കോഴിക്കോട് മത്സ്യബന്ധനത്തിനിടെ ബോട്ടിന്റെ എന്ജിനില് നിന്ന് പുക ശ്വസിച്ച് ചികിത്സയിലായിരുന്നവരില് ഒരാള് മരിച്ചു. വെസ്റ്റ് ബംഗാള് സ്വദേശി ഷഹബേദ് ദാസാണ് മരിച്ചത്. വെസ്റ്റ് ബംഗാള് സ്വദേശി ഷഹബേദ് ദാസ് വെന്റിലേറ്ററിലായിരുന്നു. മറ്റൊരു തൊഴിലാളി ബേപ്പൂര് സ്വദേശി ഹനീഫ വെന്റിലേറ്ററിലാണ്.
നാല് മത്സ്യത്തൊഴിലാളികള്ക്കാണ് ദേഹാസ്വാസ്ഥ്യം ഉണ്ടായത്. മൂന്ന് അന്യസംസ്ഥാന തൊഴിലാളികളും ഒരു മലയാളിയുമാണ്.ബേപ്പൂര് പടിഞ്ഞാറ് 10 നോട്ടിക്കല് അകലെയാണ് സംഭവം. ആയിഷ വണ് എന്ന ബോട്ടാണ് അപകടത്തില്പ്പെട്ടത്.
ബോട്ടില് വെള്ളം കയറി എന്ന സംശയത്തില് എന്ജിന് റൂമിലേക്ക് ഇറങ്ങിയ തൊഴിലാളിയാണ് ആദ്യം അപകടത്തില്പ്പെട്ടത്. പിന്നീട് ഇയാളെ രക്ഷിക്കാന് ഇറങ്ങിയ മൂന്നുപേരും അപകടത്തില്പ്പെടുകയായിരുന്നു. മറ്റ് തൊഴിലാളികള് ഇവരെ രക്ഷപ്പെടുത്തി ആശുപത്രിയിലെത്തിക്കുകയായിരുന്നു.
വയനാട് ഉരുള്പൊട്ടല് ദുരന്തബാധിതര്ക്കായി കല്പ്പറ്റ എല്സ്റ്റണ് എസ്റ്റേറ്റില് നിര്മിക്കുന്ന വയനാട് ടൗണ്ഷിപ്പിലെ വിള്ളല് കണ്ടെത്തിയ വീട് സന്ദര്ശിച്ച് റവന്യു മന്ത്രി കെ രാജന്. സിപിഎം നേതാക്കള്ക്കൊപ്പമാണ് മന്ത്രി വീട് സന്ദര്ശിച്ചത്. വീട്ടില് വിള്ളല് കണ്ടെത്തിയ സംഭവത്തില് പ്രതിഷേധ സാധ്യത കണക്കിലെടുത്ത് ഇന്ന് മുതല് ടൗണ്ഷിപ്പില് പൊലീസിനെയും വിന്യസിച്ചിട്ടുണ്ട്. സന്ദര്ശനത്തിനുശേഷം വിവാദങ്ങളില് മന്ത്രി കെ രാജന് പ്രതികരിച്ചു. താമസം തുടങ്ങിയശേഷം പ്രശ്നങ്ങള് വന്നാല് ഊരാളുങ്കല് സമാധാനം പറയേണ്ടിവരുമെന്നും അത് സര്ക്കാരിന്റെ ഗ്യാരണ്ടിയാണെന്നും കെ രാജന് പറഞ്ഞു.
സംസ്ഥാനത്ത് ഞായറാഴ്ച വരെ താപനില ഉയര്ന്നു തന്നെ തുടരാന് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇടുക്കി, വയനാട് ഒഴികെയുള്ള 12 ജില്ലകളില് യല്ലോ മുന്നറിയിപ്പ്. ചൂട് അതികഠിനമായതോടെ സംസ്ഥാനത്തെ വൈദ്യുതി ഉപയോഗം സര്വ്വകാല റെക്കോര്ഡില് എത്തി. ചരിത്രത്തിലെ ഏറ്റവും ഉയര്ന്ന വൈദ്യുതി ഉപഭോഗം ഇന്നലെ രേഖപ്പെടുത്തി..
