്ത്തിച്ചു വരികയായിരുന്നു. ചെറുകോല് വൈപ്പു വിളയില് പരേതനായ കെ.പി. മാധവന് പിള്ളയുടെയും വി.കെ. രാജമ്മയുടെയും മകനാണ്. ദേവസ്വം ബോര്ഡ് കോളേജ് അധ്യാപിക പ്രൊഫ. കെ.എസ്. രമാദേവിയാണ് ഭാര്യ. മക്കള്: ഡോ. മിഥുന്, മൃദുല്, മൃണാള്.
