കൊല്ലം കരുനാഗപ്പള്ളിയില് മദ്യത്തിന് കൈക്കൂലി വാങ്ങിയെന്ന പരാതിയില് ഇടപെട്ട് എക്സൈസ് മന്ത്രി. അന്വഷിച്ച് നടപടിയെടുക്കാന് സിഎംഡിക്ക് നിര്ദേശം നല്കി. ബെവ്കോയുടെ ഇന്റേണല് ഓഡിറ്റ് വിഭാഗം പരാതിയില് അന്വേഷണം നടത്തും. റിപ്പോര്ട്ട് ഉടന് കൈമാറണമെന്നാണ് ഓഡിറ്റ് സംഘത്തിന് നല്കിയ നിര്ദേശം. റിപ്പോര്ട്ട് ലഭിച്ച ശേഷം നടപടിയെടുക്കും. മദ്യം വാങ്ങാന് എത്തിയ ആളില് നിന്ന് ജീവനക്കാരന് 50 രൂപ അധികം ആവശ്യപ്പെട്ടതാണ് സംഭവം. അധികമായി വാങ്ങുന്ന ദൃശ്യം സഹിതം മന്ത്രിക്ക് പരാതി ലഭിച്ചിരുന്നു. ഇതിന് പിന്നാലെയാണ് ഇടപെടല്.