സാധാരണയെക്കാള് 2 മുതല് 3 ഡിഗ്രി സെല്ഷ്യസ് വരെ ചൂട് കൂടാന് സാധ്യതയുള്ളതിനാല് ഞായറാഴ്ച വരെയാണ് 12 ജില്ലകളില് യെല്ലോ മുന്നറിയിപ്പ് നല്കിയത്. പാലക്കാട് ഉയര്ന്ന താപനില 40 ഡിഗ്രി സെല്ഷ്യസ് വരെയും കൊല്ലത്ത് 39 ഡിഗ്രി സെല്ഷ്യസ് വരെയും കോട്ടയം 38 ഡിഗ്രി സെല്ഷ്യസ് വരെയും ആലപ്പുഴ, പത്തനംതിട്ട, എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസറഗോഡ് ജില്ലകളില് 37 ഡിഗ്രി സെല്ഷ്യസ് വരെയും തിരുവനന്തപുരത്ത് 36 ഡിഗ്രി സെഷ്യസ് വരെയും താപനില ഉയരാന് സാധ്യതയുണ്ടെന്നാണ് മുന്നറിയിപ്പ്.
ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ, ചൂടും അസ്വസ്ഥതയുമുള്ള കാലാവസ്ഥയ്ക്കാണ് സാധ്യത. സൂര്യാഘാതം, സൂര്യാതപം പോലുള്ള ആരോഗ്യപ്രശ്നങ്ങള്ക്ക് സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി നിര്ദ്ദേശിച്ചു.
കെഎസ്ആര്ടിസിയുടെ ബിസിനസ് ക്ലാസ് ബസ് അടുത്തയാഴ്ച മുതല് ഓടിത്തുടങ്ങും. വന്ദേഭാരത് ട്രെയിനിന് സമാനമായി ശുചിമുറിയും ഭക്ഷണവും കഫെറ്റീരിയയും പാന്ട്രിയും ഒക്കെയുള്ള ആഡംബര ബസാണ് നിരത്തിലിറങ്ങുന്നത്. രണ്ട് കോടി രൂപ വിലയുള്ള രണ്ട് ബസുകളാണ് സര്വീസ് നടത്തുക. എയര്ഹോസ്റ്റ് മാതൃകയില് ബസ് ഹോസ്റ്റസ്’ ഉം ബസില് ഉണ്ടാകും.
പുലര്ച്ചെ 5.15ന് തിരുവനന്തപുരത്ത് നിന്ന് വന്ദേഭാരത് ട്രെയിന് പുറപ്പെട്ടതിന് പിന്നാലെ ബസ് കൊച്ചിക്ക് പുറപ്പെടും. അതേ സമയം തന്നെ എറണാകുളത്ത് നിന്ന് തിരുവനന്തപുരത്തേക്കും മറ്റൊരു ബിസിനസ് ക്ലാസ് യാത്ര തിരിക്കും. രാവിലെ 10ന് മുന്പ് എറണാകുളത്ത് എത്തുന്ന രീതിയിലാണ് ബസ് സര്വീസ്.
മറ്റ് ബസുകളില് നിന്ന് വ്യത്യസ്തമായി പ്രത്യേക നിരക്കായിരിക്കും ഉണ്ടാകുക. ഭക്ഷണത്തിനും മറ്റും പ്രത്യേകം പണം നല്കണം. തിരുവനന്തപുരത്ത് നിന്ന് പുറപ്പെട്ടാല് കൊല്ലം, ആലപ്പുഴ എന്നിവിടങ്ങളില് മാത്രമാണ് സ്റ്റോപ്പുണ്ടാവുക. ടിക്കറ്റ് നേരത്തെ റിസര്വ് ചെയ്യുന്നതിനും സൗകര്യമുണ്ടാകും. റിസര്വ് ചെയ്ത എല്ലാ യാത്രക്കാരും എറണാകുളത്തേക്കാണെങ്കില് കൊല്ലത്തും ആലപ്പുഴയിലും സ്റ്റോപ്പുണ്ടാകില്ല.
കേരളത്തില് വേനല്ച്ചൂട് അസഹനീയമായി തുടരുന്ന പശ്ചാത്തലത്തില് സംസ്ഥാനത്തെ വൈദ്യുതി ഉപഭോഗം ചരിത്രത്തിലാദ്യമായി സര്വകാല റെക്കോര്ഡിലെത്തിയിരിക്കുകയാണ്. ഇന്നലെ വൈകുന്നേരത്തെ കണക്കുകള് പ്രകാരം വൈദ്യുതി ആവശ്യകത 6013 മെഗാവാട്ടായി ഉയര്ന്നു. സംസ്ഥാനത്തിന്റെ ചരിത്രത്തില് ആദ്യമായാണ് പീക്ക് സമയത്തെ ആവശ്യകത 6000 മെഗാവാട്ട് എന്ന നാഴികക്കല്ല് പിന്നിടുന്നത്. ഈ മാസം 14ന് രേഖപ്പെടുത്തിയ 6012 മെഗാവാട്ട് എന്ന റെക്കോര്ഡാണ് ഏതാനും ദിവസങ്ങള്ക്കുള്ളില് തന്നെ തിരുത്തപ്പെട്ടത്.
ഇന്നലത്തെ മൊത്തം വൈദ്യുത ഉപയോഗം 116.11 ദശലക്ഷം യൂണിറ്റ് രേഖപ്പെടുത്തി. വൈകുന്നേരത്തെ ആവശ്യകതയും റെക്കോര്ഡില് എത്തി. ഇന്നലെ വൈകുന്നേരത്തെ വൈദ്യുതി ആവശ്യകത 6013 മെഗാ വാട്ട്. 2024 മെയ് 3 ന് രേഖപ്പെടുത്തിയ മൊത്തം ഉപയോഗമായ 115.94 ദശലക്ഷം യൂണിറ്റ് ആയിരുന്നു മുന് റെക്കോര്ഡ്. 2026 ഏപ്രില് 14 ന് രേഖപ്പെടുത്തിയ 6012 മെഗാവാട്ടായിരുന്നു വൈകുന്നേരത്തെ റെക്കോര്ഡ് വൈദ്യുതി ആവശ്യകത. ഇത് രണ്ടും ഇന്നലെ മറികടന്നു.
കഴിഞ്ഞ വര്ഷത്തെ ഇതേ കാലയളവിനെ അപേക്ഷിച്ച് പ്രതിദിനം എട്ട് ദശലക്ഷം യൂണിറ്റിന്റെ വര്ധനവാണ് ഇപ്പോള് രേഖപ്പെടുത്തുന്നത്. ചൂട് വര്ധിച്ചതോടെ വീടുകളിലും സ്ഥാപനങ്ങളിലും എസി, കൂളര് തുടങ്ങിയ ഉപകരണങ്ങള് നിരന്തരമായി ഉപയോഗിക്കുന്നതാണ് ഈ കുതിച്ചുചാട്ടത്തിന് പ്രധാന കാരണമായി ചൂണ്ടിക്കാണിക്കപ്പെടുന്നത്.
നിലവിലെ പ്രതിസന്ധി പരിഹരിക്കാന് ആഭ്യന്തര ഉല്പാദനം വര്ധിപ്പിക്കുമെന്ന് കെഎസ്ഇബി അറിയിച്ചിട്ടുണ്ട്. എന്നാല്, പുറത്തുനിന്ന് വന്തോതില് വൈദ്യുതി വാങ്ങേണ്ടി വരുന്നത് ബോര്ഡിന് വലിയ സാമ്പത്തിക ബാധ്യതയാണ് സൃഷ്ടിക്കുന്നത്. അധികമായി വാങ്ങുന്ന ഈ വൈദ്യുതിയുടെ ചെലവ് വരും മാസങ്ങളിലെ ഇന്ധന സര്ചാര്ജില് പ്രതിഫലിക്കാന് സാധ്യതയുണ്ടെന്നും സൂചനയുണ്ട്.
വൈദ്യുതി വിതരണത്തില് തടസങ്ങള് ഒഴിവാക്കുന്നതിനായി ഉപഭോക്താക്കള് അതീവ ജാഗ്രത പാലിക്കണമെന്ന് അധികൃതര് നിര്ദേശിക്കുന്നു. വൈകുന്നേരം ആറ് മണി മുതല് രാത്രി 11 മണി വരെയുള്ള പീക്ക് സമയങ്ങളില് വൈദ്യുതി ഉപയോഗം പരമാവധി നിയന്ത്രിക്കണം. ഈ സമയത്ത് അനാവശ്യമായ ലൈറ്റുകള് അണയ്ക്കാനും, മോട്ടോര്, വാഷിങ് മെഷീന് തുടങ്ങിയ വലിയ തോതില് വൈദ്യുതി ഉപയോഗിക്കുന്ന ഉപകരണങ്ങള് പ്രവര്ത്തിപ്പിക്കാതിരിക്കാനും ശ്രദ്ധിക്കണമെന്ന് കെഎസ്ഇബി അഭ്യര്ഥിച്ചു.
കൊട്ടിയൂര് വൈശാഖോത്സവത്തിന്റെ സുഗമമായ നടത്തിപ്പിനായി വിവിധ വകുപ്പുകള് ഏകോപിച്ചു പ്രവര്ത്തിക്കണമെന്ന് ജില്ലാ കലക്ടര് അരുണ്.കെ.വിജയന് നിര്ദ്ദേശം നല്കി. ഭക്തജനങ്ങള്ക്ക് മതിയായ സുരക്ഷ ഒരുക്കുന്നതിന് കൂടുതല് പൊലീസുകാരെയും ഫയര് ഫോഴ്സിന്റെ സ്കൂബാ ടീം ഉള്പ്പെടയുള്ളവയും വിന്യസിക്കുന്നതിന് തീരുമാനിച്ചു. മുന്നൊരുക്കങ്ങള് വിലയിരുത്തുന്നതിനായി ജില്ലാ കളക്ടറുടെ അധ്യക്ഷതയില് കളക്ട്രേറ്റ് കോണ്ഫെറന്സ് ഹാളില് ചേര്ന്ന യോഗത്തിലാണ് തീരുമാനം.
കുടിവെള്ളപ്രശ്നം പരിഹരിക്കുന്നതിന് ജലഅതോറിറ്റി തലശ്ശേരി സബ്ഡിവിഷന് ഓഫീസിന്റെ നേതൃത്വത്തില് സജ്ജീകരണങ്ങള് ഏര്പ്പെടുത്തുന്നതിനും ക്ഷേത്ര പരിസരത്തും വഴികളിലും അപകടാവസ്ഥയിലുള്ള മരങ്ങള് മുറിച്ചു മാറ്റുന്നതിന് വനം വകുപ്പ്, ഫയര് ഫോഴ്സ്, ദേവസ്വം എന്നിവയുടെ സംയുക്ത പരിശോധന നടത്തുന്നതിനും കലക്ടര് നിര്ദ്ദേശം നല്കി. ഗ്രീന് പ്രോട്ടോകോള് പാലിച്ച് ഉത്സവം നടത്തുന്നതിന് ശുചിത്വമിഷന് നടപടികള് സ്വീകരിക്കണം. ബി.എസ്.എന്.എല് സേവനം മെച്ചപ്പെടുത്തുന്നതിനാവശ്യമായ നടപടികള് സ്വീകരിക്കണമെന്നും കെ.എസ്.ആര്.ടി.സി മതിയായ ഗതാഗത സൗകര്യം ഒരുക്കണമെന്നും കലക്ടര് നിര്ദ്ദേശം നല്കി.
സബ് കലക്ടര് കാര്ത്തിക് പാണിഗ്രാഹി, എഡിഎം കലാ ഭാസ്കര്, വിവിധ വകുപ്പ് ഉദ്യോഗസ്ഥര്, ദേവസ്വം പ്രതിനിധികള് എന്നിവര് യോഗത്തില് പങ്കെടുത്തു.
നിതിന് രാജിന്റെ മരണത്തില് പൊലീസിന്റെ നിര്ണായക നീക്കം. നിതിന് രാജിനെ ഭീഷണിപ്പെടുത്തിയ ലോണ് ആപ്പ് സംഘത്തിലെ മൂന്ന് പേര് അറസ്റ്റില്. ഉത്തര്പ്രദേശിലെ നോയിഡയില് നിന്നാണ് പ്രതികളെ സൈബര് പൊലീസ് സംഘം പിടികൂടിയത്. ഇവരുടെ പക്കല് നിന്നും സിമ്മുകളും ഉപകരണങ്ങളും പിടിച്ചെടുത്തു. പ്രതികളെ കണ്ണൂരിലെ
കേരളത്തെ നടുക്കിയ വാല്പ്പാറ വാഹനാപകടത്തില് മരിച്ച ഒന്പതുപേരുടെയും സംസ്കാരം ഇന്ന് നടക്കും. പോസ്റ്റ്മോര്ട്ടത്തിനുശേഷം മൃതദേഹങ്ങളുമായി ആംബുലന്സുകള് പൊള്ളാച്ചിയില് നിന്ന് പെരിന്തല്മണ്ണയിലേക്ക് പുറപ്പെട്ടു. രാവിലെ ഒന്പതോടെ പാങ്ങ് അമ്പലപ്പറമ്പ് ഗവ. ഹയര്സെക്കന്ഡറി സ്കൂള് വളപ്പില് പൊതുദര്ശനം ആരംഭിക്കും. ഒരു മണിക്കൂറായിരിക്കും സ്കൂളില് പൊതുദര്ശനമുണ്ടാകുക. ഇതിനുശേഷമായിരിക്കും സംസ്കാര ചടങ്ങുകള് നടക്കുക. പ്രത്യേക ഉത്തരവ് ഇറക്കി പോസ്റ്റ് മോര്ട്ടം രാത്രിതന്നെ നടത്തുകയായിരുന്നു. അര്ധരാത്രി 12ഓടെ ആരംഭിച്ച പോസ്റ്റ്മോര്ട്ടം പുലര്ച്ചെ നാലോടെയാണ് പൂര്ത്തിയായത്. തുടര്ന്ന് ഒന്പത് ആംബുലന്സുകളിലായി നാട്ടിലേക്ക് കൊണ്ടുപോവുകയായിരുന്നു. പാങ്ങ് അമ്പലപ്പറമ്പ് ഗവ. ഹയര്സെക്കണ്ടറി സ്കൂള് വളപ്പില് പൊതുദര്ശനത്തിനുള്ള ക്രമീകരണങ്ങള് ഒരുക്കിയിട്ടുണ്ട്.
വാല്പ്പാറ അപകടത്തില് ഏഴു സ്ത്രീകളും ഒരു കുട്ടിയും ഉള്പ്പെടെ ഒന്പത് പേരാണ് അപകടത്തില് മരിച്ചത്. പള്ളിപ്പറമ്പ് ഗവ.എല്പി സ്കൂളിലെ പ്രധാനാധ്യാപിക പി അജിത(54) മൃതദേഹം പൊതുദര്ശനത്തിനുശേഷം ആദ്യം പുലാമന്തോളിലെ വീട്ടിലേക്ക് കൊണ്ടുപോകും. തുടര്ന്ന് ഷൊര്ണ്ണൂരിലാണ് സംസ്കാര ചടങ്ങുകള്. അധ്യാപിക റംലത്തിന്റെ (52) സംസ്കാരം പാങ്ങ് ജുമാ മസ്ജിദ് ഖബര്സ്ഥാനില് നടക്കും. അധ്യാപിക സുഹറയുടെയും (43) മകന് ഹിഷാമിന്റെയും (12) സംസ്കാരം ഈസ്റ്റ് പാങ്ങ് മസ്ജിദ് ഖബര്സ്ഥാനില് നടക്കും. അധ്യാപിക ആശയുടെ (41) മൃതദേഹം പൊതുദര്ശനത്തിനുശേഷം കൊളത്തൂരിലെ വീട്ടിലേക്ക് കൊണ്ടുപോകും. തുടര്ന്ന് സംസ്കാരം നടക്കും. അധ്യാപകനായ അബ്ദുല് മജീദിന്റെയും (43) ഭാര്യ റുഖിയയുടെയും (39) സംസ്കാരം മാട്ടാത്ത് ഖബര്സ്ഥാനില് നടക്കും. സ്കൂള് പാചകത്തൊഴിലാളി സാജിതയുടെ (45) സംസ്കാരം പാങ്ങ് ജുമാ മസ്ജിദ് ഖബ്ര് സ്ഥാനില് നടക്കും. പള്ളിപ്പറമ്പ് ഗവ. എല്പി സ്കൂളിന് അടുത്തുള്ള ജിയുപി സ്കൂളിലെ അദ്ധ്യാപിക ഷക്കീനയുടെ (37) സംസ്കാരം പാങ്ങ് ജുമാ മസ്ജിദ് ഖബര്സ്ഥാനില് നടക്കും. ഷക്കീന അടുത്തിടെയാണ് എല്പി സ്കൂളില് നിന്ന് യുപി സ്കൂളിലേക്ക് മാറിയത്.
മലപ്പുറം പാങ്ങ് പള്ളിപ്പറമ്പ് ഗവ. എല്പി സ്കൂളില് നിന്നുള്ള വിനോദയാത്രാ സംഘം സഞ്ചരിച്ച വാന് ഇന്നലെ വൈകുന്നേരം 5.15 ന് ആണ് വാല്പ്പാറ ചുരം റോഡില് 500 അടി താഴ്ചയിലേക്ക് മറിഞ്ഞത്. കാഴ്ചകള് എല്ലാം കണ്ട് നാട്ടിലേക്ക് മടങ്ങുമ്പോള് ചുരത്തിലെ പതിമൂന്നാം ഹെയര്പിന് വളവില് വാഹനം നിയന്ത്രണം വിട്ട് പലവട്ടം കീഴ്മേല് മറിഞ്ഞ് ഒന്പതാം വളവിലേക്ക് വീഴുകയായിരുന്നു. ഒന്പതുപേരാണ് അപകടത്തില് മരിച്ചത്. 13 പേരാണ് വാഹനത്തിലുണ്ടായിരുന്നത്. മൂന്നു പേര് ഗുരുതര പരിക്കോടെ കോയമ്പത്തൂര് ഗവണ്മെന്റ് മെഡിക്കല് കോളജില് തീവ്ര പരിചരണ വിഭാഗത്തില് ചികിത്സയിലാണ്. മരിച്ച സാജിതയുടെ മകന് ഷഹദീന്, വാഹനത്തിന്റെ ഡ്രൈവര്, മുഹമ്മദ് ഹാഫിസ്, സ്കൂളിലെ ഡ്രൈവര് നൗഷാദ് എന്നിവരാണ് ഗുരുതരമായി പരിക്കേറ്റ് ചികിത്സയിലുള്ളത്.പരിക്കോടെ അത്ഭുതകരമായി രക്ഷപ്പെട്ട 11 വയസുകാരി മസ്നീന് എന്ന കുട്ടിയെ നാട്ടിലേക്ക് കൊണ്ടുവന്ന് പെരിന്തല്മണ്ണ ജില്ലാ ആശുപത്രിയിലേക്ക് മാറ്റി. അപകടത്തില് മരിച്ച അദ്ധ്യാപിക ഷക്കീനയുടെ മകള് ആണ് മസ്നീന്. ഉമ്മ മരിച്ച വിവരം മസ്നീനെ അറിയിച്ചിട്ടില്ല.
തമിഴ്നാട് വാൽപ്പാറയിൽ ടെമ്പോ ട്രാവലർ അപകടത്തിൽപ്പെട്ട് ഒമ്പത് മലയാളികൾക്ക് ദാരുണാന്ത്യം. മരിച്ചവരിൽ ഏഴു സ്ത്രീകളും രണ്ട് പുരുഷന്മാരും ഉൾപ്പെടുന്നു. മലപ്പുറം വളാഞ്ചേരിക്ക് സമീപം പാങ്ങ് പാറമ്മൽ ജിഎൽപി സ്കൂളിൽനിന്നും വിനോദയാത്ര പോയ അധ്യാപകരും കുടുംബാംഗങ്ങളും സഞ്ചരിച്ച വാഹനമാണ് മറിഞ്ഞത്. ഡ്രൈവറടക്കം 13 പേർ ഉൾപ്പെട്ടതായിരുന്നു സംഘം. അപകടത്തിൽ വാഹനം പൂർണമായി തകർന്നു.വാൽപ്പാറ-പൊള്ളാച്ചി റൂട്ടിൽ 13-ാം വളവിൽനിന്ന് 16-ാം വളവിലേക്കാണ് വാഹനം മറിഞ്ഞത്. പരിക്കേറ്റവരെ പൊള്ളാച്ചിയിലെ താലൂക്ക് ആശുപത്രിയിൽ പ്രവേശിപ്പിച്ചു. ഇവരിൽ ചിലരുടെ നില ഗുരുതരമാണെന്നാണ് വിവരം. വാൽപ്പാറയിൽനിന്ന് പൊള്ളാച്ചിയിലേക്കുള്ള ചുരമിറങ്ങുമ്പോഴായിരുന്നു അപകടം.
കൊട്ടിയൂർ വൈശാഖോത്സവത്തിന്റെ സുഗമമായ നടത്തിപ്പിനായി വിവിധ വകുപ്പുകൾ ഏകോപിച്ചു പ്രവർത്തിക്കണമെന്ന് ജില്ലാ കലക്ടർ അരുൺ.കെ.വിജയൻ നിർദ്ദേശം നൽകി. ഭക്തജനങ്ങൾക്ക് മതിയായ സുരക്ഷ ഒരുക്കുന്നതിന് കൂടുതൽ പൊലീസുകാരെയും ഫയർ ഫോഴ്സിന്റെ സ്കൂബാ ടീം ഉൾപ്പെടയുള്ളവയും വിന്യസിക്കുന്നതിന് തീരുമാനിച്ചു. മുന്നൊരുക്കങ്ങൾ വിലയിരുത്തുന്നതിനായി ജില്ലാ കളക്ടറുടെ അധ്യക്ഷതയിൽ കളക്ട്രേറ്റ് കോൺഫെറൻസ് ഹാളിൽ ചേർന്ന യോഗത്തിലാണ് തീരുമാനം.
കുടിവെള്ളപ്രശ്നം പരിഹരിക്കുന്നതിന് ജലഅതോറിറ്റി തലശ്ശേരി സബ്ഡിവിഷൻ ഓഫീസിന്റെ നേതൃത്വത്തിൽ സജ്ജീകരണങ്ങൾ ഏർപ്പെടുത്തുന്നതിനും ക്ഷേത്ര പരിസരത്തും വഴികളിലും അപകടാവസ്ഥയിലുള്ള മരങ്ങൾ മുറിച്ചു മാറ്റുന്നതിന് വനം വകുപ്പ്, ഫയർ ഫോഴ്സ്, ദേവസ്വം എന്നിവയുടെ സംയുക്ത പരിശോധന നടത്തുന്നതിനും കലക്ടർ നിർദ്ദേശം നൽകി. ഗ്രീൻ പ്രോട്ടോകോൾ പാലിച്ച് ഉത്സവം നടത്തുന്നതിന് ശുചിത്വമിഷൻ നടപടികൾ സ്വീകരിക്കണം. ബി.എസ്.എൻ.എൽ സേവനം മെച്ചപ്പെടുത്തുന്നതിനാവശ്യമായ നടപടികൾ സ്വീകരിക്കണമെന്നും കെ.എസ്.ആർ.ടി.സി മതിയായ ഗതാഗത സൗകര്യം ഒരുക്കണമെന്നും കലക്ടർ നിർദ്ദേശം നൽകി.
സബ് കലക്ടർ കാർത്തിക് പാണിഗ്രാഹി, എഡിഎം കലാ ഭാസ്കർ, വിവിധ വകുപ്പ് ഉദ്യോഗസ്ഥർ, ദേവസ്വം പ്രതിനിധികൾ എന്നിവർ യോഗത്തിൽ പങ്കെടുത്തു.
